Halldór Ásgrímsson tjáir sig um Evrópumál.

    Í fréttum Stöðvar 2 í kvöld var viðtal við
Halldór Ásgrímsson fyrrverandi forsætisráð-
herra og formann Framsóknarflokksins. Þar
fann hann EES-samningnum allt til foráttu
sem er í raun ekki nýtt hjá Halldóri, því hugur
hans hefur löngum beinst að því að Ísland
gerist aðili að Evrópusambandinu.

   EES-samingurinn er í fullu gildi í dag og
ekkert sem bendir til annars en að hann
muni geta þjónað vel íslenzkum hagsmun-
um í fyrirsjáanlegri framtíð. Viðtalið við Hall-
dór kom því á óvart og tímasetning þess.

  Innan Framsóknarflokksins eru uppi
skiptar skoðanir um Evrópumál eins og hjá
flestum öðrum flokkum. Í skoðanakönnun
Fréttablaðsins sem birt var 24 janúar s.l  
kom  þó fram,  að mikill meirihluti stuð-
ningsmanna Framsóknarflokksins var and-
vígur aðild eða 60% en 22% með. Í Sjálf-
stæðisflokknum voru 65% á móti en 20%
með. Hjá Frjálslyndum voru 52% á móti en
35% með. Hjá Vinstri-grænum voru 59% á
móti en 34% með. Og hjá Samfylkingunni
voru 51% með en 41% á móti.

  Eins og sjá má af þessu er mikil andstaða
meðal Framsóknarmanna við aðild Íslands
að ESB eða svipað og meðal Sjálfstæðis-
manna. Raunar meiri en meðal stuðnings-
manna Vinstri-grænna. Þess vegna féll
sýn Halldórs í Evrópumálum í mjög grýttan
jarðveg hjá Framsóknarmönnum og olli
klofningi í flokknum sem núverandi formaður
Jón Sigurðsson hefur tekist að útrýna, enda er
hann í raun með allt aðra sýn en Halldór Ás-
grímsson varðandi aðild Íslands að ESB.

   Viðtalið við Halldór kom því verulega á
óvart nú í aðdraganda kosninga og í ljósi
þess að Jón  Sigurðsson virðist hafa tekist
að ná mikilvægri  sátt innan flokksins um þetta
viðkvæma mál.

Hvers vegna ekki kosið um núverandi stjórn eða stjórnarandstöðu.?

   Fram kom í Kastljósinu í kvöld í viðtali við
forsætisráðherra og formann Sjalfstæðis-
flokksins að hann geri sér grein fyrir erfiðum
stjórnarmydunarviðræðum að kosningum
loknum falli núverandi ríkisstjórn. Svo míkið
beri á milli stjórnar- og stjórnarandstöðu.

  Þetta er auðvitað rétt mat hjá forsætisráðherra.
Núverandi ríkisstjórn og þeir flokkar sem að henni
standa hafa unnið mjög vel saman s.l 12 ár  og
tekist að skapa á þeim tíma mestu hagsæld Íslands-
sögunar. -  Með réttu má segja að á Íslandi hafi
s.l. 12 ár setið framfarasinnuð borgaraleg ríkis-
stjórn meðan vinstrisinnuð öfl hafa myndað
stjórnarandstöðuna.

   Í nágrannaríkjum okkar og mörgum öðrum hafa
tvær blokkir skipst á að mynda ríkisstjórnir. Annars
vegar hin borgaralegu öfl og hins vegar flokkar
til vinstri. Hvers vegna hefur sú hefð ekki skapast
á Íslandi? Í dag  segjast allir  ganga óbundnir
til kosninga, þannig að kjósendur vita í raun 
EKKERT um hvað er kosið og allra síst hvað taki
við  að kosningum loknum. - Er það lýðræðislegt?

   Ríkisstjórnarflokkarnir eiga því að ríða á vaðið
nú í kjölfar kosninganna og lýsa því yfir að um
núverandi ríkisstjórn og hennar stefnu verði
kosið. Falli ríkisstjórnin  beri stjórnarandstöðinni
að taka við. -  Hreinar línur það!

    Þá munu hin skörpu skil sem þegar hafa í raun
myndast í íslenzkum stjórnmálum fara að virka
eins og tíðkast í velflestum nágrannaríkjum okkar
þar sem samsteypustjórnir eru fremur regla  en
undantekning.

Össur ætti að skammast sín !

