Klýfur Bjarni Ben Sjálfstæðisflokkinn ?

    Björn Bjarnason fyrrv.dómsmálaráðherra hefur sagt  að ef  til
þess komi að Sjálfstæðisflokkurinn þurfi að taka afstöðu til aðildar
að Evrópusambandinu mun flokkurinn klofna. Í blaðaviðtali  við
fréttablaðið í dag boðar Bjarni Benediktsson verðandi formaður
Sjálfstæðisflokksins, upptöku evru og aðild að ESB. Það sé sterk-
asti kosturinn.

   Landsfundur Sjálfstæðisflokksins er á næstu helgi. Í ljósi um-
mæla Bjarna Ben er því full ástæða til að spyrja hvort Bjarni Ben
stefni að klofningi Sjálfstæðisflokksins í ljósi ummæla frænda sins?
Ekki síst þegar fyrir liggur skv. síðustu skoðanakönnun að  lang
fjölmennasti hluti grasrótar Sjálfstæðisflokkins, (Rúm 70%)  er
andvíg ESB-aðild.  - Í hvaða heimi er Bjarni Ben? Þvílíkur leiðtoga-
hæfileiki!  Byrja á því að kynda undir hatrammar deilur sem leiða
muni til  klofnings Sjálfstæðisflokksins.

    Fyrir ALLA SANNA ESB-andstæðinga innan Sjálfstæðisflokksins
er gott að vita að L-listi fullveldissinna standa þeim opin.  Allir
sannir þjóðfrelsis- fullveldis-og sjálfstæðissinnar eru hvattir til að
koma til liðs við L-lista fullveldissinna. Kjósum sem flesta fullveld-
issinna á þing. Með því eina móti tryggjum við áfram fullveldi og
sjálfstæði Íslands !

Athugasemdir

[Jón Valur Jensson, 21.3.2009 kl. 13:41]

Skörp greining hjá þér, Guðmundur. Ljóst er, að nú stefnir í uppgjör á landsfundi Sjálfstæðisflokksins. Og geta flokksmenn, eftir að þeir hafna umsókn um inngöngu í Evrópubandalagið, síðan kosið þann mann til formanns, sem boðar innlimun í bandalagið sem sitt fagnaarerindi?!

Hvernig sem fer, gangi L-listanum vel að ná þingsætum í kosningunum.

[Jóhann Ólafsson, 21.3.2009 kl. 14:56]

Mér finnst nú lítill skarpleiki einkenna þessa grein. Málið verður rætt á næsta landsfundi sjálfstæðismanna og þar munu menn komast að sameiginlegri niðurstöðu. Flokkurinn er ekkert að klofna. Barnaskapur að halda slíku fram. Það má vera að stór hluti sjálfstæðismanna sé á móti inngöngu í ESB en það er stór hluti sjálfstæðismanna og fer ört stækkandi sem vill láta reyna á aðildarumræður við ESB og láta síðan þjóðina kjósa um málið. L-listinn er fyrirfram dauðadæmdur. 

[Adda Þorbjörg Sigurjónsdóttir, 21.3.2009 kl. 15:47]

Ef þetta klýfur Sjálfstæðisflokkinn á hann ekkert betra skilið! Ég hef undanfarið verið mikið að velta þessu fyrir mér og kynna mér upplýsingar og gögn varðandi ESB eða ekki. Ég hallast að því að samkvæmt þeim upplýsingum sem ég hef núna muni ég ekki greiða inngöngu í ESB atkvæði mitt. En.. ef 30% sálfstæðismanna vill skoða aðildarviðræður, og svo stór hluti annarra landsmanna í öllum flokkum þá er ég ekki ósátt við að fara í aðildarviðræður. Aðildarviðræður er ekki endanlegt samþykki. Þá ætti að koma fram skýrt og greinilega hvað er til boða og þá geta þeir sem eru í vafa komið þessu úr kerfinu hjá sér. Mér finnst þetta ekki eiga að vera ákveðið af einhverri elítu heldur eigi íslendingar að fá að kjósa um málið í kjölfar góðra og mikilla upplýsinga um kosti þess og galla og þar sem tilboð ESB er svart á hvítu. Þjóðin á að fá að velja um þetta. Við í sjálfstæðismenn eigum að kunna að taka tillit til óska stórs hluta þjóðarinnar og treysta henni til að taka málefnalega afstöðu að lokum.

[Guðmundur Jónas Kristjánsson, 21.3.2009 kl. 16:13]

Jóhann. Þú tekur í raun undir fullyrðinga mína. Flokkurinn mun klofna í herðar niður á landsfundinum. Þetta eru svo GJÖRÓLÍK sjónarmið að þau
VERÐA ALDREI HÆGT að sætta. Þetta er bara annað hvort eða ekki.

