Kratar vilja koma í veg fyrir olíuhreinsunarstöð

  Nú liggur það endanlega fyrir. Kratar munu allt til gera
að koma í veg fyrir að byggð verði olíuhreinsunarstöð á
Íslandi. Umhverfisráðherra sagði í kvöldfréttum sjónvarps
að slík stöð væri óraunhæður kostur, og iðnaðarráðherra
hefur hvað eftir annað talað gegn slíkri framkvæmd. Sagt
var frá því í fréttum í gær að framkvæmdir við  olíuhreins-
unarstöð á Vestfjörðum gætu hafist næsta sumar. Bæjar-
stjórn Vesturbyggðar hefur samþykkt breytingar á aðal-
skipulagi, sem heimila slíka stöð í Hvestu í Arnarfirði. Vitað
er að bæjarstjórn Ísafjarðar skoðar málið einnig á jákvæð-
um nótum.

   Í viðtali við umhverfismálaráðherra var því m.a borið
við að slík starfsemi rúmist ekki innan losunarheimilda
Kyoto-samningsins. Í viðtali við Blaðið í gær sagði Ólafur
Egilsson einn af talsmönnum stöðvarinnar að ,,stóriðja
er skilgreind sem annað hvort þungaiðnaður eða orku-
frekur iðnaður. Olíuhreinsistöð er hvorugt þessa.  Kol-
tvísýringurinn í svona stöð verður til með öðrum hætti
en í álverum, þ.e við bruna í orkuframleiðslu því stöðin
framleiðir hluta af orku sinni sjálf úr jarðolíunni. Heim-
ildir til reksturs hennar snerta því ekki stóriðjukvóta
Íslands skv. Kyoto-samkomulaginu, heldur almenna
kvótann sem hefur ekki verið fullnýttur." Þá segir
Ólafur að nú séu að koma fram nýjar leiðir til að glíma
við koltvísýring. ,,Í Hollandi er t.d - þótt í litlum mæli sé
- að leiða hann beint í gróðurhús þ.s koltvísýringur örvar
vöxt blóma og ávexta. Það kæmi vel til greina að kanna
möguleika á gróðurhúsarekstri hér í nánd við stöðina og
eðlilegt að það sé skoðað." - Þá má geta þess að fram
hefur komið að olía og bensín frá þessari stöð yrði mun
hreinni en það eldsneyti sem við notum í dag og yrði því
mengunin mun minni af þeim sökum. Taka verður allt slíkt
inn í dæmið.

  Ljóst er að Samfylkingin hefur ákveðið að stöðva þetta
mál þótt meirihluti þjóðarinnar sé því hlynnt . Spurn-
ingin er hvort sjálfstæðismenn ætli að láta krata stöðva
þetta mikla þjóðþrifamál eins og svo mörg önnur. Ef
svo verður, stefnir allt í að núverandi ríkisstjórn verði
sú afturhaldssamasta á lýðveldistímanum, með viðeigandi
stöðnun og kreppu!

Staksteinar kvarta undan framtaksleysi krata

   Með innkomu sósíaldemókrata inn í ríkisstjórn Íslands var
vitað að hinu mikla framfara-og gróskuskeði sem verið hefur
í íslenzku samfélaga s.l áratug myndi senn ljúka. Ekki voru
liðnar margar vikur frá því að hin nýja ríkisstjórn tók við,  að
hún samþykkti mjög umdeildan niðurskurð í þorskafla lands-
manna. Þessi mikli umdeildi niðurskurður mun bitna þungt á 
fjölda fólks og fyrirtækjum, ekki síst vegna þess að þær mót-
vægisaðgerðir  sem  samþykktar voru  í kjölfar  þeirra voru í
skötulíki. Snerta þá aðila sem mest verða fyrir áföllunum nær
ekkert, enda byggðar í grunnin á sósíaliskri hugmyndarfræði
um óígrundanðan fjáraustur úr ríkissjóði, eitthvað sem kratar
kunna svo vel að meta.