    Össur Skarphéðinsson þingflokksformaður
Samfylkingarinnar ætti að skammast sín fyrir
að endurtaka dylgur og rógburð í garð Jónínu
Bjartmarz umhverfisráðherra. Málið allt er upp-
lýst en samt er reynt að síendurtaka hinar
rakalausu ásakanir með hjálp tveggja frétta-
stofa í kvöld. Hver er tilgangurinn?

    Það er með ólíkundum að tvær virtar frétta-
stofur láti stjórnast af pólitískum hugarheimi
Össurar sem þjónar þeim eina tilgangi að koma
höggi á ráðherrann. Össur veit það manna best
að málið er endanlega upplýst, ráðherra kom
hvergi nálagt afgreiðslu Allsherjarnefndar, og
nefndarmenn endurtóku það allir nú  síðast í
kvöld, þ.á.m flokkssystir Össurar, Gruðrún Ög-
mundsdóttir, að nefndarmenn hefðu ekki haft
hugmynd um tengsl ráðherra við tiltekin um-
sækjanda. Hvað þarf þá að rannsaka eða
upplýsa?  Storminn í vatnsglasinu ?

  Össur Skarphéðinsson fór offari í dag sem
verður honum ekki til vegsauka....

Athyglisvert Reykjarvíkurbréf. Sjálfstæðismenn svari!

    Í Reykjavíkurbréfi Mb.l í dag er velt upp
ýmsum hugmyndum um stjórnarmyndanir
eftir kosningar. Afar athyglisverð eru skrif
höfundar um hugsanlegt samstarf Vinsri-
grænna og Sjálfstæðisflokksins.

   Í Reykjavíkurbréfinu er augljóslega horft til
Vinstri-græna sem álítlegan kost fyrir Sjálf-
fstæðisflokkinn. Þar segir. ,,Í fyrsta lagi er ljóst
að þessir tveir  flokkar eru sammála um það
grundvallaratriði í utanríkismálum,  að  Ísland 
eigi að standa utan Evrópusambandsins.
Jafnvel þótt að Steingrímur  J Sigfússon settist
í stól utanríkisráðherra í slíku stjórnarsamstarfi
yrði engin vandamál uppi af því tagi, að utan-
ríkisráðherrann væri alltaf að reka áróður fyrir
umsókn um aðild að ESB eins og Ingibjörg
Sólrún mundi gera".

   Hér eru stórtíðindi á ferð. Ritstjóri MBL opnar
á það að sósíalistar fái stól utanríkisráðherra
í samstjórn með Sjálfstæðisflokknum. Frá lýð-
veldisstofnun hefur ríkt um það samkomulag
meðal lýðræðisflokkanna að útiloka sósíalista
frá utanríkismálum og öllum þeim þáttum er lúta
að öryggis- og varnarmálum.  Hvað hefur breyst
í dag? Eru Vinstri-grænir ekki með sömu áhersl-
unar í öryggis-og varnarmálum og forverar þeirra
fyrr á árum?  Hvað með Sjálfstæðismenn? Hafa
orðið grundvallarbreyting á þeirra viðhorfum að
útiloka aðkomu sósíalista að utanríkismálum
Íslands, og þar með öryggis- og varnarmálum?
Breytt afstaða Mbl gefur sterkt tilefni til að um
það sé spurt. Ekki síst í aðdraganda kosninga.
 

    Þá víkur höfundur Reykjavíkurbréfsins að
Vinstri-grænum og veltir fyrir sér sósíalisma
þeirra og segir. ,,Þótt Steingrímur J. Sigfússon
eigi rætur í fyrrnefndri stjórnmálahreyfingu
sósíalista er hann í dag formaður fyrir flokki,
sem er nú fyrst og fremst grænn flokkur".

   Hvers konar rugl er þetta? Í hvaða fílabeins-
turni er ritstjóri MBL? Hefur það farið fram hjá
honum að ÖLL einkavæðing núverandi ríkis-
stjórnar á s.l árum var gerð í hatrammri and-
stöðu við sósíalistanna í Vinstri-grænum. ?
Vinstri-grænir hafa sýnt frá upphafi ótrúlega
forræðishyggju á  næstum öllum sviðum. Hvað
er það annað en púra sósíalismi?

    Reykjavíkurbréf MBL er það furðulegasta um
langan tíma, og vekur upp ótal spurningar....

Framsókn er á uppleið

    Skv. skoðanakönnunum virðist Framsókn vera
að taka við sér. Ljóst er að líf núverandi ríkisstjórn-
ar mun ráðast af því hvernig Framsóknarflokkurinn
kemur út úr kosningunum. Fáránlegt er ef annar
stjórnarflokkurinn eigi að njóta ávaxtanna af 
mjög farsælu og árángursríku samstarfi s.l 12
ár en hinn ekki.

