Hiroshima, Nagasaki og Dresden.

   Í dag eru liðin 62 ár síðan Bandaríkjamenn frömdu einn
mesta stríðsglæp mannkynssögunar að varpa kjarnorku-
sprengu á japönsku borgina Hiroshíma með þeim afleðingum
að hátt í 200.000 manns fórust, mest óbreyttir borgarar.
Þá eru ótaldir allir sem særðust og líða enn þann dag í dag
fyrir voðaverkin. Þrem dögum síðar vörpuðu Bandaríkjamenn
enn annari vítissprengjunni á borgina Nagasaki, en þar fórust
hátt í hundrað þúsund manns. Þessa verður minnst í Japan
í dag.

   Þá er vert að minnast þess að rúm 62 ár eru líðin frá því
að einni vitfirrtustu loftárás síðari heimsstýrjaldar var gerð
á Dresden í Þýzkalandi, undir forystu Bandaríkjamanna.
Árásin var gerð eftir að þýzki herinn hafði í raun lagt niður
vopn. Dresden var nánast lögð í rúst í orðsins fyllstri merk-
ingu. Hundruð þúsunda fórust, mest flóttamenn, konur og
börn. Gífurleg eyðilegging var unnin á sögufrægum bygg-
ingum og menningarverðmætum, en Frúarkirkjan í Dresden
var ein þeirra,  og sem var loks  endurbyggð á s.l ári.

   Bandaríkjamenn hafa framið margan stríðsglæpinn  um
daganna, og komist upp með það. Hafa aldrei þurft að svara
til saka.  Hvers vegna ? ? ?

   Það er gott að þessi bandariski her skuli ekki vera á Íslandi
lengur !!!

Togast á um varnarmálin

   Í Blaðinu í dag er fréttaskýring um hin ólíku sjónarmið
stjórnarflokkanna i öryggis og varnarmálum. Nú er helst
tekist á milli utanríkisráðuneytisins og dómsmálaráðu-
neytisins um hvaða ráðuneyti skuli t.d fara með loft-
varnarkerfið og greiningardeildina. Forræðið er enn
óútkljáð hvað þetta varðar, og óljóst hver niðurstaðan
verður.

  Eftir að Samfylkingin er orðin aðili að ríkisstjórn Íslands
er alveg ljóst, að ýmiss áhrifamikil vinstrisinnuð öfl innan
hennar muni allt til gera að sporna gegn þeirri markvissu
og jákvæðri uppbyggingu sem orðið hefur í  í öryggis-  og 
varnamálum, eftir brottför bandariska hersins. Uppbyggingu
sem var mótuð í tíð fyrrverandi ríkisstjórnar, en þar hefur
Björn Bjarnason dómsmálaráðherra unnið mjög jákvætt
starf. - Nú eru öll teikn á lofti um að á þessu verði breyting.
Sérstaklega nú þegar utanríkisráðuneytið er komið í hendur
vinstrisinnaðs ráðherra, sem einmitt hefur sótt sitt bakland
til vinstriarms Samfylkingarinnar. Vinstriarms sem gagnrýndi
harðlega stofnun Greiningardeildar lögreglu á sínum tíma,
og alveg sérstaklega hugmyndir Björns  Bjarnasonar dóms-
málaráðherra að koma á fót varaliði í tengslum við lögreglu.

   Það verður fróðlegt hverju framvindur í þessum málum
á næstunni, og hvort Björn Bjarnason fái næginlegan 
stuðning flokks sins í baráttu sinni við vinstriöflin í Sam-
fylkingunni, sem darga vill lappirnar í öryggis-og varnamálum,
eins og í flestum öðrum málum, sem horfa til þóðarheilla.
Það voru mikil mistök Sjálfstæðisflokksins að leiða Samfylk-
inguna til valda í vor og þau neikvæðu sjónarmið sem hún
stendur fyrir.