   En samfara sósíaliskri mengun hugarfarsins innan hinnar
nýju ríkisstjórnar með tilkomu krata var vitað að þeim fylgdi
doði og framtaksleysi á sem flestum sviðum öðrum en þeim,
að stofna til allskyns eyðslu af opinberu fé, án þess að skapa
virðisauka á móti. Í dag kvarta t.d Staksteinar Morgunblaðisins
yfir framtaksleysi viðskiptaráðherra varðandi lækkun matvara
við lækkun virðisaukaskatts í vetur. En sem kunnugt er vakti
ASÍ athygli á því að verðlækkanir vegna lækkunar virðisauka-
skatts hefðu ekki skilað sér til almennings. Viðbrögð viðskipta-
ráðherra virðist vera þau að fela Neytendastofu að vinna fram-
kvæmdaáætlun um rafrænar verðkannanir fyrir 1 júni 2008.

   Staksteinum blöskrar framtaksleysið og segja. ,,Fyrri ríkis-
stjórn lagði þunga áherzlu á að lækkun virðisaukaskatts á
matvæli skilaði sér til neytenda. Verðkönnun ASÍ benti til að
þau áform hefðu ekki tekizt. Viðskiptaráðherra kvaðst mundu
kynna sér málið. Það getur ekki verið að niðurstaðan sé
"framkvæmdaáætlun um rafrænar kannanir", sem sjálfsagt er
góðra gjalda verð en á ekki að koma til framkvæmda fyrr en
upp úr miðju ári 2008. - ER ÞETTA FRAMKVÆMDASEMI SAM-
FYLKINGAR?".

   Þetta er laukrétt ábending Staksteina. Framtaksleysi  krata
í ríkisstjórninni er nær algjört, auk þess sem þeir standa gegn
hverju  framfaramálinu á fætur öðru, sbr. hugmyndin um
byggingu olíuhreinsunarstöðvar á Íslandi.

   Það voru mikil mistök hjá Sjáfstæðisflokknum í vor að mynda
ríkisstjórn með sósíaldemókrötum, í stað þess að halda áfram
í fyrrverandi ríkisstjórn þar sem frjálslynd, framfarasinnuð og
borgaraleg sjónarmið og viðhorf réðu ríkjum. Aðkoma Frjáls-
lyndra að þeirri ríkisstjórn hefði verið sjálfsögð til að styrkja
hana enn frekar. Þá hefði loks orðið til tvær megin fylkingar
í íslenskum stjórnmálum. Sú borgaralega, og  sú til vinstri.
Því gullna tækifæri glutruðu sjálfstæðismenn, og sitja nú
uppi með framtakslitla vinstrimenn í ríkisstjórn, sem hugsa
um það eitt að þenja út ríkisbáknið án þess að virðisauki
komi á móti..............

Rússar virtu í einu og öllu íslenzka lofthelgi

    Rússar virtu í einu og öllu íslenzka lofthelgi, en fréttir
voru í fyrstu óljósar um það. Þá hefur verið upplýst að
flug þeirra kringum Ísland tengist heræfingum þeirra
sem nú standa yfir í Norðurhöfum. Mikilvægt að þessu
öllu sé haldið til haga, því í uppsiglingu er ekkert kalt
stríð. Því fer fjarri!

    Hins vegar sannaði íslenzka ratsjárkerfið gildi sitt
fyrir mikilvægu eftirliti með íslenzkri lofthelgi, og er vel
að utanríkisráðherra hafi undirstrikað það í dag.

   Megum svo alls ekki gleyma að Rússar eru einir af
okkar bestu vinarþjóðum. Voru með þeim fyrstu að
viðurkenna lýðveldisstofnunina 1944 og studdu okkar
meiriháttar í hinum illræmdu þorskastríðum við Breta
á sínum tíma.

  Eigum því að efla okkar vináttu og samskipti við Rússa.

