Vaxandi ójöfnuður í boði vinstristjórar

    Lilja Mósesdóttir þingmaður og fyrrv.stuðningsmaður fyrstu
hreinræktuðu vinstristjórnar á Íslandi, segir ójöfnuð hafa vaxið
mjög í tíð núverandi ríkisstjórnar, og óttast óróa og átök í þjóð-
félaginu á næstunni vegna þessa. - Þetta er einn versti áfellis-
dómur á ríkisstjórn Jóhönnu Sigurðardóttir um langt skeð  úr
röðum vinstrimanna.

   Þetta kemur ekki á óvart. Ríkisstjórn sósíaldemókrata  og
kommúnista er sú ömurlegasta frá því Íslendingar öðluðust
sjálfstæði. Enda er það innbyggt í hugsjónir vinstrimanna  að
ala sem mest á eymd og volæði til að sem flestir verði öreigar.

  Þannig var hinn þjóðfjandsami Icesave-samningur hugsaður,
til að halda þjóðinni í skuldadrápsklyfjum a.m.k út öldina. Þá er
öfga-alþjóðahyggja vinstrimönnum í blóð borin til að halda
þjóðum í heljargreipum útvalinnar yfirstéttar. Því  var það alls
alls  engin  tilviljun  að  það  þurfti  EINMITT  HREINRÆKTAÐA
VINSTRISTJÓRN  til  að  knýja  fram  umsókn  Íslands að ESB.
Ein mesta aðför að þjóðfrelsi og fullveldi Íslendinga síðan sjálf-
stæðið var endurheimt. 

   Sósíaldemókrataisminn  er  einn  mesti  bölvaldur í  íslenzkri
stjórnmálasögu. Hefur ávalt unnið gegn þjóðarhagsmunum, og
átti mestan þátt í hruninu mikla 2008 með innleiðingu hiðs stór-
gallaða ESB-regluverks, er engan veginn passaði hinu örsmáa
hagkerfi og fámenni þjóðarinnar. Því án EES hefði bankahrunið
TÆKNILEGA aldrei geta orðið.............. 

 

Vaxandi ójöfnuður á Íslandi

Umsvif Huangs ber að skoða með varfærni!

   Risakaup kínversk kaupsýslumanns og fyrrv. starfsmanns
í kínverska áróðursmálaráðuneytinu á stóru íslenzku lands
svæði á  Grímstöðum  á  fjöllum, ber að skoða  með mikilli
varfærni.  Hér  er um stórt íslenzkt  landsvæði að ræða en
ekki venjulega  afmarkaða  bújörð.  Þá tengist kaupsýslu-
maðurinn kínverskum  stjórnvöldum  nánum  pólitískum
böndum, sem gerir málið enn viðkvæmara.

  Eigum að hafa mjög góð samskipti við Kínverja hér eftir
sem hingað til. En þegar kemur að uppkaupum erlendra
aðila á heilum íslenzkum landssvæðum ber að spyrna við
fótum! Sama hver í hlut á. EES-samningurinn er m.a þess
vegna varhugaverður, þótt enn hafi ekki reynt á hann
hvað þetta varðar.  M.a þess vegna eigum við að uppsegja
honum, enda af honum einungis leitt tjón og óhagræði
yfir þjóðina, sbr. bankahrunið. 

Umsvif Huangs hér vekja athygli

Forseti Litháens á að skammast sín ! Og RÚV líka!

   Forseti Litháens á að skammast sín að vera með grófa
íhlutun í íslenzk innanríkismál. Með því að segjast vonast
til að Ísland gangi í hið sökkvandi Evrópusamband árið
2013.  Þvílík móðgun við sjálfstæða þjóð sem var fyrst
þjóða til að viðurkenna sjálfstæði og fullveldi Litháens.

   Athygli vekur að það var  Þóra Arnórsdóttir sjónvarps-
kona er dró þessa yfirlýsingu út úr forsetanum. Frænka
fyrrv.utanríkisráðherra er dró illu heilli Ísland inn í EES,
og sem berst nú fyrir því að Ísland innlimist inn í hið
deyjandi gjörspillta ESB, HVAÐ SEM ÞAÐ KOSTAR! (SBR.
Svavars-icsave-þjóðsvikasamningurinn illræmdi) - Svo
toppar  þessi  ESB- sinnaða  Þóra sjónvarpskona  ESB-
trúboð sitt með drottningaviðtali við forsetan í Kastljósinu
í kvöld. Þar sem forsetinn er látinn dásama dyrðina  í hinu
deyjandi spillta Evrópusambandi.

   En forseti Litháens á ekki bara að skammast sín. Heldur
ekki síst RÚV fyrir yfirgengilegan pólitískan hlutlægan áróður
í hverju stórpólitíska málinu á fætur öðru. Fyrst í Icesave og
nú með ESB-aðildina. Sem segir að innan RÚV þarf að fara
fram allsherjar hreinsun að afloknum kosningum í haust!

Ísland gangi í ESB árið 2013

Öfgaskrif DV um Evrópumál

   Öfgaskrif DV um Evrópumál færast sífellt í aukanna eftir því
sem andstæða þjóðarinnar gegn ESB-aðild vex, og boðaðir eru
meiriháttar fjármunir frá ESB til aðildaráróðurs. Þannig fer Jón
Trausti Reynisson hamförum í riststjórnargrein sinni í gær undir
yfirskriftinni ,,þjóðernissinninn". Þar kolruglar hann saman grund-
vallarhugtökum. Blandar saman á mjög ógeðfeldan hátt kynþátt-
arhyggju annars vegar, og viðhorfum fullveldis- og þjóðfrelsissinna
sem oftar en ekki tala fyrir sjálfsögðum þjóðarhagsmunum á grund-
velli víðsýnnar þjóðhyggju án fordóma. 

