Ljós hjá iðnaðarráðherra

   Vissulega er alltaf jákvætt þegar menn loks sjá
ljósið. Því ber að fagna að iðnaðarráðherra sjái
ljósan punkt í því að gefa út sérleyfi til olíuleitar
austur af Íslandi innan árs.  Bara húrra fyrir
iðnaðarráðherra með það. - Hins vegar er enn
afar erfitt að skilja neikvæðu afstöðu hans til
hugmyndar um byggingu olíuhreinsunarstöðvar.
Getur ekki bara orðið meiriháttar gott samhengi
þar á milli ? Olíuvinnsla = olíuhreinsun ? Eða hvers
vegna ætti olíuhreinsun að vera meira mengandi
en olíuvinnsla? Næ ekki alveg upp í það  herra
iðnaðarráðherra!

   Í fréttinni kom fram að þingmenn fyrir austan og
norðan væru fylgjandi þessu nema Vinstri-grænir.

   Þeir nota víst hvorki olíu né bensín greyin !

Hvar er evrukórinn nú ?

  Það er afar athyglisvert að meðan helstu seðlabankar
heims þurfa að hlaupa til handa og fóta til að verja sín
gengi og peningamarkði, skuli Seðlabanki Íslands með
sína ÍSLENZKU KRÓNU ekki þurfa að grípa til neinna
aðgerða. Þannig varð Seðlabanki Evrópu að leggja
bönkum  á evrusvæðinu 61 milljarð evra í morgun til
viðbótar við þá 95 milljarða evra, sem bankinn lagði
til í gær.

   Hvar er nú evrukórinn ?  Kórinn sem hefur súngið
það sí og æ hverslu íslenzka krónan væri gjörónýt
mýnt, og allt það fram eftir götunum.

  Ekki verður annað séð en íslenzka krónan standi
sig bara  furðu vel miðað við þann ólgusjó sem nú
gerist á alþjóðlegum peningamörkuðum. Og það
án hjálpar eða aðgerða Seðlabankans !

Utanríkisráðherra hefur brugðist í ratsjárstöðvamálinu

   Nú liggur það fyrir að utanríkisráðherra hefur alls ekki unnið
sína heimavinnu varðandi framtíð Ratsjárstofnunar Íslands, sem
m.a fylgist með loftvörnum landsins. Bjarni Benediktsson,
formaður utanríkismálanefndar, lýsti því yfir í gær, að hann
telji íslenzk stjórnvöld hafa verið of sein að vinna málið þannig,
að fyrir liggi nú 15 ágúst n.k hvað taki við, þegar Íslendingar
yfirtaka rekstur ratsjárstöðvanna. Utanríkisráðuneytið hefur farið
með þetta mál, og því augljóst að það hefur algjörlega brugðist
í þessu stóra máli.

   Sá kattarþvottur sem Árni Páll Árnason, varaformaður utan-
ríkismálanefndar og þingmaður Samfylkingarinnar reynir að
gera með því að segja, að hin óljósa  staða í dag varðandi fram-
tíð raðtsjárstöðvanna sé vegna ágreiningis í fyrri ríkisstjórn,
er hlægilegur. Auðvitað komu upp ótal álitamál í fyrri ríkisstjórn
strax eftir að Bandaríkjamenn ákváðu að fara á braut, en þau
álitamál voru leyst jöfnum höndum. Óhætt er að segja að mikil
og góð samvinna hafi ríkt í fyrrverandi ríkisstjórn með hvaða
hætti íslenzk stjórnvöld brugðust við gjörbreyttum aðstæðum
í öryggis-og varnarmálum, eftir brottför bandariska hersins. 
Samvinna dómsmálaráðherra og þáverandi utanríkisráðherra
var ávalt með miklum ágætum, enda gerðust stórir hlutir á mjög
skömmum tíma í öryggis-og varnarmálum í tíð fyrrverandi ríkis-
stjórnar.

