Viðbrögð Bjarna Harðarsonar skiljanleg

   Í DV í dag kemur fram að Bjarni Harðarson þingmaður
Framsóknarflokksins hafi sent þingmönnum og trúnaðar-
mönnum flokksins bréf, þar sem hann m.a gerir athuga-
semd við yfirlýsingu Valgerðar Sverrisdóttir vara-formanns
flokksins á Iðnþingi fyrir skömmu. Þar hvatti hún til aðildar 
að  Evrópusambandinu, upptöku evru, og sló hugmyndir
Bjarna og annara út af borðinu um að skoðaður yrði t.d
möguleiki á upptöku svissnesks franka.

   Í bréfinu tiltekur  Bjarni m.a  nokkur atriði í ræðu Valgerðar
sem hann lýsir sig algjörlega ósamála og telur Valgerði
vel geta hafa sleppt að minnast á án þess að ræðan missti
marks, enda væri ýmislegt í máli hennar fyrst og fremst til
þess fallið að auglýsa skoðanaágreining meðal framsóknar-
manna, segir í Dv. Þá minnir Bjarni réttilega á  ,,að á sama
tíma birtist könnun sem sýnir að fylgið við Evrópusambandið
er hvergi minna en í okkar flokki".

   Viðbrögð Bjarna Harðarsonar eru afar eðlileg og skiljanleg.
Yfirlýsing Valgerðar á Iðnþinginu í s.l viku er ekkert annað en
bein aðför að sitjandi formanni, viðhorfum hans í Evrópu-
málum, og raunar ÞVERT á flokkssamþykktir og stefnu flokk-
sins. Lofsöngur Björns Inga Hrafssonar um framtíðarsýn
Halldórs Ásgrímssonar um að Ísland yrði orðið aðildarríki
ESB 2012 og ummæli hans í Sílfri Egils um.s.l helgi bendir
sterklega til að atlagan að Guðna Ágússyni sé nú hafin, og
að öllu skuli nú tjaldað til að ESB-væða flokkinn fyrir fullt og
allt.

   Ljóst er að  deilur innan  flokksforystu  Framsóknarflokksins
í Evrópumálum hafa staðið  Framsóknarflokknum verulega fyrir
þrifum undanfarin ár, og átt stóran þátt í ósigri hans í síðustu
kosningum. ESB-daður Halldórs Ásgrímssonar stórskaðaði flokk-
inn, og flæmdi þúsundir þjóðhollra kjósenda frá flokknum.  Því
ekki má gleyma að hin klassiska framsóknarstefna hefur ætíð  
byggst á ÞJÓÐLEGUM VIÐHORFUM  allt  frá stofnun flokksins. 
ESB-kindli Halldórs virðist samt eiga að halda á lofti, og nú undir 
forystu  vara-formannsins. Allir sjá að slíkt gengur alls ekki lengur.
Niðurstaða VERÐUR því að fást í þetta stórpólitíska mál innan flokk-
sins, ef flokkurinn á að eiga nokkra möguleika á að ná sér á strik
aftur.  Því fyrr, þeim mun betra. Því gjörsamlega útilokað er að 
flokksforystan geti talað út og suður í svona pólititísku stórmáli 
öllu lengur...

   Valgerður og hinn fámenni ESB-hópur kringum hana  hafa nú
kallað á þetta uppgjör.

   Við því kalli hlýtur  að verða brugðist!

Baugur í stórpólitísk átök ?

   Á vefsíðu Viðskiptablaðsins í kvöld segir frá því að Jón
Ásgeir Jóhannesson stjórnarformaður Baugs hafi  sagt
í ræðu sinni á fundi íslenzka-Ameriska verslunarráðsins í
New York í gær, að Ísland verði bráðlega hluti af Evrópu-
sambandinu. Sagði hann að  trúverðugleiki Íslands myndi
aukast við það að Ísland yrði hluti af stærri heild en nú er.

  Hvað er hér á ferð? Ætlar ein stærsta viðskiptablokk Ís-
lands af fara að hella sér út í stjórnmál á Íslandi? Blanda
sér í eitt stórpólitíska mál í sögu lýðveldisins? Er það þá
að koma á daginn sem haldið var fram eftir kosningar að
Baugur hefði átt ríkan þátt í myndun núverandi ríkisstjórn-
ar? Svo ríkan að sumir kölluðu ríkisstjórnina Baugsstjórn!
Og að hin ESB-sinnaða Samfylking ætti að leika þar LYKIL-
HLUTVERK í því  að koma Íslandi inn í ESB!

