Vinstrimennska hvað ?

  Nú í kjölfar flokksráðsfundar Vinstri grænna  um helgina hafa
sumir saknað áherslu þeirra á kjör hins vinnandi manns.
Hafa sumir úr þeirra ranni hvatt sér hljóðs hér á bloggsíðum
og skammað félaga sína fyrir áhugaleysið. Jafnvel Staksteinar
Moggans hafa séð ástæðu til að taka undir og gagnrýnt
áhugaleysið hjá Steingrími og  Co fyrir að hafa ekki sýnt
kjörum alþýðunnar nægan gaum.  Er þá mikið sagt !

  Svona umræða er hins vegar öll og alltaf í meiriháttar
skötulíki. Hvenær hafa sósíalistar og vinstrisinnar sýnt
kjörum og velferð alþýðunar áhuga í raun? Kannski í
orði, en ALLS EKKI á borði, og því síður þegar þeir sjálfir
hafa haft öll völd til að sýna umhyggju þeirra fyrir kjörum
,,hinna vinnandi stétta" Í VERKI. Öll alþýðulýðveldin  og
sovétin eru meiriháttar sönnun þess, þar sem skipbrot
heimskommúnismans, sósíaliskrar hugmyndarfræði, hinnar 
RAUNVERULEGU VINSTRIMENNSKU, var ALGJÖRT!  Hvers
vegna í ósköpunum eru þá menn að undrast  eitthvert
áhugaleysi sósíalistanna í Vinstri-grænum yfir kjörum
íslenzkrar alþýðu á nýafstöðnum flokksráðsfundi þeirra?
Hvað er svona rosa míkið öðruvísi við þá og alla hina
sósíalistanna?


   Áhugaleysi þeirra  er jú skýrt, en er  í  senn afar eðlilegt,
en umfram allt mjög skiljanlegt í ljósi sögu þeirra og  gerða 
gegnum tímans rás........... 

Óviðeigandi af Össuri !

    Það er með öllu óviðeigandi og smekklaust þegar
ráðherra í ríkisstjórn Íslands fer að tjá sig opinberlega
og fer að hafa skoðanir á mannaráðningum fyrirtækja
í eigu einkaaðila út í bæ. Þetta gerir iðnaðarráðherra
Össur Skaprheðinsson á bloggsíðu sinni í dag undir
fyrirsögninni SVIPTINGAR Á STÖÐ 2. Þar fjallar hann
um uppsögn eins fréttamanns á fréttastofu Stöðvar
2 og lýsir afstöðu sinni til uppsagnarinnar.

  Þetta er fáránleg afskiptasemi  og minnir mann á
stjórnarfarið í Sovétríkjunum forðum. Er þetta kannski
eitthvað nýtt  sem koma ska hjá ráðherum Samfylk-
ingarinnar að hafa opinber afskipti á mannaráðningum
frjálsra fyrirtækja ? Sérstaklega er þetta athyglisvert
og ALVARLEGT þar sem hér á í hlut fréttastofa, en öll
umræða hingað til hefur gengið út á það að slíkir fjöl-
miðlar séu ALGJÖRLEGA ÓHÁÐIR,  ekki síst  eigendum
sínum, hvað þá opinberum aðilum eins og ráðherrum
eða öðrum stjórnmálamönnum.

   Þetta er skandall !

Hvað er að gerast í Kaupmannahöfn ?

    Hálft ár er síðan miðstöð ungra anarkista og vinstrisinnaðra
róttæklinga var rifin. Miklar óeirðir urðu í kjölfarið kringum Nörre-
bro, og var svæðið eins og vígvöllur marga daga á eftir.  Það
sama virðist ætla að endurtaka sig nú. Í gærkvöldi fóru um
1000 uppvöðsluseggir um Nörrebro og svæðið í kring þar sem
þeir kvektu elda, brutu rúður og rændu verslanir. Það sama
virðist eiga að endurtaka sig í kvöld. Vitað er að þó nokkur
hluti þessa skríls kemur frá öðrum ríkjum Evrópu.

   Íbúar svæðisins og atvinnurekendur kvarta sáran undan
ástandinu og segja það með öllu óþolandi lengur. Þeir
krefjast stórhertra aðgerða lögreglu, sem einhverra hluta
vegna virðist vegra sig við að taka málið föstum tökum.
Það að ráða ekki við 1000 manna skríl kemur manni til að
spyrja hvað sé eiginlega að gerast í Kaupmannahöfn ?
Þetta er með ólíkindum að svona skuli geta átt sér stað
í jafn stórri borg og Kaupmannahöfn! Og það dag eftir
dag og misseri eftir misseri.

