Menningarnótt misnotuð í pólitískum tilgangi

   Í Fréttablaðinu í dag kemur fram að  Samtök hernaðar-
andstæðinga standa fyrir Róttæklingarölti á menningarnótt.
Haft er eftir Stefáni Pálssyni róttæklingi að ,,þetta verði engin
smáræðisganga." Hann segir að ,,við leggjum af stað frá Iðnó
og prjónum okkur gegnum miðbæinn, staðnæmust þar sem
fræg áttök hafa átt sér stað eða mótmæli þar sem hefur 
skorið í brýnu við lögreglu." Þá klingir Stefán Pállsson rót-
tæklingur, hernaðarandstæðingur og Vinstri-grænn út með
því að segja að ,,það væri óvæntur bónus ef löggan lumbrar
á okkur eða sprautar á okkur táragasi."

  Þótt ekki eigi að taka svona póitíska  rugludalla alvarlega,
er hins vegar orðið umhugsunarvert ef ekki sé orðið hægt að
efna til almennra hátíða, eins og Menningarnótt í Reykjavík
er orðin, án þess að fámennir hópar eins og vinstrisinnaðir
róttæklingar, ætli að misnota hana í pólitískum tilgangi.

    Veit  að hinn almenni borgarbúi kærir sig ALLS EKKI  um 
slíkt, og ætlast til þess AÐ SLÍKT VERÐI EKKI LIÐIÐ!!! 

Átakanleg sjón

   Það var átakanleg sjón að horfa upp þann fámenna
hóp sem kalla sig hernaðarandstæðinga mótmæla
fyrir framan NORSKA og DANSKA sendiráðið í dag. Ennþá
átaknlegra var að sjá að í þessum fámenna hópi mót-
mælanda var nær öll forystusveit Vinstri-græna saman
komin með formanninn sjálfan í broddi fylkingar. Mót-
mæliin beindust m.a að því að þessar helstu vina og
bræðraþjóðir Íslendinga taka nú þátt í heræfingum
Nato til að tryggja öryggi og fullveldi Íslands á friðar
sem ófriðar tímum.

  Hvað ætli flokksmenn systurflokks Vinstri-grænna
í Noregi hugsi er þeir sjá forystusveit systurflokks
þeirra uppi á Íslandi haga sér með jafn óábyrgum
hætti og þarna var gert ? Svo vill til að systurflokkur
Vinstri-grænna í Noregi er í svokallaðri vinstristjórn
sem stendur fyrir einni mestu hernaðaruppbyggingu
Noregs á friðartímum. Hvers vegna skyldu nú þeir
gera það?

   Framferði Vinstri grænna í varnar-og öryggismálum
þjóðarinnar er ótrúlega ábyrgðarlaust og á ekkert sitt
líkt. Hvergi á byggðu bóli er að finna stjórnmálaflokk
sem vill að land sitt sé berskjaldað og varnarlaust,
í jafn ótryggum og viðsjárverðum heimi og við lífum í.
Ekki nema þá örugustu anarkista, sem bera ekki
virðingu fyrir neinu. Frá þjóðlegu sjónarmiði séð  er
hér beinlínis um hættulega stjórnmálahreyfingu að
ræða, sem á að útiloka frá allri aðkomu að stjórn
landsins eins og kostur er.

   Framsóknarflokkur og Frjálslyndir gefst kostur á í
haust er þing kemur saman, að sýna í verki  að sam-
vinna eða samstarf við slíkan óábyrgan öfgaflokk til
vinstri komi ekki til greina...

  Það verður vel fylgst með því !

Orð að sönnu hjá Staksteinum

    Staksteinar Morgunblaðisins fara hörðum orðum um
störf utanríkisráðherra. Vert er að taka heilshugar undir
þau, því þau eru orð að sönnu.

