Jón Sigurðsson - góður leiðtogi!

   Jón Sigurðsson formaður Framsóknarflokksins
er að koma sterkur farm sem flokksleiðtogi og
stjórnmálamaður. Rökfesta hans og skýr pólitísk
markmið eiga vonandi eftir að skila honum og
flokki hans mikilvægum árangri nú þegar seinni
hluti kosningabaráttunnar er hafin.

  Miklilvægast er það að Jóni hefur tekist að ná
sáttum í flokknum, og  skerpt ímynd flokksins á
ný. Þar höfðar hann til grunngilda framsóknar-
stefnuar sem byggir í senn á samvinnuhugsjón
og þjóðlegum viðhorfum. Hann setti fram nýstár-
lega hugmynd um ÞJÓÐHYGGJU sem byggir á
heilbrigði þjóðrækni án hvers kyns fordóma.

  Jón segir að ,,,þjóðhyggja er það afl sem tendrar
endurreisn og sjálfstæðisbaráttu Íslendinga á
seinni tíð. Því er ekki svo háttað að í stjórnmálunum
takist á hægri stefna/sérhyggja/einstaklingshyggja
annars vegar, og sósíalisk jafnaðarstefna/stettar-
hyggja hins vegar. Miðjan í íslenzkum stjórnmálum
er ekki einhver misjafnlega heppin blanda, rugl eða
hræringur annara hugmynda eða stefnumiða. Miðjan
er sjálfstæður hugmyndafræðilegur póll sem á sér
sínar eigin stjórnmálalegu og hugmyndafræðilegu
rætur, og það er arfleifð evrópskrar þjóðhyggju eða
þjóðræknisstefnu undirokaðra smáþjóða álfunar."

   Hinn nýji formaður Framsóknarflokksins nýtur 
trausts og viðingar langt út fyrir raða Framsóknar-
manna.  Hann leiðir flokkinn í kjördæmi Reykjavík-
norður, og því mikilvægt að hann fái þar góða 
kosningu.  Hér með er skorað á alla frjálslynda 
framfarasinna sem einnig vilja standa vörð um 
þjóðleg gildi og viðhorf  og eru kjósendur í kjör-
dæmi Jóns að kjósa hann 12 maí n.k.  -

   Jón er traustur og ábyrgur stjórnmálamaður og
og fær því  mitt atkvæði  í kjördæmi Reykjavík- norður
á kosningadag........

Siv og Jónína í mikilli baráttu

   Ljóst er að Siv Friðleifsdóttir heilbrigðs-
ráðherra og Jónína Bjartmarz umhverfisráð-
herra eiga á brattan að sækja í sínum kjör-
dæmum skv. skoðanakönnunum. Báðar hafa
þær staðið sig með sóma í sínum ráðuneytum
og  hafa verið farsælar á sínum stjórnmála-
ferli. - Því eru það vonbrigði ef slagt gengi
Framsóknarflokksins skuli bitna á fylginu í
þeirra kjördæmum þannig að það gæti jafnvel
farið svo að þær nái ekki á þing aftur.

   Mikil umræða hefur verið á s.l árum að hlutur
kvenna sé ekki nægilega mikill í íslenzkum
stjórnmálum. Rætt hefur verið um að setja á
kynjakvóta þannig að tryggt verði að stjórnmálin
endurspegli sem mest jafna þátttöku kvenna
og karla. - Þess vegna yrði það meiriháttar
slys og sendi út kölröng skilaboð ef ráðherrar
sem báðar eru konur yrðu felldar út af þingi
þrátt fyrir að hafa staðið sig með prýði í starfi.
Slíkt yrði meiriháttar áfall fyrir jafna þátttöku
karla og kvenna í stjórnmálum á Íslandi í dag.

   Bæði Siv og Jónína eru miklar baráttukonur og
því er full ástæða að trúa að þeim vegni vel á
lokaspretti kosningabáráttunnar og endurheimti
þingsæti sín eins og þær fyllilega verðskulda....   

Vinstri grænir á bullandi niðurleið

    Skv. skoðanakönnun Gallups virðist fylgið við
Vinstri- græna vera á bullandi niðurleið. Hefur
farið úr 27.7% fyrir 2 mánuðum niður í 17.7%.
Kjósendur virðast farnir  að átta sig á hvaða
flokkur VG er í raun og veru.