   Það er alvarlegt  umhugsunarefni þegar stórir auðjöfrar
og viðskiptablokkir á við Baug og Jón Ásgeir ætla að blanda
sér í stórpólitísk hitamál á Íslandi með jafn  afgerandi hætti 
og frétt Viðskiptablaðsins gefur til kynna.

   Á hvaða leið er lýðræðið þá á Íslandi ?

   Spyr sá sem er hugsi!

Hefur Bush-liðið endanlega fríkað út ?

   Eins og kom fram í miðopnu Mbl í gær er stríðið í Írak
aðal orsakavaldur efnahagsöngþveitisins vestra. Hvorki
meir né minna en þemur billjónum dala(3.000.000.000.
000) eða þremur milljónum milljóna dala hafa farið í
hítina. Fjárhæð sem dyggði til að reka íslenzka ríkið  til
ársins 2362. 

   Verst er þá að efnahagsruglið  kringum Bush-stjórnina
er farið að valda alvarlegum efnahagsþrengingum víða
um heim. Spá hinir svörtsýnustu jafnvel heimskreppu.

      Alvarlegast er þó að stríðið í Írak var háð á KOLVIT-
LAUSUM forsendum sbr. síðustu fréttir vestra. Stendur
ekki steinn yfir steini hvað mástaðinn varðar.

     Hvernig í ósköpunum getur það  gerst að eitt ríkasta
og öflugasta ríki heims virðist nú  að brauðfótum komið?

    Og það undir hagfræðikenningum alræmdustu kapitalista
og frjálshyggjugaura ?

    Ríkiskassi Bandaríkjanna er ekki bara gal-tómur.  Hann
bullsýður af botnlausri skuldasúpu. 

   Já.  HVERNIG í ÓSKÖPUNUM GAT ÞETTA GERST ?

Hvíta húsið hvetur neytendur til dáða

Ríkisstjórnin. Sverfur til stáls vegna Helguvík?

    Að sjálfsögðu á að byggja álver í Helguvík. Að sjálfsögðu
á að byggja álver á Bakka við Húsavík. Já að  sjálfsögðu
eiga Íslendingar að nýta sínar orkulindir. Það er bara frum-
forsenda þess að hægt verði áfram að halda uppi góðum
lífskjörum á Íslandi. Ekki síst í dag, þar sem margar blikur
eru á lofti í efnahagsmálum, og allt bendir til alvarlegs sam-
dráttar á næstu mánuðum og misserum, ef ekki komi  til
sterk og virk innspýting í efnahagslífið. Ef einhvern tímann
væri þörf á slíkri innspytingu þá er það einmitt núna.  Þá
yrði erlend fjárfesting eins og yrði í Helguvík kærkomin
skilaboð inn í fjármálaheiminn, eitthvað sem ekki er vanþörf
á í dag.

   Helsti dragbíturinn á allt þetta er Samfylkingin og aftur-
haldsöm vinstrisjónarmið. Samfylkingin eins og Vinstri-grænir
halda peningana vaxa á trjánum  og allt gerist af sjálfu sér.
Í dag er álútflutningur að skila okkur jafnmiklu í þjóðarbúið
og útfluttar sjávaáfurðir. Menn geta rétt ímyndað sér kreppu-
ástandið í dag ef ekki hefði komið til þeirra álframleiðslu sem
við höfum í dag. Og horfur á stórhækkandi álverði fara vax-
andi dag frá degi, íslenszku þjóðarbúi til mikillar hagsældar.

   Samfylkingin ætlar sér augsjáanlega að koma í veg fyrir
álversuppbyggingu í Helguvík. Hún dregur lappirnar á öllum
sviðum hvað varðar styrkingu atvinnulífsins. Alvarlegast er
þó  ef  henni  á  að takast að  koma í  veg fyrir svokallaða
íslenska ákvæði varðandi Kyoto-samkomulagið. Ef við fáum
ekki framhald á því og aukningu er komið í veg fyrir að  Ís-
land hafi óskorað yfirráð yfir eigin orkulindum í framtíðinni
og nýtingu þeirra endurnýjanlegu orkulinda sem við höfum
yfir að ráða.  Það er kannski í takt við framtíðaráform  Sam-
fylkingarinnar að troða Íslandi áhrifalaust inn í ESB og af-
henda útlendingum okkar helstu auðlindir eins og fiski-
miðin.

