Vinstri Grænir óska eftir fundi

   Vinstri grænir hafa óskað eftir fundi í utanríkismálanefnd.
Þar vilja Vinstri grænir ræða m.a ákvörðun Nato að koma að
loftvörnum Íslands, og fyrirhugaðar heræfingar Nato á Íslandi
í næsta mánuði.

   Vonandi að formaður utanríkismálanefndar bregðist seint
og illa við þessari beiðni. Vinstri-grænir hafa uppi vítaverða
afstöðu til öryggis-og varnarmála þjóðarinnar, þannig að
engin ástæða er til að hlaupa til handa og fóta um funda-
höld um slík málefni vegna óska þeirra.

  Ábyrgðarleysi Vinstri-grænna gagnvart öryggismálum
þjóðarinnar á ekkert sér líkt í hinni víðri veröld. Hvergi
er vitað um stjórnmálaafl sem vill þjóð sína ALGJÖRLEGA
berskjaldaða og varnarlausa í hinum viðsjárverða heimi.
eins og Vinstri-græna. HVERGI !

   Á sama tíma styðja stuðningsmenn Vinstri-græna allskyns
óþjóðalýð sem veður inn í landið, og þverbrýtur lög og 
reglur, og ástundar allskyns skemmdarverk og anarkista-
aðgerðir og tilburði.

   Eins ábyrgðarlaust stjórnmálaafl og Vinstri-grænir eru,
hafa þeir fyrirgert öllu því að á þá sé hlustað !  Ekki síst
í öryggis-og varnarmálum......

Þjóðverjar komi að loftvörnum Íslands

   Eftir að NATÓ hefur nú samþykkt að koma að eftirliti
með lofthelgi Íslands, á eftir að útfæra það eftirlit nánar,
og ákveða hvaða Nató-ríki komi þar að máli. Fyrir liggur
að bæði Norðmenn og Danir eru reiðubúnir að taka ríkan
þátt í vörnum Íslands, þá hafa Kanadamenn sýnt auknu
varnarsamstarfi við Ísland áhuga. Í maí s.l fóru fram við-
ræður við Þjóðverja, en þeir hafa sýnt mikinn áhuga að
koma að loftvörnum Íslands. Sú staðreynd, að Þjóðverjar
eru sú Nató-þjóð sem næst mest notaði Keflavíkurflugvöll  
til millilendinga fyrir þýzkar herflugvélar, fyrir  brottför
bandariska hersins, hlýtur að vega mjög þungt nú þegar 
valið kemur að því hvaða þjóðir munu taka þátt í eftirliti
NATÓ með lofthelgi Íslands.

   Þjóðverjar eru í dag eitt öflugasta herveldi NATÓ og
forysturíki innan ESB. Ævaforn vinátta og sterk menn-
ingarleg tengsl Íslendinga og Þjóðverja er staðreynd,
en  þau tengsl þurfa að STYRKJAST ENN FREKAR, ekki
síst á hinu pólitíska sviði. - Aðkoma Þjóðverja að loft-
vörnum Ísland yrði mikilvægt skref í þá átt.!

Tvískinnungur Össurar

   Á sama tíma sem Össur Skarphéðinsson iðnaðarráðherra
tilkynnti á dögunum  tugmilljóna króna í forrannsóknir vegna
olíuleitar fyrir norðan  land,  sér hann allt til foráttu um 
könnun á byggingu olíuhreinsunarstöðvar á Vestfjörðum.

   Mengunarástæðan sem Össur gefur sér vegna olíuhreins-
unarstöðvarinnar virðist því ekki gilda  gagnvart sjálfri
olíuvinnslunni norðan við landið.  Tviskinnungurinn  er algör
eins og allir sjá, og spurning hvort ráðherra fari ekki að
leita sér lækninga við honum. - Því hann á við svo mörg
önnur mál hjá ráðherra  þessa dagana.

Rettmætar spurningar leiðara Morgunblaðsins

   Leiðari Morgunblaðsins spyr í dag ,,hver sé afstaða Íslands
til þess sem er að gerast í Afganistan? Hver er afstaða ríkis-
stjórnar Íslands til þess ef fyrirsjáanlegt er að viðvera Atlants-
hafsbandalagsins verður lengri en skemur í landinu?  Hefur
ríkisstjórnin skoðun á því? Á hún ekki að hafa skoðun á því?