Adda. Það er Ísland sem gengi í ESB en ekki öfugt. ALLAR grundvallar upplýsingar liggja fyrir um ESB. Aðeins að nenna að kynna sér þær. Við
fullveldissinnar höfum grandskoðað allt um ESB og vitum því nákvæmlega
út á hvað það gengur. Held að fáir eða engir hafa lagst eins vel  yfir ESB-málið og við. Niðurstaðan? Nreint og klárt NEI við  ESB.  Myndi STÓRSKAÐA hagsmuni Íslands á flestum sviðum.

Því HÖFNUM við aðildarviðræðum. Því ENGINN sækist eftir því sem við-
komandi er á móti. Við fullveldissinnar erum því GEGN-HEILIR í mesta
pólitíska hitamáli lýðveldisins.

Bjarni Ben er í mínum huga ELDHEITUR ESB-sinni eins og Illugi og
Guðlaugur Þór.  Hvernig ætla ESB-andstæðingar innan Sjálfstæðis-
flokksins að geta kosið þessa and-fullveldissinna á þing? Já hvernig
í ÓSKÖPUNUM ætla þeir að gera það? 

[Júlíus Valsson, 21.3.2009 kl. 16:54]

ESB yfirlýsingar formannsefnis X-D fyrir Landsfundinn koma á óvart. Menn vita núna hvar hann stendur í því máli. ESB andstæðingar virðast hálf geldir. Eða hvað?

[Guðmundur Jónas Kristjánsson, 21.3.2009 kl. 17:10]

Efast um Júlíus að 70% grasrótar Sjálfstæðisflokksins sem ALFARIÐ hafnar
hinni geldu-ESB-hugsjón samþykki það!

[Júlíus Valsson, 21.3.2009 kl. 17:50]

Yfirlýsingar BB eru áskorun til grasrótarinnar að bjóða fram til formanns. Því svarar enginn kallinu? Hvers vegna að kjúfa flokkinn FYRIR Landsfund?

[Júlíus Valsson, 21.3.2009 kl. 17:53]

Það er enginn munur á aðildarviðræðum og umsókn. Annað hvort sækja menn um inngöngu eða ekki. Annað hvort taka menn allan pakkann eða ekki. Ætla menn aldrei að skilja þetta?

[Valsól (IP-tala skráð) 21.3.2009 kl. 19:09]

Guðmundur fyrst þú ert búinn að liggja svona yfir upplýsingum varðandi ESB, þá getur þú kannski fengið mig til að skipta um skoðun, því ég vill eftir að hafa skoðað upplýsingar einmitt gera þvert við það sem þú vilt og ganga í ESB. Þú getur kannski frætt mig á því hvað það er sem gerir það að verkum að þú tekur þessa afstöðu? Það sem mig langar ekki til að lesa er

1. að við missum auðlindir okkar, því það er eitthvað sem samið er um, og ég hef heldur ekki heyrt um eina einustu þjóð í ESB sem hefur misst allar auðlinduir sínar, á hverju ættu þá þjóðirnar að lifa, og hvert myndu auðlindirnar fara?

2. Að reglum geti verið breytt einhvern tíman í framtíðinni, fólk verður að átta sig á því að við getum  vegna þess að við afsölum okkur ekki nema að litlu leiti fullveldi okkar, að okkur er í sjálfval sett að ganga úr ESB ef okkur líkar ekki vistin

3. Ef þetta eru ainu rökin þá falla þau um sig sjálf og eftir stendur pólitískur rétttrúnaður.

[Gunnar Rögnvaldsson, 21.3.2009 kl. 19:23]

Þetta er ekki flóknara en að færa sig aðeins um set í stafrófinu. Ef Sjálfstæðisflokkurinn vill ekki lengur vera sjálfstæðisflokkurinn vegna þess að forysta flokksins er umhverfissködduð og án jarðsambands við hornsteina flokksins - tja, þá er bara að setja einn kross við þennan hérna bókstaf - L. Þetta geta allir Íslandsvinir og fullveldissinnar gert með glans - og án þess að þurfa að fella nein sölt tár. Einn kross, það er allt sem þarf til til að tryggja fullveldi Íslands áfram. Þeir geta alltaf skipt um skoðun seinna, skyldi gamli flokkurinn þeirra verða heill á sönsum aftur - og ennþá á lífi. 