   Ljóst er að mikill og alvarlegur ágreiningur er í ríkisstjórn-
inni í þessu miklvæga máli. Reyndar er ágreiningur í ríkis-
stjórninni í hverju stórmálinu á fætur öðru. Því er mjög
líklegt að í stórmálinu um byggingu álvers í Helguvík verði
loks látið sverfa til stáls í ríkisstjórninni.  Sjálfstæðisflokk-
urinn getur ekki lengur látið Samfylkinguna draga sig á
asnaeyrunum.

   Já. Það voru herfileg mistök að hleypa Samfylkingunni að
ríkisstjórnarborðinu s.l vor!

   Herfileg pólitísk mistök!

Framkvæmdaleyfi vegna Helguvíkurálvers afgreitt

Eru fordómum ísraela engin takmörk sett ?

    Væntanleg heimsókn Angelu Merkel kanslara Þýzkalands
til Ísreaels og ávarp hennar á ísraelska þinginu virðist valda
uppnámi í Ísreael. Hótar a.m.k einn þingmaður að yfirgefa
þingsalinn ef af því verður.

   Þetta leiðir enn og aftur hugann að því hversu Ísraelar
eru fordómafullir, langræknir, hefnigjarnir og árásagjarnir.

   Samskipti þeirra við sínu helstu nágranna talar þar sínu máli
í dag.

Reiði vegna væntanlegs ávarps Merkel á Ísraelsþingi

Framsókn geri upp Evrópumálin

   Það er alveg ljóst að Evrópumálin hafa reynst Framsókn
mjög erfið undanfarin ár. Evrópusambandssýn Halldórs
Ásgrímssonar fyrrv.formanns faldi fjölda flokksmanna og
stuðningsmanna frá flokknum. Því Framsóknarstefnan
hefur frá upphafi byggst á  þjóðlegum viðhorfum, þar sem
ÞJÓÐHYGGJAN var í öndvegi, eins og Jón Sigurðsson fyrrv.
formaður útskýrði svo vel fyrir síðustu kosningar. Evrópusýn
Halldórs þar sem Ísland yrði orðið aðili að ESB fyrir árið 2012
samrýmdist engan veginn hinni klassisku framsóknarstefnu.
Og þrátt  fyrir andstöðu  þáverandi vara-formanns  Guðna
Ágústssonar  við  Evrópusambandssýn Halldórs,  yfirgaf
fjöldi  kjósenda  flokkinn. Nær allt  ESB-andstæðingar, en
þangað sótti flokkurinn einmitt mest  sitt fylgi. Þeir treystu
einfaldlega ekki flokknum í Evrópumálum. Trúverðugleikinn
hafði beðið hnekki, og flokksímyndin sömuleiðis.

   Við brotthvarf Halldórs Ásgrímssonar úr stjórnmálum hefði
mátt ætla að Framsóknarflokkurinn nálgaðist hinn þjóðlega
uppruna sinn á ný og fyrrum stuðningsmenn kæmu til líðs
við flokkinn. Því miður virðist það ekki ætla að ganga eftir.
Hinn tiltölulegi fámenni hópur kringum Halldór og hans ESB-
draumsýn virðist ætla að halda kindli hans á lofti innan flokk-
sins. Fremstur  fer  þar vara-formaður  flokksins, Valgerður
Sverrisdóttir, auk fyrrverandi aðstoðarmaður Halldórs og fyrrv.
borgarfulltrúi, Björn Ingi Hrafsson.  Framganga Valgerðar á
Iðnþingi í síðustu viku þ.s hún lýsti yfir stuðningi við ESB-aðild
og upptöku evru,  og lofsöngur Björns Inga um ESB- draumsýn
Halldórs á bloggi sínu og Sílfri Egils um s.l helgi, er eins og
blaut vatnsgusa framan í sitjandi formann. Engum blandast
hugur um að nú er atlagan að Guðna Ágústssyni hafin.  Nú
skal látið kné fylgja kviði, ESB-andstæðignum Guðna velt af
stalli, og Framsókn ESB-vædd í eitt skipti fyrir öll. Eða eins
og Björn Ingi orðaði það. Það skyldi þó ekki vera að draum-
sýn Halldórs ætti eftir að rætast þrátt fyrir allt.