Íslenzka ratsjárkerfið sannar gildi sitt

    Hafi einhver efasast um gidi íslenzka rátsjárkerfisins til
eftirlits með íslenskri lofthelgi á sá efi að heyra sögunni til.
Rétt eftir að Íslendingar yfirtóku ratsjárkerfið  var íslenzk
lofthelgi rofin á gróflegan hátt af rússneskum sprengiflug-
vélum. En vegna fullkomins eftirlits gátu íslenzk stjórnvöld
fylgst með lögbrjótunum allan tímann, þannig að stöðluð
viðbrögð NATO fóru í gang og Nato-flugvélar voru  sendar
strax í veg fyrir hina óboðnu gesti. Tiltæki Rússa hlýtur svo 
að verða mótmælt á viðeigandi hátt, því brot á íslenzkri
lofthelgi verðu ekki liðin, ekki frekar en brot í íslenzkri
landhelgi.

   Þetta sýnir enn og aftur nauðsýn á fullnægjandi eftirliti
í lofthelgi Íslands, og það að mástaður andstæðinga
kerfisins hefur nú endanlega  hrunið eins og spilaborg........

Nokkur orð um róttæklinga að gefnu tilefni

   það er alveg með ólíkindum að á 21 öldinni skuli enn vera
til blindir vinstrisinnaðir róttæklingar á Íslandi. Róttæklingar
sem meir að segja kalla hinn illræmda forseta Venusúela
hetju hér á bloggsíðum sínum. Kommúnistann sem er að
hverfa með þjóð sína  marga áratugi aftur í tímann með
þjóðnýtingu og stórskertu skoðanafrelsi. Svona maður er
HETJA uppi i á Íslandi hjá afdönkuðum sósíalistum og
vinstrisinnuðum róttæklingum. Róttæklingum sem hrósa
jafnvel stjórnarfarinu á Kúbu og einnig Víetnam þar sem
síðast í dag menn voru dæmir í fleiri ára fangelsi fyrir að
hafa dreift óhróðri um ríkisstjórnina.  -   -    Róttæklingar,
sem hika ekki við að verja í bak og fyrir erlenda anarkista
og uppvöðsluhópa sem þverbrjóta lög og reglur á Íslandi
og standa fyrir skemmdarverkum. Róttæklingar sem finnst
mjög við hæfi að stofna til tengsla við  ýmiss vafasöm sam-
tök erlendis, sbr fyrirrennara austur-þýzkra kommúnista.
Rótttæklingar sem berjast fyrir að íslenzk þjóð ein allra þjóða
í hinum viðsjárverða heimi verði berskjölduð og varnarlaus.
Róttæklingar sem misnota gróflega öll nátturuverndarsjónar-
mið í pólitískum tilgangi. Þeim tilgangi, að þjóðin fái ekki að
nýta auðlyndir sínar á skynsaman og eðlilegan hátt, þannig
að efnahagslegt hrun skapist og stjórnleysi í kjölfarið á því.
Upplausn, eymd og kreppa ! Róttæklingar, sem ekkert heilagt
sjá eða virða, ekki einu sinni Menningarnóttina í Reykjavík,
en þar ætla þeir í fyrsta skiptið að standa fyrir RóttÆKRARÖLTI
um miðbæinn, eins og þeir kalla það, og koma þannig póli-
tískum stimpli á þessa menningarhátið í óþökk allra borgarbúa.

   Hýsingin á þessu fyrirbæri fer svo fram í einni hirslu stjórn-
málaflokks sem kennir sig við vinstri og grænan lit............

Léttvægar mótbárur

  Í Mbl.is í dag segir Páll Bergþórsson veðurfræðingur, að
óskynsamlegt sé að staðsetja olíuhreinsunarstöð á Vest-
fjörðum, vegna hættu sem olíuskipum getur stafað af
hafís á siglingaleiðum úti fyrir Vestfjörðum.