  Þá segir í leiðara Mbl að ,,framvinda mála í Afganistan kemur
okkur Íslendingum beint við af tveimur ástæðum. Í fyrsta lagi
berum við ábyrgð á veru hersveita Atlantshafsbandalagsins
í Afganistan vegna þess að við sem eitt af aðildaríkjum banda-
lagsins tókum þátt í þeirri örlagaríku ákvörðun að senda her-
sveitir undir merkjum bandalagsins þangað. Í öðru lagi skiptir
þróunin í Afganistan okkur máli vegna þess að Íslendingar eru
þar á ferð. Ástandið í landinu versnar stöðugt og þar með auk-
ast líkurnar á því að Íslendingar snúi ekki allir heim heilu  og
höldnu."..

   Sannleikurinn er sá að klúðrið í Afganistan er orðið það sama
og klúðrið í Írak, nema það að Bandaríkjamönnum tókst að
þvæla Nató með óskiljanlegum hætti í fúafenið í Aftganistan.
Því NATÓ var og er eingöngu hugsað fyrst og fremst sem
varnarbandalag ríkja við N-Atlantshaf, en ekki sem nein heims-
lögregla til stuðnings bandariskri heimsyfirráðastefnu. Ísland á
því að kalla allt sitt fólk til baka frá Afganistan þegar í stað, og
senda þar með skýr skilaboð út hvernig Ísland lítur á málin.
Við erum smáþjóð, sem stöndum frammi fyrir miklu átaki til að
byggja upp okkar eigin varnir-og öryggismál í kjölfar brotthvarfs
bandariska hersins. Við þurfum á okkar öllum fjármunum og mann-
skap að halda við þá uppbyggingu, sem flestar aðildarþjóðir Nató
myndu skilja.

   Aðkoma fyrrverandi ríkisstjórnar gagnvart Írak var röng. Nú
er komin upp sú staða að aðkoma Íslands og Nató að stríðinu
í Afganistans var líka röng. Fúafenið þarna fyrir austan er algjört,
og engin teikn eru á lofti um að það breytist í náinni framtíð,
heldur þvert á móti versni. - Því á Ísland að hverfa frá fúafeninu 
í Afganistan!

   Það eiga að vera svör ríkisstjórnarinnar við spurningum leiðara
Morgunblaðsins í dag.

Frjálslyndir agnúast út í Nato-samkomulagið

    Frjálslyndir virðast hafa förlast sýn vegna allt of náinna 
tengsla við Vinstri-græna í stjórnarandstöðu gegnum árin.
Vitað var að rottæklingarnir í VG sem vilja Ísland eitt ríkja
heims berskjaldað og varnarlaust,  myndu sjá Nato-sam-
komulaginu um loftvarnir Íslands allt til foráttu. - Hins vegar
kemur verulega á óvart að Frjálslyndir sem skilgreint hafa
sig fremur til hægri en vinstri, skulu nánast taka undir hina
ábyrgðarlausu vinstrimennsku hjá VG varðandi aðkomu NATO
að loftvörnum Íslands.  Tyggja nánast sömu tugguna og
hinir afdönkuðu sósíalistar í Vinstri-grænum.

  Auðvitað ber að fagna þessu samkomulagi sem nú liggur
fyrir. Valgerður Sverrisdóttir, fyrrverandi utanríkisráðherra
segir við Fréttablaðið í dag  að ,,þetta er í takt við það sem
lagt var upp með í minni tíð sem utanríkisráðherra og ég
er ánægð með það að málið er í höfn."

  Hér er einungis um lágmarks loftvarnareftirlit að ræða sem
herflugvélar Nato muni annast. Ekkert fullvalda ríki alla
vega á Vesturhveli jarðar telur sig ekki þurfa að verja
sína lofthelgi. Vinstri-stjórnin í Noregi með systurflokk VG
þar innanborðs ætlar á næstunni að endurnýja allan sinn
herflugflota, og svo má lengi telja. Þannig að afstaða
Frjálslyndra sem kom fram hjá Jóni Magnússyni í fréttum
í kvöld er óskiljanleg.

