Framsókn og Frjálslyndir vinni saman

  Í kvöldfréttum útvarps í kvöld var haft eftir Ögmundi
Jónassyni, formanni  þingflokks  Vinstri  grænna, að
stjórnarandstaðan  ætli  að standa  saman á Alþingi í
vetur gegn ríkisstjórninni. Keppt sé að því að samræma
vinnubrögð flokkana í  stjórnarandstöðinni. Svona yfir-
lýsing  kemur á óvart, og  alls ekki vitað í hvaða umboði
þingflokksformaður Vinstri grænna getur komið með slíka
yfirlýsingu.

    Þótt Vinstri grænir séu í þeirri stöðu að vera stærsti
stjórnarandstöðuflokkurinn, er af og frá að hann geti
talist eitthvað forystuafl þar á bæ. Vinstri grænir eru
það allt of langt til vinstri í allri sinni  pólitiskri hugmynd-
arfræði, að mjög erfitt verður fyrir flokka eins og Fram-
sókn og Frjálslynda að eiga við slíkan flokk raunverulegt
samstarf. Flokkar sem skilgreina sig á miðju og hægra
megin við miðju í íslenzkum stjórnmálum eiga miklu fremur
að stilla saman strengi sína, og veita þannig ríkisstjórn
sósíaldemokrata og Sjálfstæðisflokks sterka andstöðu
og aðhald á komandi kjörtímabili, sem vonandi verður mjög
stutt.  Náið og öflugt samstarf Framsóknar og Frjálslyndra
yrði mun líklegra til að vinna gegn ríkisstjórninni og koma
henni frá á borgaralegum forsendum,  en ekki í einhverju
samkrulli  við afdankaða sósíalista og vinstrisinnaða róttæk-
linga.

  Mistök Frjálslyndra í stjórnandstöðu á síðasta kjörtímabili
var allt of náið samstarf við vinstrflokkana. Þau mistök eiga 
nú Frjálslyndir að læra af og Framsókn að hafa í huga þegar
þessir tveir flokkar hefja samstarf sín á milli þjóðinni til heilla.
Fyrir því eru öll pólitísk rök ! 

ESB-andstæðingar haldi vöku sinni

   Skv. skoðanakönnun Fréttablaðsins í dag eru andstæðingar
aðildar Íslands að ESB og þess að tekin verði upp evra enn í
meirihluta. Hins vegar er ljóst að ESB-sinnum vex ásmegin, og
því mikilvægt að allir ESB-andstæðingar haldi vöku sinni hvar í
flokki sem þeir standa. Þetta mál er og á eftir að verða mikið
hitamál í íslenzkum stjórnmálum, ekki síst þar sem hér er líka
um mikið tilfinningalegt mál að ræða, því fullveldi og sjálfstæði
þjóðarinnar er í veði.

   Ljóst er að ESB-sinnar bættu meiriháttar aðstöðu sína til
áróðurs fyrir málstaðnum eftir að þeim var hleypt inn í ríkis-
stjórn Íslands.  Það var fyrirsjáanlegt, að þegar helmingur
ráðherrar ríkisstjórnarinr voru orðnir yfirlýstir trúboðar ESB-
aðildar hlyti áróðursstaða þeirra að batna til muna. Enda
hafa þeir beitt henni að fullu síðan, og það svo að forsætis-
ráðherrann er farinn að kveinka sér.

   Það er því mikilvægt að ESB-andstæðingar standi vaktina.
Ekki síst hér á blogginu. Þar á t.d hrós skilið Hjörtur J. Guð-
mundsson, sem hefur ótrauður miðlað mikilvægum upplýsing-
um um Evrópumál, bæði á bloggi sínu og heimasíðu Heims-
sýnar, samtökum sjálfstæðissinna í Evópumálum. Slíkir menn
eru ómetanlegir í þeirri hörðu sjálfstæðisbaráttu sem augljós-
lega er  framundan.........

