Ingibjörg Sólrún: Stjórnarsáttmálinn útilokar EKKI aðildarumsókn !

  Utanríkisráðherra fullyrti á stöð 2 í kvöld, að EKKI sé kveðið
upp úr um það í stjórnarsáttmálanum  að ekki verði sótt um
aðild að  Evrópusambandinu á kjörtímabilinu. Þetta er þvert
á það sem margir sjálfstæðismenn hafa haldið fram. Túlkun
utanríkisráðherra er afgerandi. Og sú túlkun hlýtur að vega
mjög þungt í ljósi þess við hvaða aðstæður sú túlkun er sögð.
Hún er nefnilega sögð við þær aðstæður að utanríkisráðherra
er nýkomin frá höfuðstöðvum ESB í Brussel. Þar hitti ráðherra
þá lykilmenn  sem koma til með að fara með aðildarumsókn Ís-
lendinga. Þeir eru Joe Borg framkvæmdastjóri sjávarútvegs-
mála og Olli Rehn framkvæmdastjóri stækkunarmála.

  Skv. þessu er aðildarferlið að Evrópusambandinu komið á
fulla ferð. Oli Rehn sem Ingibjörg Sólrún ræddi við, sagði við
þýzkt dagblað í sumar  að aðild Íslands yrði afgreidd með
hraði, enda væri hægt að ljúka samningarviðræðunum á
stuttum tíma. Og með ummælum sínum nú bendir utanríkis-
ráðherra á að stjórnarsáttmálinn útiloki EKKERT í því efnum.

  Það er alveg ljóst hvert stefnir í Evrópumálum. Eftir að
Sjálfstæðisflokkurinn tók þá ákvörðun að mynda ríkisstjórn
þar sem helmingur ráðherra eru eldheitir ESB-sinnar lá
ljóst fyrir hvernt stefndi. Ekki síst þar sem utanríkisráð-
herraembættið kom ESB-sinnum í hlut með nánast frjálsar
hendur hvað Evrópumálin varðar. Og ekki lætur hinn ESB-
sinnaði viðskiptaráðherra sitt eftir liggja í þeim efnum. 
Upptaka evru er hans helsta hugarfóstur þessa dagana
jafnframt því að tala niður þjóðargjaldmiðilinn. 

  Hausverkur þeirra sjálfstæðismanna sem hingað til hafa
verið andvigir aðild Íslands að ESB hlýtur því að vera mikill
þessa dagana. Nema að kratar hafi smitað þá svo með
ESB-vírusnum að þeir séu óðum að taka veikina líka..

   

Þjóðverjum mislíkar tvískinnungur Frakka

  Skv. frétt í þýzka tímaritinu Spiegel eru Þjóðverjar andvígir
tillögum Frakka um að Evrópusambandið gripi til refsiaðgerða
gegn Íran, náist ekki samkomulag um ályktunartillögu um
frekari refsiaðgerðir gegn Írönum á fundum stórveldanna
fimm í öryggisráðinu og Þýzkalands á næstunni. Og ástæðan?
Jú, Þjóðverjar hafa komist að því að ekkert hafi dregið úr
viðskiptum Frakka við Írani, þrátt fyrir refsiaðgerðir. Utan-
ríkisráðherra Þýzkalands ætlar  í næstu viku að birta upp-
lýsingar um þetta.

  Þetta sýnir enn og aftur að það eru hinir stóru og öflugu
sem ráða Evrópusambandinu, og eru Þjóðverjar þar frem-
stir. Þjóðverjar hafa á undanförnum árum gert sig gildandi
á hinum pólitíska alþjóðalega vettvangi, og er það vel.
Þýzkaland er að eflast mjög af innri styrk, efnahagsbatinn
er mikill og horfur þar góðar. Þýzkaland á því eftir að beita
sér á vettvangi heimsmálanna í framtíðinni mun meir en
hingað til. - Þess vegna er það svo mikilvægt að Ísland
styrki sín pólitísku tengsl við Þýzkaland á næstunni. Þau
tengsl hafa ætíð verið mjög góð, en þau má bæta enn
frekar, s.s á sviði öryggis-og varnarmála..........