   Í raun yrði það brandari út af fyrir sig ef
Íslendingar sætu uppi með öflugan afdánk-
aðan sósíaliskan flokk þ.s forræðishyggjan
er í öndvegi, nú í byrjun 21 aldar. Kjósendur
sjá auðvitað hvaða meiriháttar tímaskekkja
það væri. - Vinstri-grænir hafa svo rækilega
afhjúpað sína sósíalisku hugmyndafræði á
öllum sviðum, þannig að reyna að sveipa
hana einhverjum umhverfisvænum umbúðum
gengur ekki upp lengur. Það á því enn eftir
að fjara undan sóíalistunum í Vinstri-grænum
næstu daga.

   Þeir sem töldu Vinstri-græna þjóðlegan flokk
eru  farnir að átta sig á að svo er ALLS EKKI.
Þvert á móti eru þeir mjög alþjóðasisnnaðir eins
og allir sósíalistar og vinstrisinnaðir róttæklingar.
Vilja Ísland eitt landa heims ÓVARIÐ og hafna
öllum þjóðlegum gildum og viðhorfum.  Veifa
frekar rauðum fánum undir internasjónalnum.

   Það er því  gleðiefni að nú skuli hratt fjara undan
svokölluðum Vinstri-grænum 

Steingrímur J. fatast flugið

   Í viðtali í Kastljósi í kvöld virtist Steingrímur J.
vera allan tíman í varnarstöðu þegar talið barst
að efnahagsmálum og hvernig Vinstri-Grænir
ætla að halda uppi öflugu velferðarkerfi. Því
kom hann sér hjá því hvað eftir annað að út-
skýra eflingu velferðarkerfisins og ,,grunnstoða"
samfélagsins á sama tíma og hann og VG boða
samdrátt í atvinnulífinu með stóriðjustoppi og
öðrum stórframkvæmdastoppum sem verið hefur
undirstaða mikils hagvaxtar á síðustu árum.

   Það er deginum ljósara að komist Vinstri-grænir
til valda og áhrifa í landsstjórninni muni stöðnun
blasa við mjög fljótlega, en allt slíkt getur haft
keðjuverkandi áhrif í hagkerfinu og leitt jafnvel
til kreppu. -  Fyrir liggur mjög góð mynd af íslenzku
samfélagi í dag hefði hugmyndarfræði og pólitískar
áherslur VG ráðið för s.l 12 ár. Allt sem varðar vel-
ferðarmál hefði verið í meiriháttar nyðjarástandi 
einfaldlega af því að ríkissjóður hefði orðið af 
HUNDRUÐUM MILLJARÐA króna vegna andstöðu
VG við einkavæðingu ríkisstjórnarinnar. Aldrei hefði
komið til útrásarinnar miklu sem kom í kjölfar einka-
væðingarinnar sem stórefldi atvinnulífið svo það fór
að greiða umtalsverða skatta í ríkissjóð. Ellilífeyris-
þegar lífðu við eymdarkjör því hinn mikli ágóði
lífeyrissjóðanna í hlutafjárkaupum hefði aldrei
komið til undir stjórn VG. - Þannig allt ber að sama
brunni og ekki skrítið að Steingrími J líði illa undir
fyrirspurnum Kastljósstjórnenda í kvöld. Steingrímur J.
fékk því falleinkun í kvöld, því þegar allt kemur til alls 
stendur hann og flokkur hans  ekki fyrir neinu  neina 
innantómu orðagjálfri varðandi sterkt atvinnulíf sem
er undirstaða öflugs velferðarkerfis og alls þess sem
ríkissjóður þarf að standa undir til framfara í íslenzku
samfélagi.

    Aldrei kom það eins skýrt fram og í kvöld hversu 
mikill afturhaldsflokkur Vinstri-grænir eru. Steingrímur J.
kemur líka úr ,,gamla skólanum" þar sem sósíalismi
og allskyns forræðishyggja   lífðu góðu lífi og virðist 
lífa enn.  - Því eru Vinstri-grænir meiriháttar tíma-
skekkja í dag, því hinar sósíalísku lausnir sem þeir boða
í íslenzku samfélagi í  urðu gjaldþrota á síðustu öld.