  Þetta er alveg rétt hjá Páli. Hins vegar mun bygging
olíuhreinsunarstöðvar engu máli skipta um þessar sigl-
ingar. Þær verða hvort sem er, bæði austan-og vestan
Íslands.  Og munu stóraukast í framtíðinni, hvort sem
okkur líkar það betur eða verr. Hins vegar ef olíuhreins-
unarstöð yrði byggð á Vestfjörðum myndi henni fylgja
miklu meira eftirlit og varúðarráðstafanir með þessum
siglingum af hálfu Íslendinga en ella hefði orðið. Öflugir
dráttarbátar yrðu þá staðsettir á Vestfjörðum, Land-
helgisgæslan yrði stórefld með tilliti  til þessara siglinga.
Þannig, ef eitthvað væri myndi hættan af þessum sigling-
um minnka með tilkomu slíkrar stöðvar á Vestfjörðum,
en ekki aukast.

    Varðandi mengunina hefur komið fram, að þörf
slíkrar stöðvar fyrir raforku er 15MW og krefst því
ekki virkjana, og losun úrgangsefna yrði  langt frá
því sem fylgir annari stóriðju í landinu, eins og ál-
verksmiðju. Nýtísku olíuhreinsunarstöðvar menga
það lítið að þær eru þess vegna reistar í greind
við þorp og bæi að sögn Ólafs Egilssonar, sem er
einn af talsmönnum þessara framkvæmda. Þá hefur
komið fram að olía og bensín frá þessari stöð yrði
það vel hreinsuð að það myndi menga mun minna
en það eldsneyti sem við notum í dag.

   Þannig að mótbárur andstæðinga byggingu olíu-
hreinsunarstöðvar á Vestfjörðum eru léttvægar. Svo
má ekki gleyma því, að verði hún ekki byggð á Íslandi,
verður hún engu að síður byggð og þá bara annars
staðar með tilheyrandi jákvæðum efnahagsáhrifum
fyrir viðkomandi svæði...............

Munu sjálfstæðismenn leyfa krötum að stöðva oluhreinsunarmálið ?

   Nú þegar hugmyndin um byggingu olíuhreinsunarstöðvar
á Vestfjörðum virðist komin á gott skrið, beinast öll spjót að
ríkisstjórninni. Ljóst er að bæði iðnaðarráðuneytið og um-
hverfisráðuneytið munu þurfa að koma að málinu á næstu
vikum og mánuðum. Framkvæmdir við stöðina geta
hafist næsta sumar, leiði umhverfisrannsóknir ekki í ljós
meiriháttar meinbugi á verkefninu. Í kvöldfréttum sjón-
varps sagði Hilmar F.Foss, einn af eigendum Íslenzks
háttækniiðnaðar sem mun byggja stöðina, að fjármögnun
verði ekkert vandamál. Hún kemur aðallega frá Rússlandi,
Bandaríkjunum og Evrópu.

   En nú er það stóra spurningin hvernig ríkistjórnin bregst
við þessu stórmáli? Samfylkingin með iðnaðarráðherra hafa
talað ákveðið á móti hugmyndinni, en ef af henni yrði myndi
það hafa gifurleg jákvæð áhrif á vestfirskt samfélag og þjóðar-
búið í heild. Því hér er um allt að 200 milljarða fjáfestingu
að ræða.

   Munu sjálfstæðismenn leyfa krötum að koma í veg fyrir
þetta þjóðþrifamál, eins og svo mörg önnur? Því verður alls 
ekki trúað ! Nema þá að hin nýja forystusveit Sjálfstæðis-
flokksins ætli að stuðla hér að meiriháttar stöðnun og kreppu
í anda sósíaliskra hugmynda Samfylkingarinnar og annara
vinstrisinnaðra afturhaldsafla.

Olíuhreinsunarstöðvarmálið veldur titringi.