   Jón Sigurðsson er nýr formaður Framsóknar-
flokksins.  Jón er mikilsvirtur maður og hefur
tekist að sameina flokkinn á ný með tilvísan
til  þeirra gömlu þjóðlegu og framsæknu gilda
sem framsóknarstefnan er byggð á.  Það er nú
að skila sér í auknu fylgi. Vonandi verður það
til þess að núverandi ríkisstjórn haldi velli 12
maí n.k.

   Míkið er í húfi fyrir íslenzka þjóð að áfram verði
mikil gróska og framfarir í íslenzku samfélagi eins
og verið hefur undanfarin ár. Hættan er sú að ýmis
afturhaldsöfl komist til áhrifa og takist að snúa
hjóli atvinnulífsins og verðmætasköpunar við, - 
þannig úr því myndist stöðnun og jafnvel kreppa. 
Öfganar til vinstri eru með þeim ólíkindum að full 
ástæða er til að hafa verulegar áhyggjur af íslenzkri 
framtíð ef STOPP-flokkarnir komist til áhrifa í vor.

    Frjálslynd borgaraleg ríkisstjórn á þjóðlegum
grunni er farsælust fyrir íslenzka þjóð. Um það
vitna s.l 12 ár. Til að slík stjórn haldi áfram 
verður Framsóknarflokkurinn að fá ásættanlega
kosningu. Það verða borgarasinnaðir kjósendur
að hafa í huga í  komandi kosningum. 

Vinstri grænir grafa undan lögreglunni!

  
     Vinstri-grænir virðast ekki láta sig nægja að
berjast fyrir varnarlausu Íslandi. Þeir virðast 
líka vinna að því að grafa undan íslenzkri lög-
gæslu. Vinstri-grænir eru komnir í ALGJÖRA
sérstöðu hvað varðar þjóðaröryggismál Íslands.

   Á bloggsíðu eins frambjóðenda Vinstri-grænna
Andreu Ólafsdóttir sem skipar 5 sæti VG  í SV-
kjördæmi ræðst hún með afar ósmekklegum
hætti að íslenzkri löggæslu og segir hana á
VILLIGÖTUM. Það að stjórnmálamaður skuli ráðast
með slíkum hætti á löggæsluna í landinu eins
og Andrea gerir er mjög alvarlegt mál. Þarna
er hún að GRAFA UNDAN trausti á löggæslunni
með allskonar dylgjum og rógi. Í hvaða andlegt
ástandi eru Vinstri-grænir komnir eiginlega ?

    Það er alltaf að koma betur og betur í ljós
hvers-konar flokkur Vinstri-grænir eru. Þetta
virðist samansafn stjórnleysingja, vinstrisinnaðra
róttæklinga og afdankaðra  sósíalista sem virðast
hafa það eitt markmið að rústa íslenzkum  efnahag
og skapa upplausn í íslenzku samfélagi.  Svona
róttæklingar hjóta að hafa málað sig út í horn
hvað aðkomu að ríkisstjórn varðar.  Eða er þetta
virkilega ennþá tilvonandi samstarfsflokkur
Samfylkingar og Frjálslyndra komist þessi flokkar
í meirihluta?

    

Aðförin að Jónínu Bjartmarz mistókst.

     Það er alveg ljóst eftir Kastljósið í kvöld að
pólitísk aðför Helga Seljans að Jónínu Bjart-
marz  umhverfisráðherra mistókst herfilega.
Helgi var í vörn allan tímann og er ljóst að
hans fréttamannsferill hefur orðið fyrir miklum
álítshnekki eftir þetta frumhlaup.

   Mestu mistök Helga var að kynna sér ekki
báðar hliðar málsins þegar hann í gærkvöldi
þrumaði allskyns dylgjum og ósannindum
framan í sjónvarpsáhorfendur. Nú er komið
á daginn að ráðherra kom þarna hvergi
nærri og Allsherjarnefnd vissi ekkert  af
tengslum ráðherra við einn umsækjandan
um íslenzkan ríkisborgararétt. Þá kom fram
að nefndin veitir árlega margar undanþágur
þótt umsækendur hafi dvalið innan við
20 mánuði á Íslandi.  Helgi reyndi hér að
hengja bakara fyrir smið en mistókst það
gjörsamlega.  Jónina Bjartmarz fór með
sigur af hólmi  og ástæða til að óska henni
til hamingju. Því hér var svo sannarlega
reynt að vega að mannorði hennar og 
orðstír, og sem meira var, stöðu hennar
sem ráðherra og þátttöku í stjórnmálum.