  Þar segir: ,, Að láta sér til hugar koma, að Íslendingar hafi
einhverju raunverulegu hlutverki að gegna í að leysa deil-
urnar í Miðausturlöndum er í bezta falli barnaskapur og í
versta falli sýndarmennska en eingöngu til heimabrúks,
því að sú sýndarmennska dugar skammt í öðrum löndum."

  Og ennfremur:  ,,Hið sama á við um viðleitni okkar til
þess að komast í öryggisráðið og borga fyrir það 600-
1.000 milljónir. Hver ætli hafi látið sér detta þessa vitleysa
í hug? Ef svo ólíklega vildi til að við næðum kosningu í
öryggisráðið mundum við fyrst finna fyrir því."

  Og í lokin:  ,, Er einhver von til þess  að hægt verði að
koma utanríkisráðherra og utanríkisráðuneytinu í jarð-
samband? Hvar eru nú hinar hagsýnu húsmæður?".


    Ljóst er að núverandi utanríkisráðherra á eftir að
verða landi og þjóð dýr, bæði fjárhagslega en ekki
síst með allskyns ranghugmyndum,  og að gæta ekki
íslenzkra hagsmuna sem skyldi..........

Yfirlýsing ráðherra stangast á við hershöfðingjann

   Sem kunnugt er hefur ríkt allsherjar klúður um framtíð
ratsjárstöðvana á Íslandi. Utanríkisráðherra hefur aug-
ljóslega ekki unnið heimavinnu sína, og í gær kom svo
forstætisráðherra fram í fjölmiðlum og reyndi að verja
aðgerðarleysi utanríkisráðherra. Þar vildi forsætisráð-
herra kenna Bandaríkjamönnum um að ekki væri búið
að afgreiða málið nú þegar Íslendingar eiga að yfirtaka
reksturinn 15 ágúst n.k

   Hér hefur verið haldið fram að slóðaháttur utanríkis-
ráðherra væri hér aðal orsakavaldur. Í dag kom svo
merk yfirlýsing frá William T. Hobbins, sem er hershöfð-
ingi bandariska flughersins í Evrópu, en hann er hér
staddur vegna heræfinga Nato hér á landi. Talandi um
varnarmál Íslands og að þau yrðu rædd innan Nato
á næstunni sagði Hobbins ,, ÍSLENZK STJÓRNVÖLD
ÞURFA AÐ ÁKVEÐA FRAMTÍÐ RATSJÁRSTÖÐVANA" sbr
frétt hér á Mbl. is.

   Þannig, hershöfðingi bandariska flughersins í Evrópu
segir það standa á íslenzkum stjórnvöldum að ákveða
framtíð ratsjárstöðvana, gagnstætt því sem forsætisráð-
herra hefur sagt til að verja aðgerðarleysi utanríkisráð-
herra í þessu máli.

  Er nokkuð að furða að dómsmálaráðherra vilji taka
málefni loftvarna á Íslandi úr höndum utanríkisráðherra?
Dómsmálaráðherra virðist sjá það sem forsætisráðherra
virðist ekki vilja sjá.........
 

Íslendingar stórauki þátttöku sína í eigin vörnum.

   Heræfingar Nato  á Íslandi (Norður Víkingur) fara nú  fram
næstu daga. Ánægjulegt er að Íslendingar koma að fullu að
þessum æfingum, og er það vonandi vísbending um að Ís-
lendingar muni stórauka þátttöku sína í eigin vörnum á
næstu misserum og árum. - Það er grundvallaþáttur þess
að vera sjálfstæð og fullvalda þjóð.

   Núverandi dómsmálaráðherra á hrós skilið hvernig hann
hefur unnið að eflingu Landhelgisgæslu, Víkingarsveitar og
annari löggæslu frá því að bandariski herinn hvarf af landi
brott. Naut hann þar fulls stuðnings fyrrverandi ríkisstjórnar.
Núverandi ríkisstjórn er hins vegar skipuð vinstrisinnuðum
öflum sem gagnrýndu fyrrverandi ríkisstjórn í öryggis- og
varnarmálum. Hversu sterk áhrif þau hafa á mótun nýrrar
stefnu í öryggis-og varnarmálum á eftir að koma í ljós.
Ástæða er þó til að óttast áhrifa þeirra í þessum mikilvæga
málaflokki.