Hræsni Ingibjargar Sólrúnar

  Á sama tíma og Ingibjörg Sólrún talar fyrir sameign
þjóðarinnar á sínum auðlindum á flokksstjórnarfundi
Samfylkingarinnar í dag, vill hún koma aðal auðlind
þjóðarinnar,  fiskinum í sjónum umhverfis Ísland á
opinn erlendan uppboðsmarkað með aðild Íslands að
Evrópusambandinu. Þar með gætu allir aðilar innan
ESB komist yfir hinn dýrmæta  fiskveiðikvóta í íslenzkri
fiskveiðilögsögu, og virðisaukinn af honum myndi með
tíð og tíma  þannig hverfa úr íslenzku hagkverfi.
 
  Hvernig er hægt að taka mark á stjórnmálamanni eins
og Ingibjörgu Sólrúnu, þegar hún þýkist tala fyrir sam-
eign þjóðarinnar á sínum auðlindum, en er á sama tíma
tílbúin til að fórna aðal auðlindinni í hendur útlendinga?

  Fólk með svona pólitíska hræsni á ekki að vera í stjórn-
málum, og því síður að axla þar mikla ábyrgð !

  
 

Framsókn á þjóðlegum nótum

  Í Blaðinu í dag er athyglisvert viðtal við Guðna Ágústsson
formann Framsóknarflokksins. Ef Framsóknarflokkurinn
fær tækifæri til að skapa sér nýja ímynd í íslenzkum
stjórnmálum á grunvelli þjóðlegra viðhorfa á hann mikla
framtíð fyrir sér í íslenzkum stjórnmálum. Því átakalínurnar
þar munu í framtíðinni snúast um stöðu Íslands á alþjóða-
vettvangi og þess hvernig íslenskri þjóðmenningu reiðir
af í hinum mikla ólgusjó alþjóðavæðingar og í mörgum til-
fellum öfgasinnaðri  alþjóðahyggju.

  Í viðtalinu segir Guðni réttilega ,, að  menn verða að átta
sig á því að íslenzkan er grundvöllur samfélags okkar.
Hinir auðugu og öflugu eiga að tala af VIRÐINGU um ís-
lenzkuna. EF ÍSLENZKAN DEYR ÞÁ DEYR ÍSLAND EINNIG".

   Þarna kemur formaður Framsóknarflokksins inn á sjálfa
tilveru íslenzkrar þjóðar. Ef íslenzkan hverfur, hverfur um
leið hin íslenzka þjóðmenning. Heimsmenningin yrði fyrir
það fátækari en áður, því mikilvægt er einmitt fyrir alla
heimsmenninguna að sérhver þjóð rækti sína menningu
og þjóðtungu. Þarna gefst Framsóknarflokknum tæki-
færi tl að skapa sér sérstöðu, sem málsvari íslenzkrar
þjóðmenningar og tungu. Í því sambandi á flokkurinn
að berjast fyrir því að íslenzkan verði  lögfest í stjórnar-
skrá sem ríkismál á Íslandi.

   Þá vek formaðurinn hreinskilningslega að átökunum
innan flokksins varðandi Evrópumálin á liðnum árum.
Ljóst er að þau stórsköðuðu flokkinn, en Halldór Ásgríms-
son beitti sér mjög hart fyrir því að flokkurinn gerðist máls-
vari  fyrir því að Ísland gengi í ESB og tæki upp evru. Þetta
varð til þess að flokkurinn beið mesta ósigur sinn í 90 ára
sögu sinni. Enda segir Guðni í viðtalinu, ,,að saga Fram-
sóknarflokksins er þannig að það hlaut að reyna á innviði
flokksins að ætla með hið frjálsa Ísland inn í Evrópusam-
bandið, það gat aldrei orðið stefna flokksins eins og kom
á daginn".
  
   Ljóst er að ESB-sinnar voru og eru litill minnihlutahópur
innan Framsóknarflokksins, en gat athafnað sig óeðlilega
í skjóli  Halldórs Ásgrímssonar. Spurning hvort slíkur hópur
eigi ekki miklu fremur heima í Samfylkingunni. Því ekki er
þörf á tveim krataflokkum í máli þessu í dag. Hins vegar er
ljóst, að t.d innan Sjálfstæðisflokksins eru orðnar mjög 
skiptar skoðanir í Evrópumálum, og spurning er hvenær
upp úr síður þar á bæ og flokkurinn hreinlega klofni.
Þarna á Framsóknarflokkurinn gifurlegt sóknarfæri sem
þjóðlegt pólitískt afl sem hafni alfarið hugmyndinnu um
aðild Íslands að Evrópusambandu. Ef viðhorf Guðna ná
fram að ganga innan flokksins sem allt bendir til, mun
Framsóknarflokkurinn skjótt rísa upp og verða aftur
annar stærsti flokkur þjóðarinnar.  Ekki síst ef flokkurinn
takist líka  að móta nýja stefnu í sjávarútvegsmálum, þar
sem núverandi kvótakerfi er hafnað, og eignarréttur þjóð-
arinnar á fiskauðlindinni lögfestur með skýrum hætti  í
stjórnarskrá.
 