   Það að ekki fyrr en nú nýlega að utanríkisráðherra hafi loks 
skipað  einhvern starfshóp til að svara því hvaða fyrirkomulag
verði á loftvarnareftirliti hér við land í framtíðinni,  er ótrúlegur
rolugangur, en sýnir þó í raun algjört áhugaleysi  utanríkisráðherra
til þessa máls. Meðan hugur og augu utanríkisráðherra átti öðru
fremur að einskorðast við þessi mikilvægu úrlausnarefni í öryggis-
og varnarmálum þjóðarinnar í sumar, og öðrum hagsmunamálum
okkar á norðurslóðum, virðast t.d vandamál Mið-austurlanda hafa
átt allan  hug og hjarta ráðherra .   
  
   Ljóst er að gjörbreyttar áherslur hafa orðið í utanríkisráðuneytinu.
Koma þær nokkuð á óvart ?

 

Hefur utanríkisráðherra brugðist í ratsjárstöðvamálinu ?

   Formaður utanríkismálanefndar, Bjarni Benediktsson,
segir það koma sér  á óvart hversu mörgum álítaefnum
sé enn ósvarað, aðeins nokkrum dögum áður en Íslend-
ingar taka við rekstri ratsjárstöðvanna. Í raun virðist allt
í lausu lofti um rekstur og hlutverk íslenzka lofvarna-
kerfisins, ef marka má orð formanns utanríkismálanefndar.

   Ef satt reynist er hér um grafalvarlegt mál að ræða, og
öll spjót hljóta að beinast að utanríkisráðherra hvað
þetta varðar. Að ekki skuli liggja fyrir skýrar línur um
rekstur þessara þýðingarmiklu starfsemi fyrir loftvarnir
Íslands aðeins nokkrum dögum áður en Íslendingar
taki við rekstri stöðvanna er svo ótrúlegt, að hér hlýtur
að vera um einhvern mikinn misskilning að ræða.

  Utanríkisráðherra hlýtur að svara fyrir þetta þegar í
stað, og útskýra málið fyrir þjóðinni !

Vinstri Grænir mála sig út í horn í stjórnarandstöðu

   Síðast í dag undirstrika Vinstri-grænir vítavert ábyrgðarleysi sitt
í öryggis-og varnarmálum þjóðarinnar, með fáránlegum bókunum
í utanríkismálanefnd. Mótmæla þeir þar harðlega hvernig fyrrver-
andi og núverandi ríkisstjórn hafa haldið á málum  í öryggis-og
varnarmálum þjóðarinnar, nú þegar hinn bandariski her hefur
yfirgefið Ísland.

   Nú kann að vera deildar  meiningar um hvernig vörnum  og
öryggi Íslands verði best fyrirkomið. Hins vegar hljóta öll ábyrg
og þjóðholl pólitísk öfl að vera sammála því, að á Íslandi sé lág-
marks öryggis-og varnarbúnaður, og að Ísland verði áfram í
varnarbandalagi vestrænna ríkja. Því grundvallaratriði eru
Vinstri-grænir hins vegar ósamála, en vilja gera Ísland  þess í
stað að ALÞJÓÐLEGU VIÐUNDRI, þ.e. að Ísland verði  eitt ríkja 
heims berskjaldað og varnarlaust.

   Vinstri-grænir eru svo öfgakenndir í sinni vinstrimennsku, að
þeir eru ekki bara óstjórntækir í ríkisstjórn, heldur hafa líka
málað sig út í horn í stjórnarandstöðu. - Því hljóta framsóknar-
menn og frjálslyndir að takmarka sem mest samskipti við slíka
vinstrisinnaða róttæklinga. -     Það gefur nefnilega augaleið að
stjórnmálaflokkar á mið/hægri vængi íslenzkra stjórnmála, eins
og Framsóknarflokkur og Frjálslyndir eru, eiga ekkert  við slíka
róttæklinga til vinstri að sælda. Hins vegar hljóta þessir tveir
flokkar að hafa með sér náið og gott samstarf í stjórnarand-
stöðu. - Öll pólitísk rök hníga að því í dag......


