Eflum pólitísk samskipti við Þjóðverja og Rússa

 

    Bandarisk áhrif á Íslandi fara brátt að heyra sögunni til, enda
hefur gjörbreyting  orðið í varnar- og  öryggismálum Íslands. Við
þær aðstæður er ekki nema eðlilegt að Íslendingar standa frammi
fyrir veigamiklu endurmati á stöðu sinni í dag í samfélagi þjóðanna.

   Aðild Íslands að NATO er horsteinn Íslands í öryggis-og varnar-
málum. Samfara því  að Íslendingar stórefli  þáttöku sína í eigin
öryggis-og varnarmálum  eins  og  fullvalda  og sjálfstæðri þjóð
sæmir, er nauðsynlegt að  eiga sérstaka samvinnu  í þeim  málum
við okkar helstu nágranna og vinaþjóðir. Mikilvæg skref hafa þegar
verið stigin í þeim efnum við Dani og Norðmenn. En meira þarf að
koma til.

    Ísland er Evrópuþjóð. Tengslin við Evrópu eiga eftir að vaxa mjög
í framtíðinni samfara minnkandi samskiptum vestur um haf. Í Evrópu
á Ísland því láni að fagna að eiga tvær öflugar þjóðir sem miklar vina-
þjóðir. Þær eru Þjóðverjar og Rússar. Vinátta Íslendinga og Þjóðverja
hefur verið einstök gegnum tíðina. Þar sem Ísland hefur tekið þá réttu
afstöðu að standa utan Evrópusambandsins, er mjög mikilvægt að eiga
gott og öflugt pólitiskt  samband við  stærsta og  öflugasta  ríki  þess,
Þýzkaland. Hluti af slíku öflugu pólitísku sambandi er sérstök aðkoma
Þjóðverja að vörnum Íslands, eins og rætt er um. Þýzkaland er eitt af
öflugustu ríkjum NATO sem yrði mikill fengur í að fá að vörnum Íslands.
Eigum við því  að virkja þessa sérstöku vináttu okkar við Þjóðverja sem
eru í lykilaðstöðu innan Evrópusambanadsins, en góð samskipti við það
til viðhalds  EES samningnum við ESB er okkur mjög mikilvægt í framtíð-
inni.

   Rússland er ört vaxandi ríki í dag, ekki síst efnahagslega. Ísland og
Rúsland ásamt öðrum þjóðum við N-Atlantshaf hafa  mikillia  öryggis-
hagsmuni að gæta á  norðurhöfum  og  Atlantshafi. Því  á  Ísland að
stuðla að eflingu pólitiskra samskipta við Rússa á sem  flestum svið-
um. enda hafa samskipti þjóðanna ætið verið mjög góð. Í Rússlandi
er í dag mikill efnahagslegur uppgangur  og  því mikilvægt að  eiga
beinan aðgang að rússneskum mörkuðum, ekki síst þar sem Ísland
stendur utan ESB og getur því samið við rússnesk stjórnvöld beint
og milliliðalaust.

    Í ljósi alls þessa eigum við  því sérstaklega nú  að efla pólitísk sam-
skipti okkar við Þjóðverja og Rússa í framtíðinni, samfara  því að eiga
náin og góð samskipti við  okkar bræðraþjóðir á Norðurlöndum.