  Ljóst er  að íslenzk stjórnvöld þurfa að stórauka framlög til
öryggis- og varnarmála næstu árin. Á sama tíma þarf að
t.d stórminnka ýmis gæluverkefni utanríkisráðuneytisins
erlendis.

  Af einum af mörgum húsbyggingum á Keflavíkurflugvelli
mætti svo nota undir pólitíska endurhæfingu svokallaða
hernaðarandstæðinga. Sá hópur manna, sem telur Ísland
eitt ríkja heims, geta verið BERSKJALDAÐ og VARNARLAUST
í hinum ótrygga og viðsjárverða heimi, þarf einfaldlega að
hjálpa.....

Bestu óskir til Dana

   Danskir vísandamenn halda nú á norðurheimskautið til
að mæla sjávardýptina við N-Grænland. Danir vonast til
að leiðangurinn geti orðið til þess að þeir geti slegið eign
sinni á Norðurpólinn, en Rússar hafa verið með ýmsa
tilburði að undanförnu til að eigna sér hann, en mikla
olíu er þar að finna.

   Bara bestu óskir til frænda vora Dani í þessum efnum.
Sjálfir erum við að fara á stað með olíuleit á hafsvæðinu
norður af Íslandi. Þá eru Norðmenn í góðum málum í
olíuvinnslu sinni. Þannig þeim mun meiri olíu sem þessar
frændþjóðir finna og vinna , því STERKARI verða þær í fram-
tíðinni á N-Atlantshafi. -


   Sem sagt. Áfram Danir !

   

Athyglisvert! Breska þingið vill ræða við Hamas

   Eitt af því sem Ingibjörg Sólrún Gísladóttir utanríkisráðherra
var gagnrýnd mest  fyrir í för sinni um Mið-austurlönd um daginn, 
var  að vilja ekki ræða við Hamas-samtökin í Palestínu.  Nú hefur
utanríkismálanefnd breska þingsins lagt til við bresku stjórnina
að snúa frá þeirri stefnu að ræða ekki við Hamassamtökin um
málefi Palestínu. Það að ræða einungis við Fatah samtök Abbasar
forseta Palestínu drægi aðeins úr líkum að hægt verði að koma á
varanlegum friði fyrir botni Miðjarðarhafs.

   Þetta er afar athyglisvert í ljósi ummæla og afstöðu utanríkis-
ráðherra Íslands í för um Mið-austurlönd um daginn.  
 

A-þyzkir landamæraverðir skyldu skjóta samlanda sína

     Þá liggur það loks skriflega fyrir. Skjal frá árinu 1973
fannst í skjalasafni í bænum Magdeburg í síðustu viku.
Skipunin kom frá hinni illræmdu leyniþjónustu Stasi.
,,Zögern Sie nicht mit der Anwnedung der Schusswaffe".
- ,, hikið ekki að beita skotvopnum". Líka á konur og börn.
 Skipunin var tileinkuð þeim sem voguðu sér að flýja yfir
hinn illræmda Berlínarmúr.

     Austur-þýzka kommúnistastjórnin var sú illræmdasta
í Evrópu eftir seinni heimstyrjöld. Talið er að allt að 1245
manns hafi verið skotnir á flótta frá A-Þýzkalandi í valda-
tíð kommúnista.

   Leifar af Austur-þýzka kommúnistaflokknum er enn
starfandi í dag undir öðru nafni og kennitölu. Sósíalistar
og róttækir vinstrimenn hafa löngum  verið iðnir við að
villa á sér heimildir með nafnbreytingum og kennitöluflakki.
Á Íslandi er þetta vel þekkt fyrirbrigði.

  Það er sorglegt að í byrjun 21 aldar skuli vera uppi stjórn-
málaflokkur á Íslandi  sem sá ástæðu til að senda fulltrúa
sinn til Berlínar í sumar,  á stofnfund flokks fyrirrverandi
austur-þýzkra kommúnista..............