    Ljóst er að eftir að nú liggur fyrir samþykki bæjarstjórnar
Vesturbyggðar, og viljayfirlýsing Íslenzks hátækniiðnaðar
og landeiganda í Arnarfirði um byggingu olíuhreinsistöðvar,
er komin upp titringur innan ríkisstjórnarinnar. Íðnaðarráð-
herra og sterk öfl innan Samfylkingarinnar hafa talað mjög
ákveðið gegn hugmyndinni, meðan sjávarútvegsráðherra
er jákvæður fyrir því að málið sé skoðað, enda mikill stuð-
ningur meðal sjálfstæðismanna á Vestfjörðum fyrir fram-
gangi málsins.

   Nú þegar málið er komið á það stig að lykilaðilar hafa náð
samkomulagi um að málið verði keyrt áfram þannig að fram-
kvæmdir að vori geti hafist, er ljóst að aðkoma ríkisstjórnar-
innar, sérstaklega iðnaðarráðuneytisins er óumflyjanleg.
Ekki verður því annað séð en að til átaka geti komið milli
stjórnarliða, enda gíðarlegir hagsmunir og fjármunir í húfi.

   Miðað við yfirlýsingar iðnaðarráðherra og ýmissa hópa
innan Samfylkingarinnar verður spennandi að sjá hvernig
mál þróast á næstunni.  Óhjákvæmilega standa menn frammi
fyrir stórpólitiskum ákvörðunum í máli þessu á næstu vikum
og mánuðum....
 

Kattarþvottur úr utanríkisráðuneytinu

   Í Fréttablaðinu í dag skrifar Kristín Á. Árnadóttir, sem var ráðin
sem sérstakur stjórnandi framboðs Íslands til öryggisráðs SÞ,
grein þar sem hún kvartar yfir ómálefnalegri og villandi umræðu
um þetta framboðsmál Íslands.  En þvílikur kattarþvottur!
Svona grein hefði betur verið óskrifuð, því hún reitir fólk ennþá
meira til reiði yfir vitleysunni. Enda er hvergi í greininni færð
haldbær rök fyrir ákvörðun íslenzkra stjórnvalda að koma
Íslandi inn í þetta öryggisráð, og því síður að upplýsa þjóðina
um hvað sé búið að eyða miklu í þetta rugl, og hvað heildar-
kostnaðurinn verður.

   Sem sagt, algjörlega tilgangslaus  og rugl grein, eins og málið
sjálft !
 

Vestfirðingar senda Össuri og Co rauða spjaldið

   Í kjöldfréttum sjónvarpsins kom fram að bæjarstjórn
Vesturbyggðar hafi í dag samþykkt að breyta skipulags-
málum sveitarfélagsins þannig, að leyft verður að byggja
olíuhreinsunarstöð í landi Hvestu í Arnarfirði. Viljayfirlýsing
um landakaup þar undir olíuhreinsunarstöð liggur fyrir frá
Íslenzkum Hátækniiðnaði, auk þess viljayfirlýsing bóndans
í Hvestu í Arnarfirði.

  Þetta eru mikil gleðitíðindi en um leið mikill áfellisdómur
yfir Össuri Skarphéðinssyni iðnaðarráðherra sem allt hefur
gert til að tala þetta mikla hagsmunamál Vestfirðinga niður,
og hefur í því sambandi ekki hikað við að koma með villandi
yfirlýsingar og beinlínis blekkingar, til að koma í veg fyrir
framgang þessa máls.

   Fyrir liggur mikill stuðningur meðal Vestfirðinga og raunar
þjóðarinnar allrar við þetta mál. Einar Kr. Guðfinsson sjávar-
útvegsráðherra hefur m.a lýst stuðningi sínum við málið.
Því stóriðja af þessu tagi yrði gríðarleg lyftistöng fyrir
vestfirsk samfélag, og veitir ekki af eins og mál standa í
dag.

   Til hamingju Vestfirðingar með þennan áfangasigur !

   Þú Össur og þitt lið hefur hins vegar fengið rauða spjaldið!