Sósíalistar í ríkisstjórn

   Morgunblaðið virðist hafa áhyggjur af stefnu ríkisstjórnarinnar
varðandi þær mótvægisaðgerðir sem hún hefur boðað vegna
stórskerðingar á þorskkvóta. Í leiðara Mbl í dag er spurt. ,,Getur
verið að núverandi ríkisstjórn ætli að hverfa til gamals styrkja-
kerfis, sem búið var að þurrka út?".  -

   Það sem Morgunblaðið og fl. þurfa að átta sig á er að nú er
komin  ný ríkisstjórn. Í stað framfarasinnaðar borgaralegrar
ríkisstjórnar Sjálfstæðisflokks og Framsóknarflokks sem stóð
fyrir mesta hagvaxtaskeiði í sögu þjóðarinnar, er kominn ríkis-
stjórn þar sem sósíalistar eiga aðild að. Samfylkingin er nefni-
lega samsull af  vinstrisinnuðum sósíaldemókrötum og sósíal-
istum. Þessi öfl hafa allt aðra hugmyndarfræði um hvernig 
eigi að stýra þjóðarskútunni heldur en sú frjálslynda ríkisstjórn
sem undan fór. Ríkisforsjáin er þegar farin að birtast, eins og
í svokölluðum mótvægisaðgerðum, og sem Mbl. gerir réttilega
athugasemdir við. Nú á ríkið að fara að vafsast í hlutunum,
útdeila fjármunum og stöðugildum út og suður, í stað þess
að skapa skilyrði fyrir áframhaldandi kröftuga uppbyggingu
atvinnulífsins, m.a með skynsamlegri nýtingu auðlinda.
Nú hefur nánast allt verið sett á stopp sem eykur virðisauka
og hagvöxt, en miklar spekulasjónir hins vegar  settar í gang 
um hvernig auka megi ríkisútgjöldin án þess að tekjur komi á
móti.  Alveg dæmigerð vinstrimennska, sem Sjálfstæðisflokkur-
inn  ákvað að innleiða með því að ganga til samstarfs við Sam-
fylkinguna, þótt fyrrveraldi farsæla ríkisstjórnarsamstarf hafi
staðið áfram til boða.. Afleðingarnar eiga því ekki að koma
mönnum á óvart.   Þvert á móti !

    En það sem verra er. Þetta er bara byrjunin!

   

Mótvægisaðgerðir í skötulíki

    Enn sem komið er virðast mótvægisaðgerðir ríkisstjórnarinnar
vera í skötulíki. Bæði eru þær afar óljósar, koma seint og illa fram,
og virðast lítið snerta þau fyrirtæki og einstaklinga sem verst
munu fara vegna þorskvótaskerðingarinnar. Þær aðgerðir sem
byggðamálaráðherra hefur til þessa kunngert benda til að sá
ágæti maður sé staddur í allt öðrum heimi en þeir sem horfa
fram á gífurlega erfiðleika þegar kemur fram á næsta ár. Því
ráðherra virðist alls ekki gera sér grein fyrir umfangi vandans
eins og einn þingmanna Sjálfstæðisflokksins benti á í dag.
Hann fullyrti að ef þorskkvótaskerðingin í Grindavík og Vest-
mannaeyjum yrði heimfærð í veltutölur upp á höfuðborgar-
svæðið, væri verið að tala um hundrað milljarða veltutap á
því svæði. Menn gætu rétt ímyndað sér afleðingar af slíku.

    Framlag til Byggðastofnunar um kr.1.2 milljarða eru því
eins og dropi í hafið og gera ekki mikið meira en að koma
eiginfjárstöðu stofnunarinnar í eðlilegt horf. Flýting á vega-
framkvæmdum um landið og eflingu frjarskipta hefur ekkert
með stöðu þeirra að gera sem mest verða fyrir kvótasam-
drættinum. Tilkynning ráðherra um flutning opinberra starfa
til Vestfjarða er nánast brandari. Bæði það að mörg þessara
starfa var þegar ákveðið að flytja, svo hitt að þau vega á
engann hátt upp á móti öllum þeim störfum sem munu
tapast í ár. Þá hefur ráðherra gerst sérstakur talsmaður
andstæðinga þess að allt verði kannað og reynt til að
byggja olíuhreinsunarstöð á Vestfjörðum. Hinar úreltu og
tilgangslausu sósíalisku hygmyndir ráðherra skulu hins
vegar ráða ferð...

   Þá er enn og aftur vert að minna á þann brandara, að
tillögurnar um 130.000 tonn af þorsk og 100.000 tonn
af ýsu sem leyfilegt verður að veiða á næsta ári er tækni-
lega óframkvæmalegt. Það að ríkisstjórnin skuli koma með
slíka rugltillögu segir allt um hana sjálfa. Hún er því einnig
sjálf komin í skötulíki ..........