Forsætisráðherra orðinn hræddur

    Svo virðist að forsætisráðherra sé farinn að skynja að hann
sitji nú á pólitískri púðutunnu sem hann sjálfur hefur skapað,
og enginn annar.  Það segir sig sjálft að hafa myndað ríkis-
stjórn sem skipuð er til helminga yfirlýstum og eldheitum ESB-
sinnum hlýtur að geta haft þáttarskil í Evrópumálum. Ekki síst
þar sem utanríkisráðuneytið er í höndum ESB-sinna og sjálfur
stjórnarsáttmálinn gefur þeim  nánst frítt spil í Evrópumálum.
Þannig ítrekaði utanríkisráðherra, Ingibjörg Sólrún fyrir nokk-
rum dögum að EKKERT í stjórnarsáttmálanum hamlaði inngöngu
Íslands í ESB á kjörtímabilinu. Athygli vakt, að ummælin komu
í kjölfar heimsóknar hennar til Brussel fyrir skömmu, en þar hitti
hún tvo lykilmenn ESB sem fara munu með samningsumboð ESB
gagnvart Íslandi komi til aðildarviðræðna. Þannig virðist umsókn-
arferlið komið á fulla ferð í utanríkisráðuneytinu, hvað sem for-
sætisráðherra segir.

   Þá hefur viðskiptaráðherra hvað eftir annað talað þjóðargjald-
miðilinn niður, og KOMIST UPP MEÐ ÞAÐ, (orð viskiptaráðherra
vega mjög þungt) sem er einsdæmi að slíkt sé liðið í neinu ríki
sem hefur sjálfstæðan gjaldmiðil. Viðskiptaráðherra talar þannig 
ákaft fyrir upptöku evru, og nú hafa ungir sjálfstæðismenn hvatt
til skoðunar á því. Dropinn er sam sagt farinn að hola steininn.
Innan Sjálfstæðisflokksins eru sterk öfl sem vilja aðild að ESB og
voru þess valdandi í vor að núverandi ríkisstjórn var mynduð með
Samfylkingunni. Og nú hafa þessum ESB-öflum innan Sjálfsstæðis-
flokksins borist sterkur liðsauki úr þingliði flokksins. Guðfinna S. 
Bjarnadóttir þingmaður Sjálfstæðisflokksins hvetur nú ekki bara  
til umræðu um upptöku evru, heldur líka aðild að Evrópusamband-
inu.  Það er því ekki að furða að það sé farið að fara um forsætis-
ráðherra þessa dagana, sbr. yfirlýsingar hans í dag á fundi í Val-
höll . Spurning fer að verða  hvenar kvikni í púðurtunninni?

   Geir H. Haarde gerði mikil mistök í vor að fara að óskum vara-
formanns Sjálfstæðisflokksins og mynda ríkisstjórn með ESB-
sinnunum og sósíalistunum í Samfylkingunni. Honum bauðst
mun betri og heillavænlegur kostur, að framlengja fyrrverandi
borgaralegu ríkisstjórn. Því hafnaði hann, og situr nú á pólitískri
púðurtunnu..  -  Verði honum að góðu !

Er klofningur í Evrópumálum innan Sjálfstæðisflokksins að koma fram ?

   Ljóst er að sterk öfl innan Sjálfstæðisflokksins knýja nú fast á
um stefnubreytingu flokksins í Evrópumálum.  Það eru þau sömu
öfl  sem knúðu fram stjórnarsamstarf við Samfylkinguna í vor,
þótt aðrir vænlegri kostir væru í boði.  Með Samfylkingunni sem
hefur það á stefnuskrá sinni að ganga í Evrópusambandið og
taka upp evru, myndi verða hægt að ná fram stefnubreytingu í
Evrópumálum á kjörtímabilinu. Þess vegna var stjórnarsáttmálin
hafður mjög opinn hvað það varðar, enda hefur utanríkisráðherra
ítrekað það nýlega, að ekkert í stjórnarsáttmálanum hamlaði því,
að sótt yrði um aðild að  ESB á kjörtímabilinu. Nýlega átti utan-
ríkisráðherra fund út í Brussel með tveim lykilmönnum, sem fara
munu  með samningsumboð ESB gagnvart Íslandi, kæmi til um-
sóknar þess. Þannig að svo virðist sem fullt skrið sé komið á
málið innan utanríkisráðuneytisins.