   Það er alveg ljóst að svona geta mál ekki gengið lengur
innan stjórnmálaflokks. Að tveir helstu forystumenn flokk-
sins tali með sitt hvorri tungunni út og suður í jafn miklu
pólitisku stórmáli og því hvort Ísland skuli ganga í ESB
eða ekki. Það hljóta allir að sjá. Ekki síst kjósendur. Enda
heldur fylgið enn áfram að minnka. Trúverðugleiki flokksins
og hin pólitíska ímynd hefur beðið alvarlegan skaða. 
Á því bera ESB-talsmenn innan flokksins alla ábyrgð.

   Ef takast á að byggja Framsóknarflokkinn upp á ný verður
að fara fram uppgjör innan flokksins í Evrópmálum. Enda  um
pólitískt stórmál á ferð. Um það verður ekki flúið. Og því fyrr
því betra. Ágreiningurinn er orðinn svo hrópandi á yfirborðinu.

  Framsóknarflokkurinn verður því að gera upp hug sinn í því 
hvernig flokkur hann vill verða. Framsækinn umbótaflokkur á
ÞJÓÐLEGUM grundvelli, eða ör-lítill ESB-flokkur við hliðina á
hinum  raunverulega ESB-flokki, Samfylkingunni.  Hvort verður
hlutskiptið?

   Um það snýst málið!

  Við kjósendur viljum fá við því skýr svör!

  Og það strax ! 

 

Óraunsæi Kaupþingsforstjóra kemur á óvart

    Sigurður Einarsson, forstjóri Kaupþings, segir á
ráðstefnu í Kaupmannahöfn  í dag, að líklegt sé að
Íslendingar taki upp nýja mynt innan 3 ára. Svona
yfirlýsing forstjóra Kaupþings kemur verulega á
óvart, svo ekki sé meira sagt. Í hvaða heimi lifir
þessi ágæti bankastjóri eiginlega?

   Fyrir það fyrsta er enginn pólitískur vilji til að taka
upp nýjan gjaldmiðill. Hvað þá að hefja könnun eða
undirbúning að slíku, sem tekur mörg ár. Og eins
og efnahagsmálum er nú háttað og framtíðarhorfur
þar  er svo langt í frá að slíkt geti gerst næstu 3 árin,
þótt allt færi af stað að undirbúa slíkt.  Gjörsamlega
út í hött!

  Því kemur svona óraunsæi Kaupþingsforstjóra
verulega á óvart.

   Er það kannski  á fleiri sviðum en þessum?

Nýr gjaldmiðill innan 3 ára?

Verðbólga í Kína og gengishrun í USA

   Verðbólgan í Kína mælist nú tæp 9%. USA-dollar hefur
hríðfallið síðustu misseri. Eru gjaldmiðlar þessara stór-
þjóða handónýtir, eða hvað?  Fara þær ekki að skipta
þeim út fyrir evru?  Skv. umræðunni á Íslandi mætti ætla
það.

   Umræðan um íslenzka krónu er á villugötum. Krónan
einungis  endurspeglar það  efnahagsumhverfi  sem
íslenzk stjórnvöld búa til hverju sinni. Bara húrra fyrir
því að hafa íslenzka krónu í dag og sjálfstæðan gjald-
miðil. Því krónan er einungis að reyna að AFRUGLA efna-
hagskerfið í raun sem misvitrir stjórnmálamenn hafa
skapað.  Krónan er  nú að leita jafnvægis, sem  meiri-
háttar styrkir okkar ÚTFLUTNING, einmitt það sem við
þurfum svo mikið  á að halda í dag. Búa til auknar tekjur
í kreppunni.  Útflutningstekjur okkar eru að stóraukast
þessa vikurnar, ÞÖKK sé íslenzkri krónu og eigin gjald-
miðli. Því krónan tekur einungis mið af íslenzkum raun-
veruleika. 

   Vísitöluruglið og verðtrygging er hins vegar sérmál
sem ætti að hafa verið fyrir löngu búið að taka á.

   Ef krónan er blóraböggull, hvað þá með gjaldmiðla
stærstu þjóða heims, Kínverja og Bandaríkjamanna?

   Jú. Umræðan er á villigötum!

Verðbólga 8,7% í Kína

Ha Ingibjörg! Misskilin þjóðernispólitík ?