   Þori að fullyrða að engin karlkynsráðherra
hefði þurft að reyna slíkt.

   Aðförin að Jónínu Bjartmars er hneisa fyrir
Ríkissjónvarpið, og alvarlegt nú í aðdraganda
kosninga, þegar hlutleysi RÚV er svo mikilvægt.
 

Vinstri-grænir! Ein grundvallarspurning um varnarmál.

   
  Góðan daginn Vinstri-grænir. Ein grund-
vallarspurning til ykkar um öryggis- og
varnarmál.

  Hvers vegna á og hvers vegna getur
Ísland EITT ríkja t.d í Evrópu verið  án 
hervarna?



  

Vítavert ábyrgðarleysti Steingríms J og VG í þjóðaröryggismálum.

   Steingrímur J. formaður Vinstri grænna, gerir
alvarlegar athugasemdir við samstarf Íslands
við Dani og Norðmenn í öryggis-og varnarmálum
á fundi utanríkismálanefndar Alþingis í vikunni.
Þar með hafa Vinstri-grænir enn og aftur af-
hjúpað vítavert ábyrgðarleysi sitt í öryggis- og
varnarmálum íslenzku þjóðarinnar.

   Með þessari andstöðu Vinstri grænna við
aukið samstarf norrænu frændþjóðanna á N-
Atlantshafi eftir  brottför Bandaríkjahers frá
Íslandi, hljóta þeir sjálfkrafa að útiloka sig
varðandi ríkisstjórnarþátttöku um ókomna
framtíð.  Því hvaða ábyrgur stjórnmálaflokkur
getur átt samstarf við jafn óábyrgan flokk og
Vinstri-græna í jafn þýðingarmiklum málaflokki 
og þeim er varðar þjóðaröryggismál Íslands?

   Enn og aftur hafa Vinstri-grænir sannað
sína ótrúlegu miklu vinstrisinnuðu róttækni.
Jafnvel systurflokkur þeirra í norsku ríkis-
stjórninni er agndofa af undrun.  

   Hin óþjóðlega róttækni Vinstri-grænna er
engri takmörk sett!  Að vilja Ísland eitt ríkja
heims berskjaldað og varnarlaust er slíkt
virðingarleysi fyrir landi og þjóð, að slíkur
flokkur ætti ekki að mælast í skoðanakönn-
unum, hvað þá að hljóta kosningu á hið
virta íslenzka þjóðþing.

Gerum varnarsamning við Þjóðverja!

   Á forsíðu Mbl í dag er sagt frá viðræðum
íslenzkra stjórnvalda við þýzk stjórnvöld
um öryggi og varnir. Um miðjan maí n.k
munu hátt settir þýzkir embættismenn
koma til viðræðna við íslenzk stjórnvöld
um öryggis-og varnarmál. Sagt er að
áhugi sé á því að Þýzkaland taki þátt í
flugæfingum hér á landi.

   Vert er að fagna þessum áformum. Þýzki flug-
herinn hefur notað Keflavíkurflugvöll mest allra
NATO-herja að Bandaríkjaher frátöldum. Í fyrra
lentu þýzkar herflugvélar 122 sinnum í Keflavík,
meðan t.d breskar herfluvélar lentu 55 sinnum
og danskar 50 sinnum.

  Þjóðverjar eru ein mesta vinarþjóð Íslendinga
fyrr og síðar. Sérstök tengsl hafa því ætíð verið milli
Íslands og Þýzkalands. Í ljósi nýrrar heimsmyndar
eigum við að stórauka þessi tengsl okkar við Þjóð-
verja á öllum sviðum. Ekki síst  á hinum pólitísku
sviðum. Þyzkaland er stærsta og öflugasta ríki
Evrópusambandsins, og því þýðingarmíkið að Ísland
eigi þar góðan bandamann. Auk þess er Þýzkaland
mjög öflugt hernaðarlega,   (með þeim öflugustu í 
NATO) -  og því er það mjög ánægjulegt að íslenzk
og þýzk stjórnvöld  skuli  nú  hefja viðræður um
öryggis- og varnarál.  Þær viðræður eru vonandi
upphafið af stórauknu samstarfi þessara tveggja
vinarþjóða, sem vonandi leiðir til þess að þjóðirnar
tvær geri með sér sérstakan samning um öryggis-
og varnarmál, ekki síðri en samningarnir við Dani
og Norðmenn.

   Svokallaður varnarsamningur við Bandaríkjamenn
er umdeildur. - Kosturinn við Þjóðverja er sá að þeir
eru gömul vinarþjóð  okkar  sem hægt er að treysta!