   Afstaða Valgerðar Sverrisdóttir var hins vegar ábyrg og
skýr, sem vonandi er vísbending um að samvinna eða samráð
Framsóknarflokksins við Vinstri-græna í stjórnarandstöðu
verði sem minnst, helst engin á kjörtímabilinu.  Vinstri-grænir
eru slíkur öfgaflokkur, eins og mörg dæmi sanna síðustu
misseri, að þjóðleg-og lýðræðisleg öfl eiga ekkert við slíkan
flokk að sælda.

Pólitísk tengslatilviljun?

    Það er afar freistandi að álykta að bein pólitísk
tengsl skuli vera milli Vinstri-grænna og ,,Saving
Iceland" annars vegar og þýzkra rókttæklinga og
Die Linke annars vegar. Á sama tíma og fréttir
berast frá Berlín í dag  um að þýzkir róttæklingar
hafi lýst stríði á hendur eigendum jeppa og stórra
lúxusbíla,  með tilheyrandi skemmdarverkum, þá
skuli fulltrúi Vinstri grænna sem einmitt  var í Berlín  
fyrr í sumar á stofnfundi þýzkra róttæklinga Die
Linke, skrifa  á blogg sitt í  dag meiriháttar hrós og 
lof um svokallaða umhverfisvæna bíla í Sviss. 
Sá hinn sami hefur hvað eftir annað stutt aðgerðir
,,Saving Iceland"......

  Skyldi þetta nú allt vera tiviljun? -

   

Ánægjuleg ákvörðun NATO !

    Sú ákvörðun Fastaráðs Atlantshafsbandalagsins
(NATO) að samþykkja eftirlit með íslenzku lofthelginni
er afar ánægjuleg. Ákvörðunin byggist á því að frá
NATO-ríkjum koma hingað herþotur a.m.k ársfjórð-
ungslega, og hafa hér viðveru til eftirlits og æfinga.
Ein af megin forsendum þessa eftirlits er að íslenzku
ratsjárstöðvarnar verði reknar áfram tengt sameigin-
legu loftvarnarkerfi NATO. Allar líkur eru því á að
framtíð   íslenzka ratsjárkerfisins sé nú tryggt.

   Eftir er að ákveða hvaða Nato-ríki muni senda hingað
herflugvélar, en ýmiss ríki hafa sýnt því áhuga. Má þar
nefna frændþjóð okkar Norðmenn. Í maí s.l kom hingað
þýzk sendinefnd og lýsti áhuga á slíkum hlutum, en
þýzki flugherinn hefur gegnum árin haft hér mesta
viðkomu, áður en bandariski herinn hvarf á braut.
Vonandi að  hann verði þar á meðal !

   Varnir Íslands eru óðum að taka á sig jákvæðari mynd.
Engu að síður vantar míkið á að framlag okkar til öryggis-
og varnarmála Íslands sé fullnægjandi.
    

Páfagarður varar við sókn múslima

      Einkaritari Benedikts sextánda páfa varðaði í dag við
útbreiðslu íslamstrúar í Evrópu. Hann sagði við þýzka
blaðið Súddeutsche Zeitung að ,, það er ekki hægt að
neita því að verið er að reyna að útbreiða íslamstrú á
Vesturlöndum. Og við meigum ekki vera alltof blind
fyrir þeirri ógn sem þar með steðjar að sjálfsmynd
Evrópu. Kirkjan sér þetta greinilega og er ekki hrædd
við að segja það" sagði Georg Gánswein einkaritari
páfa.

    Þetta er mjög athyglisverð yfirlýsing og á eftir að
koma mörgum Vesturlandabúanum til að hugsa.
Líka okkur hér uppi á Íslandi.

   Benedikt sextándi er merkur páfi !

Hætta á öfgahópum fer vaxandi

    Í athyglisverðu viðtali við Jóhann R. Benediktsson
lögreglustjóra á suðurnesjum í DV í dag segir hann m.a
að ,,  öfgastefnum  er að vaxa fiskur um hrygg þar sem
aðallega er um að ræða trúarofstæki sem tengist íslömsk-
um öfgahópum en nátengdir því eru umhverfisöfgamenn
sem eru einn hópurinn sem sífellt verður ofstækisfyllri."