   Ingibjörg Sólrún Gísladóttir  utanríkisráðherra  var spurð
að því sem gestur í Mannamáli á Stöð 2 s.l sunnudagskvöld
hvers vegna væri svona mikil andstaða í forystu Sjálfstæðis-
flokksins  við  Evrópusambandsaðild. Og  Ingibjörg  svaraði.
,, Ég held  að  í  rauninni sé  þetta einhvers  konar arfur af
einhverri svolítið misskilinni þjóðernispólitík".

   Það var og. Miskilin þjóðernispólitík? Hvernig væri að Ingi-
björg Sólrún útskýrði  það þá t.d á mannamáli  fyrir þjóðinni  
hvernig hún sjái Ísland halda sinum FULLUM yfirráðum yfir
fiskimiðunum gangi  Ísland inn í ESB. Eða er ráðherra kann-
ski  ókunnugt  um  það að kvótinn á Íslandsmiðum er í dag
ALGJÖRLEGA FRAMSELJANLEGUR?  Þannig að við inngöngu
Íslands í ESB  færi þessi framseljanlegi kvóti SJÁLFKRAFA á
OPINN MARKAÐ innan ALLS ESB-svæðisins?  Hvernig ætlar
ráðherrann  að koma í veg fyrir slíkt? Eða hefur ráðherra
kannski ekki hugmynd um hvað það þýddi í raun? Veit ráð-
herra ekki hvernig komið er fyrir t.d breskum sjávarútvegi í
dag? Hvernig hið svokallaða kvótahopp milli landa  innan
ESB hefur nánast rústað breskum sjávarútvegi? Hlustaði
ráðherra ekki á hinn skoska þingmann á dögunum hvernig
hann fullyrti að  sjávarútvegsstefna ESB  væri eitt allsherjar  
stórslys  fyrir Evrópsk fiskveiðsamfélög.? Gerir ráðherra sér  
ekki grein  fyrir því að með  því  að  kvótinn  komist  í  eigu  
erlendra aðila flyst virðisaukinn af þessari mikilvægu auðlind
okkar úr landi með tíð og tíma?  Veit ráðherrann ekki að með
inngöngu Íslands í ESB gefst  útlendingum tækifæri að  fjárfesta
að fullu í íslenzkri útgerð og þar með öðlast ótakmarkaðan veði-
rétt á Íslandsmiðum? Það kæmi til viðbótar hinu frjálsa framsali.
Skilur ráðherra það ekki?

   Já, hefur utanríkisráðherra hugleitt hvað þjóðartekjur Íslendinga
gætu dregist stórkostlega samana TIL FRAMBÚÐAR misstu þeir
yfirráð sín yfir fiskveiðiauðlindinni og að afrekstur hennar hyrfi  að
mestu úr landi  sbr. það sem gerst hefur á Bretland ?

  Fyrir utan alla þá milljarða sem íslenzka ríkið yrði að greiða í hina
mörgu sukksjóði Evrópusambandsins!

  Já er ekki tími til kominn að Ingibjörg Sólrún útskýri fyrir þjóðinni
hvernig hún ætli Í RAUN að halda yfirráðum Íslands yfir sinni helstu
auðlind gangi Ísland í ESB? 


  Og það á skiljanlegu mannamáli! 

Verður þörf fyrir þjóðlegum kristilegum borgaraflokki ?

   Í allri umræðunni að undanförnu um Evrópumálin, fer ekki að
vakna sú spurning hvort grundvöllur sé að skapast fyrir borgar-
legum mið/hægri flokki á ÞJÓÐLEGUM GRUNDVÖLLI? Flokki sem
maður getur treyst 100% í t.d  Evrópumálum. Hafni ALFARIÐ
aðild að ESB. Flokkur sem maður gæti treyst 100% að stæði
ÆTÍÐ vörð um fullveldi Íslands og sjálfstæði, íslenska tungu
og þjóðmenningu, og kristin gildi. Flokks ALMANNAHAGSMUNA
en EKKI sérhagsmuna.  Já, flokk ÞJÓÐVARNA  sem LAND-
VARNA!

  Svo virðist að innan flestra ef ekki allra flokka sé orðin meir
og minni ágreiningur um svona GRUNDVALLARÞÆTTI.  Sem
gerir þá meir og minna óstarfhæfa í mikilvægum ákvörðunar-
tökum, hvað svona grundvallaframtíðarsýn varðar fyrir ÍS-
LENSKA ÞJÓÐ.     

  Spyr sá sem er hugsi! ! !