  Nú hefur það gerst að ESB-sinnum innan Sjálfstæðisflokksins
hafa bæst liðsauki úr þingmannahópi Sjálfstæðisflokksins. Þar
er á ferð þingkonan Guðfinna S Bjarnadóttir, sem kallar ekki
bara eftir umræðu um upptöku evru, eins og ungir sjálfstæðis-
menn kalla nú á. Guðfinna vill líka opinskáa umræðu um aðild
Íslands að Evrópusambandinu. Þannig fara átökin innan
Sjálfstæðisflokksins  stígmagnandi frá degi hverjum um Evrópu-
málin. Ekki síst vega mikils þrystings frá samstarfsflokknum
í ríkisstjórn. Hann veit af veikleikanum innan Sjálfstæðisflokks-
ins og hyggst nýta sér hann til hins ýtrasta. Þar er komin
ástæðan fyrir því kvað krötum hafa liðist ýmislegt að undan-
förnu.

  Sjálfstæðisflokkurinn er stór flokkur enda samanstendur af
fjölmörgum ólíkum hagsmunahópum. Davíð Oddsson var mjög
sterkur foringi sem tókst að halda flokknum saman, þ.á.m í
hinu stórpólitiska hitamáli sem Evrópumálin eru. Nú nýtur
hans ekki lengur við, og flokkurinn er kominn í ríkisstjórnar-
samstarf við mjög ESB-sinnaðan flokk. Stjórnarsamstarf sem
haglega getur leitt til alvarlegs klofnings innan Sjálfstæðis-
flokksins. - Þá yrði markmiðum Ingibjargar Sólrúnar og félaga
náð.....................

Mótvægisaðgerðir. Ríkisstjórnin í fílabeinsturni

    Það er neyðarlegt fyrir Össur Skarphéðinsson ráðherra
byggðarmála, að daginn  eftir að hafa  miklast mjög af  
ágætum mótvægisaðgerðum ríkisstjórnarinnar í sjónvarpi, 
berast nú fréttir  af uppsögnum 100 starfsmanna í sjávar-
útvegsfyrirtækjum  á Eskifirði og  Þorlákshöfn. Hér er aðeins 
um að ræða  byrjunina á miklu  stærri og alvarlegri atburðar-
ás. Því það hlýtur hvert mannsbarn að skilja að eitthvað mjög
mikið  muni  láta undan, þegar þorskafli  dregst saman um 
hvorki meir né minna en 63 þúsund tonn milli ára. En nú mun
líka reyna á svokölluðu mótvægisaðgerðir ríkisstjórnarinar, og
opinberast endanlega fyrir alþjóð, hversu mikill blekkingarvefur
þær eru. Nú mun nefnilega koma berlega í ljós, að þær gagnast
EKKERT þeim aðilum sem mest verða fyrir áföllunum. Hvorki
sjómönnum, fiskvinnslufólki né útgerð. Þær einskorðast við
allt allt annað en að koma þessum aðilum til aðstoðar. Fólkið
á Eskifirði og Þorlákshöfn verður þar fyrst  til vitnisburðar.

   Það er sorglegt hvernig ráðvilltu sósíalistarnir í ríkisstjórn
Geirs  H Haarde hafa komið málum fyrir með fulltingi sjálfstæðis-
manna.......



  

Öryggissamvinna við Rússa

   Í frétt á Mbl.is kemur fram að Rússar hafi boðið varnarsanstarf
við Íslendinga, skömmu eftir að bandariski herinn yfirgaf Ísland
í fyrra. Þetta hafi verið haft eftir Birni Bjarnasyni dómsmálaráð-
herra í textavarpa norska sjónvarpsins NRK. Þar kemur einnig
fram að íslenzk yfirvöld hafi  ekki svarað boðinu þar sem ekki
er ljóst hvað í því felst.

  Á heimasíðu  Björns Bjarnasonar ber hann þetta til baka og
að ekki sé rétt eftir honum haft.  Sendiherra Rússa hafi komið
ákveðum skilaboðum til utanríkisráðuneytisins sem er með það
til skoðunar. Hins vegar segist Björn hlynntur samvinnu við Rússa
á sviðum öryggismála, og tiltekur sérstaklega siglingaleiðina úr
Barentshafi yfir á N-Atlanatshaf, en þær eiga eftir að aukast
mjög í framtíðinni vegna olíusiglinga.