       

Austurlandaferð Ingibjargar gleymd

    Nokkuð er um liðið síðan Ingibjörg Sólrún Gísladóttir
utanríkisráðherra fór í mikla reisu til Mið-austurlanda,
til að kynna sér málin þar, eins og það var orðað. Heil
vika fór í reisuna með tilheyrandi fjölmiðlastandi hér-
lendis, og að sjálfsögðu með ,,viðeigandi" kostnaði fyrir
okkur skattgreiðendur. För þessi var afar umdeild, þótt
ekki sé meira sagt, því fjölmargir sáu alls ekki hvernig
Ísland gæti haft áhrif umfram alla aðra til að koma vitinu
fyrir stríðsherranna þarna fyrir austan. -  Auk þess sem
margir töldu réttilega varasamt að flækja Íslandi inn í
jafn blóðug átök og flókin og erfið deilumál og þau, sem
hafa verið fyrir  botni Miðjarðarhafs nánast frá ómunatíð.

   Ósköp hljótt hefur því verðið um för utanríkisráðherra
síðan, enda skiljanlegt. Förin var vanhugsuð í alla staði,
illa skipulögð, auk þess farin á kolvitlausum tíma

   Eftir sitja svo íslenzkir skattgreiðendur, hugsandi að 
betur hefði nú mátt ráðstafa milljónunum í eitthvað þarf-
fara hér innanlands. Reikningurinn verður hins vegar 
bókaður sem kostnaður í baráttuna um Öryggisráðið.

   Allt virðist nefnilega geta réttlætt þá forheimskulegu
baráttu !

Geta 2 rofar kippt Íslandi úr sambandi ?

   Hvers konar rugl er þetta ? Skv. frétt frá Landsneti
orsakaðist rafmagnsleysið um ríflega helming landssins
í gær að þrýst var óvart á rofa sem ekki mátti þrýsta
á.  Skv. þessu væri nægjanlegt að þrýst yrði á tvo
vitlausa rofa og þar með yrði Ísland allt rafmagnslaust.
Íslandi yrði kippt hreinlega úr sambandi?

  Hvernig er þetta hægt? Hefur hátæknin orsakað algjört
öryggisleysi í orkumálum þjóðarinnar? Og aldrei slíku
vant. Hvorki stuna né hósti heyrist frá orkumálaráðherra.

   Hvað er að gerast ?

Hvers vegna Lettar ?

    Með fullri virðingu fyrir vinum vorum Lettum er samt erfitt
að skilja hvernig þeir eiga að tengjast vörnum Íslands með
beinum hætti. Um miðjan ágúst fara fram heræfingar á vegum
NATÓ á Íslandi, en 4 NATÓ-þjóðir taka þátt í þeim, Danir,
Norðmenn, Bandaríkjamenn og Lettar. Í ljósi gjörbreyttrar
stöðu  í öryggis-og varnarmálum Íslands hefði mátt ætla  að
öflug herveldi og miklar vinaþjóðir okkar  sem hafa sýnt vörn-
um Íslands áhuga, eins og Þjóðverjar og Frakkar, komi þar
að málum.  En svo er alls ekki !

    Hafa íslenzk stjórnvöld ekkert um það að segja hvaða
þjóðir komi hingað til heræfinga ? Eða, hafa íslenzk stjórn-
völd kannski bara  hreinlega enga skoðun á því ?

Samstarf Framsóknar og Frjálslyndra ?

   Nú þegar hvetibrauðsdagar ríkisstjórnarinnar eru senn
taldir og sumri tekur að halla, fer stjórnmálaumræðan að
fá á sig líflegri blæ. Eitt af því sem vert er að íhuga, er með
hvaða hætti stjórnarandstaðan getur stillt saman stengi
sína gagnvart þeim mikla þingmeirihluta sem ríkisstjórn-
in hefur að baki sér. Fljótt á litið virðist þar helst koma til
greina náið samstarf Framsóknar og Frjálslyndra. 