Hroki Bandaríkjamanna

   Bandaríski öldungadeildarþingmaðurinn og demókratinn
Barac Obama sem sækist eftir útnefningu Demókrataflokk-
sins til embættis forseta Bandaríkjanna, sagði í gær myndi
ráðast inn í Pakistan, væru þar mikilvæg hryðjuverkaskot-
mörk. Svona yfirlýsingar eru dæmigerðar fyrir hroka og yfir-
gangi Bandaríkjamanna nú um langt skeið. Eða, eins og
segir í leiðara Mbl.í dag. ,,Svona málflutningur gengur
auðvitað ekki. Framferði af þessu  tagi er ekkert betri en
háttsemi kommúnista í Sovétríkjunum á sínum tíma, sem
sendu skriðdreka inn í Búdapest og Prag þegar þeim sýn-
dist."

   Á s.l ári urðu íslenzk stjórnvöld fyrir meiriháttar hroka
frá bandariskum stjórnvöldum þegar þau í raun rufu
einhlíða svokallaðan varnarsamning Íslands og Banda-
ríkjanna. Af honum er nú lítið eftir eins og t.d Mbl. hefur
bent á. - Íslendingar eiga því alfarið að byggja sín öryggis-
og varnarmál  á grundvelli NATÓ-aðildar og nánu samstarfi
við raunverulegar vinaþjóðir, eins og Dani, Norðmenn,
Kanadamenn og Þjóðverja. - Hrokagikkir eins og Banda-
ríkjamenn geta silgt sinn sjó. Höfum ekkert til þeirra að
sækja lengur  í þeim efnum.......

   

Er bandariskur ríkissjóður botnlaus?

    Þessa daga er Cndoleezza Rice utanríkisráðherra
Bandaríkjanna og Robert Gates varnarmálaráðherra,
á flandri um Mið-austurlönd, útdeilandi himninháum
fjármunum í svokallaða hernaðaraðstoð við vinveitt ríki
Bandaríkjanna í þessum heimshluta. Má þar nefna eitt
afturhaldssamasta  og ólýðræðislegasta  ríki heims, Sádi-
Anabíu, hina gjörspilltu ríkisstjórn Egyptalands, og Ísrael-
stjórn, en zíonísk útþennslustefna fyrir botni Miðjarðar-
hafs hefur alfarið byggst á botlausum fjárstuðningi
bandariskra stjórnvalda við hana gegnum áratugina.

    Á sama tíma berast fréttir af stjarnfræðilegum upp-
hæðum sem bandariskir skattborgarar eru búnir  að
greiða fyrir stríðið í Írak og Afganistan. Stríð, sem enginn
sér fyrir endan á,  né botnar í, enda árangurinn eftir því.
Enginn !

   Bandariski ríkissjóðurinn er rekinn með gífurlegum
halla í dag. Samt virðist engin takmörk vera fyrir því 
hversu botnlaust er hægt að ausa úr honum í meiri-
háttar tilgangslaust  hernaðarbrölt út um allar trissur.
Hjákátlegast er þó að yfir  þessum bandariska ríkiskassa
skuli vera stjórnmálamenn sem kenna sig við kapital-
isma, sem m.a á að felast í litlum ríkisafskiptum  og
aðhaldi í ríkisfjármálum.

    Þvílík öfugmæli.!

   

Uppgangur róttækra múslíma og vinstri-öfgasinna á Ítalínu

    Það er eins og Páfagarður hafi haft yfir mikilli vitneskju
að geyma þegar hann varaði um daginn  við sókn múslima
í Evrópu. Skv frétt Mbl.is í dag er aukin hætta á árásum og
uppgangi múslima á Ítalíu, skv. upplýsingum ítölsku leyni-
þjónustunnar. Sagt er að mikil fjölgun hafi verið á samkomu-
stöðum múslima, moskum, undanfarin ár, þar sem  múslímskir
róttæklingar geta seilst til áhrifa, jafnvel þótt þessir staðir séu
aðallega skipulagðir af löghlýðnu fólki.

    Þá vekur athygli að í skýrslu ítölsku leyniþjónustunnar er
víkið að hættunni af stjórnleysingjum þar í landi, þrátt fyrir
að í febrúar hafi verið handteknir 15 manns grunaðir um
aðild að vinstri-öfgasamtökum.

   Allt eru þetta skilaboð um að við hér uppi á Íslandi þurfum að
halda vöku okkar, m.a með öflugri löggæslu og öryggiseftir-
liti. Bara síðustu misseri höfum við verið vitni að innrás öfga-
sinnaðra vinstriróttæklinga og stjórnleysingja inn í landið,
undir öfugmælanafninu Saving Iceland. 

   Hvenær, hvar og hvernig næsti ófögnuður birtist veit enginn.........