   Vert er að taka undir með dómsmálaráðherra að auðvitað
eigum við að eiga gott samstarf við Rússa í öryggismálum.
Í raun þurfa allar þjóðir á norðurslóðum að eiga með sér
virkt og gott samstarf. Allt slíkt slær á alla óþarfa spennu
sem þar kann ella að myndast, því mikið  kapphlaup virðist
í uppsiglingu  vegna olíuvinnslu á Norðurpólnum. En hvers
vegna hefur ekkert orðið úr öryggissamvinnu við Rússa þegar
dómsmálaráðherra segist hlynntur því ? Stendur utanríkis-
ráðherra í vegi fyrir því ?

  Varðandi varnarmálin er það að segja að þar þurfa Íslendingar
að opna umræðuna miklu meir en gert hefur verið til þessa. Við
VERÐUM að átta okkur á að við erum ekki ÞIGGJENDUR  í þeim
málaflokki lengur.  Sem sjálfstæð og fullvalda þjóð VERÐUM við
að axla þar FULLA ábyrgð eins og aðrar þjóðir, þ.á.m á hinu
HERNAÐARLEGA sviði. - Þótt dómsmálaráðherra eigi hrós skilið
hvernig hann hefur unnið að þeim málum eftir brotthvarf banda-
riska hersins af Íslandi, á hann mjög takmarkaðan stuðning innan
núverandi ríkisstjórnar í dag. -  Þar fremstur fer sjálfur utan-
ríkisráðherrann, með vægast sagt barnarlegum hugmyndum 
sínum í öryggis- og varnarmálum Íslands. 

     Það er áhyggjuefnið í dag ..........

Íslenskuhystería

   Það er eins og að sumum sé ekkert heilagt. Ekki einu
sinni móðurmálið. Jafnvel menn úr stjórnmálum og presta-
stett eru orðnir haldnir íslenskuhysteríu. Skemmst er að
minnast hugmyndar varaformanns Samfylkingarinnar um
að gera ensku jafnréttháa íslensku í stjórnsýslunni. Og
hér á blogginu má sjá prest prédika gegn íslenzkri tungu
þar sem hún hamli gegn framgangi fjölmenningarsamfélag-
sins á Íslandi. Þegar alþjóðahyggjan er komin á það stig
að gerð er beinlínis aðför að þjóðtungu Íslendinga er hún
klárlega komin út í miklar öfgar, svo ekki sé meira sagt.
Því það er nefnilega ekki síður hægt að gerast ÖFGASINN-
AÐUR alþjóðasinni  eins og  öfgasinnaður þjóðernissinni.

   Ísland án íslenskrar tungu verður ALDREI Ísland. Því er
hér með skorað á Alþingi Íslendinga, að gera það af
sínum fyrstu verkum að LÖGFESTA  íslenskuna sem
RÍKISTUNGUMÁL á Íslandi, bundið í stjórnarskrá. Og
þótt fyrr hefði verið !

   Þegar bein AÐFÖR að íslenskri tungu er gerð með jafn
ósvifnum hætti og við höfum verið vitni að nú að undan-
förnu af öfgafullum and-íslenskum öflum, VERÐUR að
bregðast strax við með viðeigandi hætti.........

   

Hafa kratar komið í veg fyrir stofnun varaliðs ?

  RÚV fjallaði í hádegisfréttum um öryggis- og varnarmál,
hvað fyrrverandi ríkisstjórn hefði ákveðið í þeim efnum
eftir brotthvarfs USA-hers frá Íslandi, og hvað af því
hefði verið framkvæmt. Í þeirri upptalningu sem vakti
athygli og sem ekki hefur verið framkvæmt var að enginn
samráðsvettvangur allra stjórnmálaflokka hefur verið
stofnaður. Og svo hitt, að hvergi bólar á stofnun varaliðs,
en embætti ríkislögreglustjóra lagði til að í varaliðinu yrði
a.m.k 240  menn. Ekkert hefur heyrst frá  varaliðinu síðan.