   Ákveðin öfl innan Sjálfstæðisflokksins ákváðu það eftir
kosningar að slíta fyrrverandi farsælu stjórnarsamstarfi
við Framsóknarflokkinn til 12  ára, en ganga þess í stað
til samstarfs viðl sósíaldemókratanna í Samfylkingunni.
Þarna gerði Sjálfstæðisflokkurinn mikil mistök, því með
svo löngu og farsælu samstarfi við Framsóknarflokkinn,
var í raun kominn vísir að tveim pólitískum fylkingum í
íslenzkum stjórnmálum, líkt og gerst hefur víðast hvar
á Vesturlöndum. Annars vegar fylking mið-og hægri afla,
svokölluð borgaraleg fylking annars vegar, og svo flokka
til vinstri hins vegar. Skörp skil hefðu þannig myndast í
íslenzkum stjórnmálum, sem kjósendur hefðu svo getað
valið um hverju sinni. Athyglisvert er að Sjálfstæðisflokk-
urinn hafnaði líka öllu samstarfi við Frjálslyndra, sem hafa
þó ætíð skilgreint sig  hægra megin við miðju. Það að taka
Frjálslynda inn í ríkisstjórn Framsóknar- og Sjálfsstæðis-
flokks var sömuleiðis alfarið hafnað af forystusveit Sjálf-
stæðisflokksins. Einstakt tækifæri  til að mynda sterka
borgaralega ríkisstjórn til langframa var því glutrað niður
af ákveðum öflum innan Sjálfstæðisflokksins, en þess í
stað mynduð ríkisstjórn með vinstriflokki, Evrópusam-
bandssinnuðum að auki.

   Ljóst er að Framsókn og Frjálslyndir ættu að geta náð
vel saman um helstu mál í stjórnarandstöðu, og veitt ríkis-
stjórninni verðugt aðhald. Framsóknarflokkurinn mun á
næstunni taka ýmis stefnumál sín til skoðunar eftir slæm
kosningaúrslit. Afstaðan til kvótakerfisins er þar á meðal,
og ætti Framsókn að nálgast mjög stefnu Frjálslyndra í
þeim málum. Báðir þessir flokkar eru á mið/hægri væng
íslenskra stjórnmála, og ættu því að eiga góðan mögu-
leika á að sækja sameiginlega fram gegn núverandi ríkis-
stjórn. Ekki síst gegn Sjálfstæðisflokknum, sem leitt
hefur nú sósíaldemókrata til vegs og virðingar í dag í
íslenzkum stjórnmálum

   Samstarf Framsóknar-og Frjálslyndra við Vinstri-
græna hlýtur hins vegar að verða lítið sem ekkert. Til
þess eru VG einfaldlega allt of langt til vinstri........

Klúður USA í Írak algjört

   Klúður bandariskra stjórnvalda Í Írak er algjört af því er
virðist. Skv. því sem Washingon Post segir frá í dag hefur
yfirstjórn USA-hers í Írak ekki hugmynd um hvað orðið hefur
að um 190.000 skotvopnum, 110.000 vélbýssum, og 80.000
skammbyssum, sem íraskir stjórnarhermenn og öryggis-
sveitir Íraka fengu árin  2004-2005 - Þá virðist hafa gufað
upp 135.000 skotheld vesti, og annar líkamsvarnarbúnaður,
auk þess 115.000 hjámar.

    Washington Post hefur það svo eftir embættismönnum í
Pentagon, að allar líkur séu á því að allar þessi vopnabúnaður
hafi  fallið í hendur andspyrnumanna í Írak, ekki síst al-Kaída.
Algjör glundroði virðist því vera í Írak í dag, þrátt fyrir að
Bandaríkjamenn hafi varið 19.2 milljörum dollara, eða sem
nemur 1.200. milljarða króna  til uppbyggingar stjórnarhers og
lögreglu í Írak.

   Já, maður setur kjaftstopp að horfa á hvernig eitt mesta
herveldi heims getur klúðrað málum eins rækilega  og nú hefur
verið gert í Írak. - Og samt er vitleysunni haldið áfram. 
Sem segir að eitthvað sem nefna má herkænsku virðist ekki
eiga upp á pallborðið í Pentagon þessa daganna.

  Sem betur fer hefur bandariskur her yfirgefið íslenzka grund.
Það litla sem er eftir af hinum svokallaða ,,varnarsamningi"
Íslands og USA þarf að  afskrifa sem fyrst.  - Það liggur svo
augljóst fyriir !!!
   
  Stríð bandariska hersins í Írak og Afganistan hefur afhjúpað
svo RÆKILEGA getuleysi hans og vingulshátt þegar á hólminn 
kemur............