    Í hvaða heimi eru Vinstri-grænir?

Hvenær linnir aðför Kastljóssins ?

    ,, Er Kastljósið að láta misnota sig til að koma
höggi á mig og Framsóknarflokkinn í aðdraganda
kosninga?" spyr Jónína Bjartmarz umhvefisráð-
herra í bréfi sem Jónína sendi Morgunblaðinu og
birtist á Mbl.is í dag. Og ennfremur segir Jónína.
,,Allir þeir sem heyrt hafa svör Bjarna Benedikts-
sonar, Guðrúnar Ögmundsdóttir, og Guðjóns
Ólafs Jónssonar hljóta að spyrja sig hvað Kast-
ljósinu gangi til með  umfjöllun um veitingu
ríkisborgararéttar til eins tiltekins umsækjanda,
ungrar stúlku frá Mið-Ameríku, sem tengist mér."

   Það er eðlilegt að ekki bara Jónína heldur miklu
fleiri fari að spyrja sig hvað Kastljósinu gangi til
með þessari umfjöllun. Hvernig málið var sett á
dagskrá í upphafi var með miklum eindæmum.
Helgi Seljan fór offari í upphafi með allskyns
dylgjum og órökstuttum fullyrðingum sem hann
gat svo engan veginn varið er hann mætti Jónínu
í Kastljósinu kvöldið eftir. Þá var honum skipt út
fyrir Jóhönnu Vilhjálmsdóttir sem átti að hjóla í
Bjarna Benediksson í Kastljósinu í gærkvöld, en
varð alls ekki kápan úr því klæðinu. Bjarni hrakti
allar dylgjunar og fullyrðingarnar um að hér væri
óðelilega afgreiðslu að ræða eða að umsóknin
hefði fengið "sérmeðferð".  Allt slíkt var hrakið
lið fyrir lið, og í lokin stóð ekki steinn yfir steini.

   Engu að síður boðaði yfirmaður Kastljóssins
áframhaldandi umfjöllun um málið næstu kvöld.
Þá á að beina spjótum að lögrelglustjóra og
Útlendingastofnun.  Forstjóri Útlendingarstofnunar
upplýsti hins vegar í hádegisfréttum RÚV að oft
gerist það fyrir þinglok að afgreiðsla beiðna um
ríkisborgararétt færi niður í örfáa daga.

Allt virðist þannig bera  að sama brunni. Látlaus
umfjöllun Kastljós af þessu máli er ekki trúverðugt
lengur og lyktar af óþolandi pólitískri afgreiðslu.
Mál  er að linni!

Auglýsingabrella Vinstri grænna um kraftmikið samfélag.

   Á forsíðu Mbl. í dag er auglýsing frá Vinstri
Grænum  um að  þeir standi  fyrir  kröftugu
samfélagi. Það er ekki að furða þótt VG grípi
til slíkrar auglýsingabrellu, því allt það sem
VG hefur staðið fyrir fram til þessa hefur verið
ávísun á stöðnun og meiriháttar  kreppu.
  
  Á s.l árum hefur ríkisstjórnin staðið  fyrir mikilli
umbyltingu í íslenzku atvinnulífi, sem myndað
hefur stórkostlega verðmætasköpun í þjóðfélag-
inu. Maður hugsar til hryllings hvernig ástandið
væri t.d í velferðarmálum hefði þessi umbylting
ekki orðið. Svo vill til að Vinstri-grænir börðust
harðast gegn þessari jákvæðri þróun. Öll einka-
væðingin sem skilað hefur hundruði milljarða í
ríkissjóð voru VG á móti. Öll útrásin sem kom í
kjölfar hennar og hefur skapað meiriháttar
fjármuni í þjóðarbúið hefði því aldrei orðið ef
VG hefði ráðið för. Lífeyrissjóðir landsmanna
hafa notið gríðarlegs ávinnings af allri þessari
umbyltingu og þar með styrkt kjör ellilífeyris-
þega í framtíðinni. Þeir væru hokursjóðir í dag  
ef Vinstri-grænir hefu mátt ráða.  - Og svona má
lengi lengi telja.