    Það eru því spennandi tímar framundan hjá Guðna og
Framsókn. Ekki síst ef Framsókn verður á þjóðlegum
nótum, eins og uppruni hennar kallar í raun á, Íslandi
og íslenzkri þjóð til heilla í dag og í framtíðinni....

Hvers vegna er íslenzkan ekki lögvarin ríkismál á Íslandi ?

   Það er furðulegt að einn helsti grunnstólpi íslenskrar
tilveru og íslenskrar menningar, tungan sjálf, skuli ekki
vera lögvarin sem ríkismál á Íslandi. Hvers vegna er
þjóðtungan ekki lögvarin í sjálfri stjórnarskránni ?
Frumvarp þess efnis var flutt á síðasta þingi en dagaði
uppi. Hafi verið ástæða til að flytja slíka tillögu þá og sam-
þykkja, er þörfin ennþá brýnni nú. Ekki síst í ljósi þeirrar
umræðu sem fram hefur farið síðustu daga um stöðu og
hlutverk íslenzkrar tungu í  íslenzku samfélagi.

   Íslenzk tunga er fjöregg íslenskrar tilveru. Hún á því
alls ekki að vera nein söluvara á Íslandi, og því síður
þar merkt einhverjum afsláttarmiðum. - Því á það að
verða eitt af fyrstu málum komandi þings að lögfesta
íslenzka tungu sem ríkismál á Íslandi..........

Guðni Ágústsson ver krónuna

   Það er alltaf mikill kostur þegar stjórnmálamenn koma fram og
tala hreint út um hlutina. Það gerir Guðni Ágústsson formaður
Framsóknarflokksins í Blaðinu í dag. Þar gagnrýnir hann réttilega
viðskiptaráðherra fyrir að verja ekki krónuna, og segir það graf-
alvarlegt mál að viðskiptaráðherra  ,,skuli vera í bóndabeygju
hjá bankakerfinu, sem óttist fall krónunnar og sitt eigið gengis-
tap. "  Guðni bendir einnig réttilega á að innganga í ESB og upp-
töku  evru sé margra ára ferli sem bjargar ekki íslenzku efnahags-
kerfi út úr því þennsluástandi sem nú ríkir.

   Formaður Framsóknarflokksins á hrós skilið að tala hér tæpi-
tungulaust um jafn mikilvægt mál og  hvort við eigum að kasta
okkar þjóðargjaldmiðli eða ekki.  Að taka upp evru án þess að
ganga í ESB er rugl. Hins vegar væri það mun málefnalegri
afstaða þeirra sem eru á  móti fljótandi gengi í dag eins og
krónan hefur verið síðustu ár, að binda hana við ákveðinn
gjaldmiðil, með ákveðum frávikum (t.d 5%) til eða frá. Með því
gæfist  kostur á að íslenzkt hagkerfi og samfélag aðlagaði
sig slíku föstu gengi, sem t.d upptaka evru myndi þýða.
Kosturinn við slíka bindingu er sá, að hana má alltaf breyta
eða afnema, ef mál þróast á verri veg, sem ekki væri hægt
tækum við upp erlendan gjaldmiðil eins og evru.

  Hvers vegna tala menn ekki fremur fyrir þeim kosti en þeim
að kasta krónunni og taka upp evru?  Því sá kostur gætum
við framkvæmt strax í dag !

Svartfjallaland og Rúmenía ?

   Forsætisráðherra er í heimsókn í Svartfjallalandi og
forsetinn á leið til Rúmeníu. Við sauðsvarti almúginn á
væntanlega enga skoðun að hafa á því. Hvers vegna
Svartfjallaland og hvers vegna Rúmenía vigta svona
rosa þungt þessa dagana í íslenzka lýðveldinu að þörf
sé á  að senda sjálfan forsetann og forsætisráðherrann
þangað?  Jafnvel með fríðu föruneyti? Með nokkra daga
millibili ?