  

Hvar er Framsókn ?

   Staksteinar Morgunblaðisins  í dag virðast hafa áhyggjur
af Framsóknarflokknum, og spyrja hvar hann sé. Þar segir.
,, Er Framsókn týnd og tröllum gefin? Stundum mætti ætla
það. Það heyrist nánast ekkert í Frmsóknarmönnum. Að vísu
stundum í Birni Inga Hrafssyni en þó minna en áður. Stöku
sinnum í Valgerði Sverrisdóttur, sem virðist líta á það sem
sitt sérstaka hlutverk að ávíta þá, sem nú gegna ráherra-
störfum, sem hún gengdi áður."

   Og ennfremur:

   ,, Kannski eru Framsóknarmenn í grasrótarstarfi og koma
brunandi fram á sjónarsviðið í haust, freskir og endurnærðir
eftir að tala við þjóðina"

   Og að lokum:

   ,,,Það er bæði ástæðulaust en líka varasamt að láta stjórnar-
flokkana tvo eina um hituna".

    Það verður að viðurkennast að nokkur sannleikskorn felast í
máli Staksteina. Forystumenn og þingmenn flokksins hafa lítt
verið áberandi í stjórnmálaumræðunni að undanförnu. Þótt
einstakir stjórnmálamenn fari í frí yfir há-sumarið, er það ekki
hlutverk heils stjórnmálaflokks. Allra síst þegar sá hinn sami
er að koma út úr erfiðum kosningum, og þarf sem fyrst að
höndla vopn sín á ný. Líka af því að af nógu hefur verið að
taka í þeim efnum að undanförnu. Því það er lýðræðisleg
nausýn að ávalt sé til staðar öflug, málefnaleg og virk
stjórnarandstaða...

   

Forsætisráðherra kemur utanríkisráðherra til bjargar

   Það er afar skiljanlegt að forsætisráðherra sjái sig knúinn
til að koma utanríkisráðherra sínum til bjargar varðandi hin
svokölluðu ratsjármál. Formaður utanríkismálanefndar hefur
sagt það hafa komið sér á óvart hversu mörgum álitaefnum
sé enn  ósvarað aðeins nokkrum dögum áður en Íslendingar
taki við rekstri ratsjárstöðvanna. Ráðuneytisstjóri utanríkis-
ráðuneytisins tekur undir þetta, en verður fátt um svör.

  Í viðtali í sjónvarpsfréttum í gær kom loks forsætisráðherra
fram brúnaþungur á svip og vildi skella skuldinni á Banda-
ríkjamenn. Mátti skilja að þeir hefðu dregið lappirnar í þessu
máli, og því væri málið í jafn lausu lofti og raun ber vitni.

  Þetta er auðvitað fáránlegur fyrirsláttur. Fyrir liggur einfaldlega
að utanríkisráðherra hefur alls ekki unnið sína heimavinnu í
þessu máli. Hefur haft allt sumarið til að klára málið, en velur
fremur dýrmætan tíma í erlendar hnattreisur, sem erfitt hefur
verið að sjá hvaða tilgangi þjóni. Hafi staðið á Bandaríkjamönnum,
var það hlutverk utanríkisráðherrra að láta  það ekki viðgangast.
Það er nefnilega löngu orðið tímabært að íslenzk  stjórnvöld
sýni Bandaríkjamönnum ÁKVEÐNI OG FESTU, ekki síst með tilliti
til þeirrar óvirðingar sem bandariksk stjórnvöld sýndu  þeim
íslenzku við   brottför banadariska hersins á sínum tíma.

   Sannleikurinn er einfaldlega sá að utanríkisráðherra hefur
takmarkaðan áhuga á öryggis-og varnarmálum, eðlilega sem
fyrrum Nato-andstæðingur.  Brúnaþungur forsætisráðherra
breytir  þar engu  um.......