    Þess vegna er mér það svo gjörsamlega hulin
ráðgáta fyrir hvað Vinstri-grænir eru að skora í
dag. Hvað er það í málflutningi VG sem höfðar
svona til fólks? Sjá ekki allir hinn púra sósíalisma
og forræðishyggju sem kristallast í allri hugmynda-
fræði VG? Nokkuð sem er löngu búið að afskrifa í
nútímalegu þjóðfélagi og er algjör tímaskekkja
nú í byrjun 21 aldar.  - 

Eru vinstriöflin að fara á taugum?

  
   Svo virðist að vinstriöflin séu að fara á
taugum. Þau sjá að allt getur gerst að
ríkisstjórnin haldi velli, enda er málefna-
staða hennar mjög góð. Á sama tíma
virðist stjórnandstöðinni skorta  öll hin
raunverulegu kosningamál. Enda ástand
efnahagsmála aldrei verið eins gott og nú.

   Í örvæntingu sinni er þá grípið til miður
ógeðfeldra aðferða til að hlekkja á ríkis-
stjórnarflokkunum. Jafnvel hreinar lygar og
skáldskapur eru notuð. Nýjasta dæmið var í
dag þegar framkvæmdastjóri Starfsgreina-
sambandsins sagði að búið væri að ákveða
einkavæðingu Landsvirkjunar,  og ekki bara
það, heldur væri búið að ákveða nýjan forstjóra.
Jón Sigurðsson formaður Framsóknarflokksins
kom fram í fréttum í kvöld og vísaði þessum
dylgjum alfarið á bug, enda lægi fyrir sérstök
flokkssamþykkt Framsóknarflokksins að ekki
kæmi til greina að einkavæða Landsvirkjun.
Þá er öllum í fersku minni aðförin að Jónínu
Bjartmarz, þar sem fyrrverandi kosningastjóri
Samfylkingarinnar misnotaði aðstöðu sína sem
fréttamaður hjá ríkissjónvarpinu með rakalausum
dylgjum og árásum á umhverfisráðherra í þeim
eina pólitíska tilgangi að grafa undan ráðherra
og stjórnmálaferli.

  Allt ber þetta að sama brunni. Stjórnarandstaðan
er að fara á taugum. Hún finnur engan hljómgrunn
meðal kjósanda enda hefur hún  EKKERT fram að
bjóða nema stöðnun á öllum sviðum þjóðlífsins.


  

Mona og Helle bræddu hjörtun

   Í kosningabæklingi Samfylkingarinnar í dag
eru m.a fjölmargar myndskreytingar og til-
vitnanir í fólk og frambjóðendur. Á forsíðu
er mynd af Monu Sahlin og sagt að hún og
Helle Thorning Schmint hefðu brætt hjörtu
landsfulltrúa á dögunum.

   Sem kunnugt er þá eru þær stöllur leiðtogar
sósíaldemókrata í Sviðþjóð og Danmörku.
Vera þeirra á landsfundi Samfylkingarinnar 
vakti athygli. Einkum er þær gáfu kost á sér í
OPINBER VIÐTÖL um pólitík þar sem þær m.a
hvöttu íslenzka kjósendur til að styðja Ingi-
björgu Sólrúnu og hennar flokk. Þarna var um
mjög einstakan atburð að ræða. Að erlendir
flokksleiðtogar komi  til  annars ríkis í  hita
kosningabráttu, og reyna  að  hafa áfrif á
kjósendur þess hvað þeir kjósa, getur ekki 
flokkast undir  annað  en GRÓFA ÍHLUTUN í
íslenzk innanríkismál í þessu tilfelli. Því megin-
reglan er sú að stjórnmálamenn forðast það
eins og heitan eld að láta hanka sig á slíkri
íhlutun.

   En alþjóðahyggja og siðblinda Samfylkingar-
innar virðist engum takmörk sett. Nú örfáum
dögum fyrir kosningar eru þessir sömu erlendu
sósíaldemókratisku stall-systur frá Norðurlöndum
látnar prýða kosningabækling Samfylkingarinnar.

  Er siðblinda Samfylkingarinnar engri takmörk sett?