  Spyr einn sauðsvartur sem alls ekki veit , - og því
síður skilur..........

Vonandi vel búið og vopnað varðskip

   Á Vísir.is er sagt frá því að ekki fáist upplýsingar hvernig
hið nýja íslenska varðskip sem er í smiðum verði vopnum
búið. Landhelgisgæslan neiti að upplýsa það, þótt á netinu
sé hægt að fá upplýsingar um t.d hvernig öflugustu herskip
Bandaríkjanna, Breta Frakka og Rússa séu vopnuð.

  Aðalatriðið er að þetta nýja öfluga varðskip verði vel búið
öllum tækjum og vopnum sem völ er á. Ekki síst í ljósi gjör-
breyttra aðstæðna í varnar-og öryggismálum þjóðarinnar.
Landhelgisgæslan mun þróast í það að sinna líka varnar-
málum þjóðarinnar á næstu misserum og árum. Hún mun
því ekki bara þjóna borgaralegum verkefnum í framtíðinni.
Það er kominn tími til að þjóðin fari að ræða sín öryggis-
og varnarmál á opinskáan og vitrænan hátt eins og
sjálfstæðri þjóð sæmir. 

  

Uggvænleg þróun

   Hópur danskra múslíma lítur á sig sem liðsmenn
alþjóðlegra hryðjuverkasamtaka skv. frétt á Mbl.is.
Þetta er uggvænleg þróun. Danska leyniþjónustan
segir mörg dæmi um að ungir múslimar í Danmörku
sæki þjálfun í þjálfunarbúðir herskárra múslíma.
Miðstöðvar slíkrar starfsemi séu ekki bara moskur,
því einn þeira handteknu í Kaupmannahöfn fyrir
skömmu sem var að skipuleggja hryðjuverkaárás í
landinu sótti þjálfun til Pakistans.

  Í frétinni kemur fram að í flestum tilfellum sé um að
ræða menn á aldrinum 16-25 ára fædda og uppalda
í Danmörku, sem komist í kynni við róttæka íslamista
og hugmyndarfræði þeirra.

   Það er ótrúlegur hugarheimur sem maður skilur alls
ekki, að vlja tortíma því þjóðfélagi sem maður er fæddur 
og uppalinn  í,  á eins hrottafenginn hátt eins og þessir
íslömsku terróistar stefna og vinna að. 

  Hvað er  til  ráða ?

Gott að vera hægra megin við miðju

  Skv. stórri könnun sem gerð var við Michigan-háskóla og
sem náði til hundrað þúsund einstaklinga víða um heim,
kemur fram að samhengi er milli pólitískrar meðvitundar
fólks og hamingju þess.  Því lengra sem menn eru til vinstri
við miðjuna á pólitísikum skala, því óhamingjusamari eru
þeir. Eyjan.is segir frá þessu í dag og hefur eftir Netavisien
180 grader.

   Sagt er að fjölmargir evrópskir visindamenn hafi fylgt
rannsókninni eftir og skoðað niðurstöðunar og segja allt
benda til að hamingjan búi hægra megin við miðju.

  Þetta kemur alls ekki á óvart. Sjáum hversu fólk hefur
nær allt á hornum sér því lengra sem það fer til vinstri.
Gleggst eru vinstrisinnaðir róttæklingar sem vegra sér
ekki við  að þverbrjóra lög og reglur og fremja jafnvel
skemmdarverk ef því er að skipta. Augljósasta dæmið
var framganga svokallaða Saving-Iceland í sumar, með
velþóknun ótrúlegra magra sem kenna sig við vinstri.
Þessu fólki sem svona hagar sér hlýtur að líða eitthvað
mjög illa.

  Samkvæmt þessu má getum  að því leiða að það hafi
verið mikil mistök hjá Sjálfstæðisflokknum í vor að mynda
ekki frekar mið/hægri sinnaða stjórn á borgaralegum
grunni, heldur en  að leiða til vegs og virðingar mismikla
pólitíska fýlupoka til vinstri í íslenzkum stjórnmálum.  
Vonandi að það leiði ekki til varanlegs þunglyndis meðal
þjóðarinnar þegar frá líður, og gerir þannig verðugt átak 
okkar ágæta heilbrigðisráðherra í bættri heilsu þjóðarinnar
að engu.......