   Atvinnumótmæli hvers konar eru orðin þekkt fyrirbæri,
sem aðallega eru stunduð af hópum stjórnleysingja og
vinstrisinnuðum róttæklingum. Við Íslendingar höfum
aðeins kynnst þessu fyrirbæri undir öfugmælinu Saving
Iceland. Það var líka með ólíkindum hversu slakt var
tekið á þeim hópi hérlendis, sem fekk að þverbrjóta
íslenzk lög og reglur auk skemmdarverka svo vikum
skipti. Mesta athygli vakti þó stuðningur ákveðinna
vinstrisinna við þennan erlenda ruslaralýð nú í sumar.
Vinstrisinna,  sem vilja þó láta taka sig alvarlega í
íslenzkum stjórnmálum, en hafa nú m.a  með afstöðu 
sinni til lögbrjótana í sumar,   fyrirgert því.........

USA: Stríð við Íran undirbúið

  Í fréttum RÚV í dag kom fram að Pentagon hafi samið
áætlun um allsherjarlofárás á 1.200 skotmörk í Íran,
með það að markmiði að tortíma her og hergögnum
Írana á þrem dögum. Lúndúnarblaðið Sunday Times
segir frá þessu í dag, sem hefur þetta eftir yfirmanni
þjóðaröryggisdeildar Nixonstofnunarinnar. USA-herinn
undirbúi ekki lengur árásir á valin skotmörk í Íran eins
og kjarnorkustöðvar, heldur átök við gjörvallan Írans-
her. Þá segir blaðið að Ísraelsmenn leggi  hart að
Bandaríkjamönnum að ráðast á Írana ella geri þeir það
sjálfir.

   Það er eins og sumir læri aldrei af mistökunum, hversu
stór þau eru. Mistökin í Írak blasa við, Afganistan líka.
Samt virðast þeir sömu tilbúnir til að útvikka fúafenið
margfallt með geigvænlegum afleiðingum fyrir heims-
byggð alla. Ef þetta er virkilega inn í myndinni hjá Bush
og félögum, að áeggjan zíonistanna í Ísrael , hlýtur
mikið djúp að skapast milli Bandaríkjanna og annara
vestrænna ríkja.

   Það er gott að vera laus við bandariksan her á Íslandi !

Íslamístar í Svíðþjóð = atlaga að tjáningarfrelsinu

   Íslamístar í Svíðþjóð gerðu í gær atlögu að einu
grundvallarstoðum vestræns lýðræðis og gildum,
tjáningarfrelsinu. Hundruð íslamista efndu til
mótmæla þar í landi vegna birtingu mynda af
Múhameð  spámenni í dagblaði í Örebro. Áður
höfðu öfgafullir íslamístar mótmælt í Pakistan
og Íran vegna birtingu teikninganna í Svíþjóð.

  Hvort þarna sé í uppsiglingu svipuð deila og
varð vegna teikninga í Jyllandsposten á síðasta
ári skal ósagt látið. Hins vegar verða þeir sem
til Vesturlanda flytja frá framandi menningar- og
trúrheimum að gera sér grein fyrir því að aldrei
verður gefinn neinn afsláttur af grunngildum vest-
ræns samfélags eins og tjáningarfrelsi og öðrum
lýðræðislegum hefðum. -

   Engu að síður verður ætíð GAGNKVÆM virðing að
ríkja milli ólíkra menningarheima og trúarbragða.
Um það á ekki að þurfa að deila.........

Norðmenn og Svíar auka hersamstarf. VG vill Ísland berskjaldað.

   Það er afar athyglisvert að nánast á sama tíma sem æðstu
menn varnarmála í Noregi og Svíþjóð hafa náð samkomulagi
um stóraukið samstarf í hermálum, sitja Vinstri-grænir á flokks-
ráðsfundi og krefjast að Ísland eitt ríkja heims verði berskjald-
að og varnarlaust. Samt situr systurflokkur VG í ríkisstjórn
Noregs sem stendur fyrir einni mestu hernaðaruppbyggingu
norska hersins frá stríðslokum.

   Fer ekki að verða kjörið rannsóknarefni fyrir íslenzka og
erlenda stjórnmálafræðinga að hefja rannsókn á pólitíska
fyrirbærinu Vinstri-grænir ?