    Jóhannes segir að þótt  hryðjuverk séu ýktasta formið á
öfgastefnum sem enn séu í allnokkurri fjarlægð frá okkur í
dag, breytir það ekki því að öfgastefnur hafa fengið
aukinn byr í nágrannalöndum okkar eins og í Danmörku
og Noregi. Jóhannes segir að ,,það þýðir ekki að berja
höfðinu við steininn og halda því fram að eitthvað þessu
líkt geti ekki gerst hér á landi, því ef það er til staðar í
nágrannalöndum okkar og fer vaxandi, verður við að
taka því alvarlega og undirbúa okkur í samræmi við það".

    Þetta eru orð í tíma töluð og ber heilshugar að taka
undir þessi orð okkar fremsta sérfræðings í þessum
málum. Einmitt þessa dagana og vikur höfum við orðið
vitni af umhverfisöfgamönnum sem farið hafa um allar
trissur og gert allskonar óskunda, þverbrotið lög og
reglur  og unnið skemmdarverk undir öfugmælanafninu
,,Saving Iceland".  - Enginn veit hvaða ófögnuður getur
birtst næst. Þess vegna þurfum við á að halda öflugri
löggæslu, og setja aukið fjármagn til að stórefla hana
og sérstakar öryggissveitir í tengslum við þjóðaröryggi.
Það hefur vel verið unnað að þessum málum einkum
eftir brottför bandariska hersins. Björn Bjarnason hefur
þar unnið mjög gott starf og því vert að taka undir með
Jóhannesi  varðand uppbygginu öryggsmála í seinni
tíð. ,, Kraftur og áhugi Björns Bjarnasonar er mjög stór
þáttur í þeirri uppbyggingu sem orðið hefur hér á landi".

  En betur má ef duga skal. Helsta áhyggjuefnið varðandi
áframhaldandi efldar áherslur í öryggis- og varnarmálum
þjóðarinnar er sá, að nú er komið nýtt vinstrisinnað afl að
landsstjórninni, sem hingað til hefur verið úrtöluflokkur í
þessum málum eins og í svo mörgum öðrum.

Talað út og suður í Evrópumálum

      Í þættinum ÍSLANDI Í DAG, í gærkvöldi, sagði
viðskiptaráðherra Björgvinn G. Sigurðsson, þá
öfugmælavísu, að til að lækka matvöruverð
verulega, yrði Ísland að ganga í Evrópusambandið.
Þá sagði hann að krónan muni ekki gagnast okkur
öllu lengur, og því sé best að taka upp evru sem
fyrst samfara ESB-aðild . Hér er sjálfur ráðherra yfir
íslenzum viðskiptamálum sem talar, og það enga
tæpitungu. Þess vegna sáu stjórnendur þáttarins
Ísland í dag ástæðu til  að fá fulltrúa Sjálfstæðisflokk-
sins, Birgir Ármannsson í viðtal í kvöld, til að bera
þessi ummæli ráðherra undir hann. Birgir reyndi að
sjálfsögðu að gera lítið úr málinu, þetta væri persónu-
leg skoðun ráðherrans, en ekki ríkisstjórnarinnar. Birgir
sagðist vera ráðherranum óssammála. Talað er því út
og suður í Evrópumálum meðal ríkisstjórnarflokkana
í dag.

    Svona nokkuð gengur einfaldlega ekki þegar ráð-
herra lýsir skoðunum sem sögð eru að gangi þvert á
stefnu ríkisstjórnarinnar af öðrum ríkisstjórnarflokknum.
Það er út í hött þegar slíkt gerist í jafn miklu stórmáli  
og þvi, hvort Ísland skuli ganga í ESB eða ekki.  Annað 
hvort virða menn stjórnarsáttmála eða ekki. Allra síst
tala ráðherrar til hans með ögrandi hætti í tíma og ótíma
eins og hér virðist gert hjá viðskiptaráðherra.

   Hér  í upphafi við  myndun núverandi ríkisstjórnar, 
var varað við því að þáttarskil gætu orðið í Evrópumálum
þegar líða tæki á kjörtímabilið. Í því sambandi var vísað
til þess, að a.m.k helmingur ráðherraliðsins væri mjög  
svo hallur undir Evrópusambandsaðild. Þetta virðist allt 
ætla að ganga eftir. Dropinn holar steininn. Hinir ESB-
sinnuðu kratar virðast stöðugt sækja í sig veðrið,
eins og hin skýru ummæli viðskiptaráðherra sanna
í umræddu sjónvarpsviðtali í gær.