   Þegar umræðan um varaliðið komst á dagskrá áður en
núverandi ríkisstjórn var mynduð, hrópuðu vinstrisinnaðir
stjórnarandstæðingar, og sáu varaliðinu öllu til foráttu.
Fremsur þar í flokki fór þar Össir nokkur Skarphéðinsson.
Því hlýtur sú spurning að vakna hvort kratar hafi komið í
veg fyrir stofnun varaliðsins? Því það væri þá í meiriháttar
samræmi við svo ótal margt annað sem krataflokkurinn á
Íslandi kemst upp með þessa dagana, í skjóli mjög veik-
burðrar forystu Sjálfstæðisflokksins.

   

Kemur tvítyngd stjórnsýsla krata á óvart ?

   Varaformaður Samfylkingarinnar Ágúst Ólafur Ágústsson
hefur sett fram þá kenningu að taka beri upp tvítyngda
stjórnsýsla á Íslandi, með enskri og íslenskri tungu, jafn-
réttháa hvor annari, til að þóknast betur erlendu auðvaldi. 
Margir hafa réttilega undrast slíka hugmynd, enda í eðli 
sínu stórfurðuleg. En þarf hún nokkuð að koma svo á óvart?  
Hvað er krötum heilagt þegar ÍSLENZK TILVERA er annars
vegar?
 
  Í þessu sambandi má minna á að einu efasemdaraddirnar
sem komu fram um stofnun lýðveldis á Íslandi 1944 komu
úr röðum krata. Þess vegna er barátta þeirra t.d fyrir inn-
göngu Íslands í Evrópusambandið  afar skiljanleg, með til-
heyrandi fullveldis- og þjóðfrelsisskerðingu. Í ljósi alls þessa
ber að skoða furðuhugmyndir Ágústar Ólafar um nánast af-
tengingu íslenzkrar tungu á Íslandi.

    Að lokum, talandi um kratiska hagræðingu í íslenzku sam-
félagi, má minna á að í vetur kom út hugverk, en höfundur
þess tengist mjög varaformanni Samfylkingarinnar. Þar var
þeirri ,,snjöllu" hugmynd komið á framfæri, að það  yrði mjög 
mikil samfélagsleg  hagræðing í því að flytja inn um þrjár mill-
jónir útlendinga. Ísland væri það stórt og gjöfult, að slíkur
mannfjöldi yrði þar  mjög æskilegur. -

  Menn geta svo velt fyrir sér hvað yrði um íslenzka tungu og
ÍSLENZKA TILVERU ef slík ,,stórfengleg" kratisk áform yrðu að
veruleika...........

Forsetaembættið tekur afstöðu í umdeildu pólitísku máli

   Forsetaembættið á að vera yfir hafið allt pólitískt dægurþras.
Enda líta margir á forsetann sem sameiningartákn þjóðarinnar.
Þess vegna finnst mörgum það aðfinnsluvert hvernig forseta-
embættinu er nú beitt í baráttunni fyrir inngöngu Íslands í
Öryggisráð S.Þ. Því málið er mjög pólitískt og umdeilt meðal
þjóðarinnar.

   Fram kemur í Mbl. í dag  að í vikunni verði aukinn kraftur
settur í kosningabaráttu Íslands fyrir inngöngu í Öryggis-
ráðið. Utanríkisráðherra mun hitta 25 starfsbræður sína
í New York í þessum tilgangi, og forseti Íslands mun eiga
fund með ýmsum þjóðarleiðtogum  þar í borg til að kynna
þeim framboðið. Jafnvel umhverfisráðherra mun beita sér
þar ytra í málinu.

   Sem fyrr segir er málið afar umdeilt, enda óvissa mikil
um hvort Ísland nái kjöri, og kostnaður við framboðið er
mjög mikill. Ábatinn virðist afar lítill eða enginn fyrir hinn
almenna Íslending, nema þá að fullnægja vissri tegund
hégómagirndar fárra stjórnmála- og embættismanna.
Talað hefur verið um að kostnaður við þetta geti numið 
allt að milljarði króna, þegar allur óbeinn kostnaður verður
reiknaður. Slíkum fjármunum væri betur borgið til þarfari
og brýnni verkefna innanlands. Ekki síst til okkar eigin
öryggismála, en þar eru risavaxinn verkefni óleyst í gjör-
breyttri stöðu eftir brotthvarf bandariska hersins frá Íslandi, 
s.s uppbyggingu varðskipaflotans, svo dæmi sé tekið.  - 

   Þetta mál er og verður skandall !