Einn bókstafur sem tryggir áframhaldandi fullveldi Íslands

 

[Jón Valur Jensson, 21.3.2009 kl. 19:45]

Ég á mjög auðvelt með að krossa við þetta L, ef Sjálfstæðisflokkurinn tekur eðlisbreytingu og gerist Ósjálfstæðisflokkurinn.

[Magnús Helgi Björgvinsson, 21.3.2009 kl. 21:19]

Gunnar ég hef verið að velta því fyrir mér hvað í ósköpunum þú ert að gera í Danmörku? Samkvæmt blogginu þínu hlýtur ástandið að vera hræðilegt þarna í Danmörku. Nú er Danmörk búið að vera í ESB síðan 1973. Og skv. lýsingum þínum hafa Danir ekkert um sín mál að segja. Þeir hljóta á þessum 36 árum að vera orðnir mjög fátækir og alls ekki lífvænlegt þar.

Þannig að maður veltir fyrir sér öllum aumingjans Íslendingunum þarna úti hjá þér sem lifa í tjöldum og eiga ekki fyrir fari heim til dásamlega Íslands sem er svo ríkt með svo öflugan gjaldmiðil og sterka banka og þar sem að allir eiga fyrir skuldum sínum. Og landbúnað þar sem að engin skilur að meira en helmings fækkun hefur orðið í bændastétt á 2 áratugum. Og sjávarútveg sem er að drukkna í skuldum.

Já aumingja þú að vera í Danmörku og þessu hræðilega ESB

[Guðmundur Jónas Kristjánsson, 21.3.2009 kl. 21:28]

Valsól. Bara eitt dæmi um okkar dýrmætustu auðlind í dag, fiskimiðin.
Eitt dæmi um hvað við getum EKKI samið um . Og það er full fjárfesting
ESB-þegna í íslenzkum útgerðum. Þannig kæmust útlendingar með skömmum tíma yfir kvótann á Íslandsmiðum. Keyptu sig inn í íslenzkar
útgerðir. Kæmust þannig bakdýramegin inn í okkar dýrmætu fiskveiðilögsögu. Með tíð og tíma hyrfi þannig okkar dýrmæti virðisauki af
fiskiauðlind okkar úr íslenzku hagkerfi með skelfilegum efnahagslegum
afleiðingum fyrir íslenzka þjóð. Kvótahoppið heldi sem sagt innreið sína
á ísl. fiskimið sem hefur lagt td breskan sjávarútveg nánast í rúst.
Í dag getum við bannað allt slikt af því sjávarútvegur okkar er UTAN
EES-samningsins. Allt galopnast við inngöngu í ESB, vegna þess að frjálsar
fjárfestingar milli ESB-landa er ein af hornsteinum Rómarsáttmálans sem
ENGIN undanþága fæst frá.  - Þá vil ég benda að sjávarauðlindir allar
lúta stjórn ESB í ÖLLUM ESB löndum, þannig að það er KOLRANGT hjá þér
að ríki ESB ráði yfir auðlindum sínum. Aldeilis ekki, og ESB stefnir að því
að hafa sameiginlega stjórn yfir mun fleiri auðlindum ESB landa í fram-
tíðinni, eins og olíu, enda ESB hugsað sem eitt evrópskt RÍKI í fram-
tíðinni, eins og oliúauðlindum.

Tek þetta bara sem eitt dæmi að FJÖLMÖRGUM öðrum sem sýna hversu það
er gjörsamlega út í hött að Ísland gangi í ESB. 

[Jón Valur Jensson, 21.3.2009 kl. 23:15]

Jóhann Ólafsson, ef þú ert heildsalinn, sem ég hef hitt og oft hefur skrifað ágætar greinar í Morgunblaðið, þá ertu sá hinn sami sem á nýlegum Valhallarfundi mælti með Evrópubandalagsumsókn lands okkar. Í því ljósi má þá skilja orð þín hér ofar, ekki sem málflutning hlutlauss athuganda. Þú hlýtur að minnast þess, að í tveimur skoðanakönnunum nýlegum kváðust 73–75% stuðningsmanna Sjálfstæðisflokksins vera andvígir því að sækja um inngöngu í Evrópubandalagið. Get ég engan veginn gefið mikið fyrir pólitíska spásagnarhæfni þína, ef þú í alvöru hyggur flokkinn geta tekið stefnu á það á komandi landsfundi að láta Ísland innlimast í nefnt bandalag, án þess að það hafi í för með sér klofning hans í herðar niður. Það munu MARGIR, jafnvel traustustu menn (ég veit um ýmsa), yfirgefa flokkinn, ef hann fremur þá ósvinnu. Þetta væri 'harakiri' flokksins, og óvinaher okkar myndi lítt sýta það!