   Ritstjórinn beinir spjótum sínum aðallega á formann Framsóknar
sem er að hans mati hinn öfgafyllsti þjóðernissinni. Sem meir  að
segja neiti að borða nema íslenzkan mat. Málflutningur sem þessi
dæmir sig sjálfur. Ekki síst þar sem ritstjórinn er haldinn þvílíkri
sósíaldemókrataískri þráhyggju við að kenna svokölluðum gömlu
íhaldsöflum um ófarirnar síðustu  ára, þegar  fyrir  liggur að  það
var  einmitt  regluverk  ESB  sem hin sósíaldemókrataísku öfl illu
heilli tókust að troða upp á þjóðina með EES-samningnum, sem m.a
gerði allt bankahrunið TÆKNILEGA GERLEGT! 

  Ómálefnaleg öfgaskrif sem þessi eru DV ekki til sóma, en sýnir
hversu hástemmdur taugatitringurinn í herbúðum ESB-trúboðsins
er orðinn..........
 

Stórpólitísk átök framundan! HÆGRI GRÆNIR valkostur!

   Átökin innan Framsóknar endurspeglar þau miklu  og alvarlegu
pólitísku átök sem framundan eru í íslenzkum stjórnmálum. Átök
um grunngildi íslenzks samfélags  og tilveru fullvalda sjálfstæðrar
íslenzkar þjóðar.  Átök milli hófstilltar ÞJÓÐHYGGJU annars vegar 
og ÖFGASINNAÐRAR  ALÞJÓÐAHYGGJU  hins  vegar, er vílar  ekki
fyrir sér að koma Íslandi aftur undir erlent yfirþjóðlegt vald,  sbr.
ESB-umsóknin,  hvað sem það kostar.

   Fjórflokkurinn  svokallaður   er margklofinn  í  þessum  átökum.
Átökin í Framsókn eru einungis upphafið af stórpólitískum átökum
innan flokkanna. Vinstri grænir eru gleggsta dæmið, og átökin
innan Sjálfstæðisflokksins eiga eftir að magnast, ekki síst í ljósi
stórsvika flokksforystunnar í Icesave!

  Þá má alls ekki gleyma stórpólitískum afleiðingum hrunsins. Fjór-
flokkurinn brást þar þjóðinni GJÖRSAMLEGA fyrir og ekki síst eftir
hrun. Allsherjar uppstokkun í íslenzkum  stjórnmálum blasir því
við.  Uppstokkun og endurnýjun á flokkum, þingmönnum og  í
embættismannakerfi. Þar sem pólitískar línur verða SKÝRAR  og
AFDRÁTTARLAUSAR. - Ekki síst á hægri kanti íslenzkra stjórnmála!

  Sósíaldemókrataisminn er illkynja pólitískt mein sem verður að 
fjarlægja og úthýsa ásamt kommúnistum úr íslenzkum stjórnmálum.
Á þeirri vakt brást Sjálfstæðisflokkurinn illilega. Nýtt framfarasinnað
þjóðholt stjórnmálaafl til hægri  sem 100% er hægt að treysta  á
þeirri vakt, við endurreisn Íslands í þágu fólksins, þarf að koma til.
Í því sambandi er vert að líta til HÆGRI GRÆNNA, sem álitlegan
valkost. Flokk fólksins og landverndar, flokk sjálfstæðis og fullveldis
Íslands!

   www.afram-island.is

  

Ekki skilyrðislaus stuðningur

Sósíaldemókratar óróast í Framsókn

   Svo virðist að hinn sósíaldemókrataíski armur Framsóknar
sé farinn að óróast eftir yfirlýsingar formanns Framsóknar um
að aðildarumsókn að ESB skuli taka til baka. Nokkrir nafnkunnir
ESB-sinnaðir sósíaldemókratar innan Framsóknar hafa þegar
sagt skilið við flokkinn, og ekki mun koma á óvart að einn  af
aðal-sósíaldemókrötunum í Framsókn, þingmaðurinn Guðmund-
ur Steingrímsson, yfirgæfi flokkinn einnig. Jafnvel fleiri úr þing-
liðinu eins og hin ESB-sinnaða Siv Friðleifsdóttir. Sem einnig
kemur úr hinum sósíaldemókrataíska armi flokksins.

    Miklar væringar hafa verið innan Framsóknar yfir  mjög
langt tímabil, ekki síst eftir að Framsókn lét sig hverfa inni í
hræðslubandalag vinstrisinna, R-listann, undir pilsfaldri Ingi-
bjargar Sólrúnu Gísladóttir. Við það hefur fylgi við flokkinn
nánast hrunið á höfuðborgarsvæðinu. ESB daður Halldórs
Ásgrímssonar klauf svo flokkinn endanlega, sem hefur til
þessa ekki tekist að skilgreina sig upp á nýtt með nýrri
pólitískri ímynd. Því má segja að átökin í Framsókn haldi
enn áfram með ófyrirséðum afleiðingum fyrir flokkinn.

   Athygli vekur að sami órói er ekki meðal sósíaldemókrat-
anna í Sjálfstæðisflokknum. Ekki einu sinni í þingliðinu undir
forystu Þorgerðar Katrínar. - Þeir virðast þar bíða færis eins
og oft áður, sbr. við myndun hrunstjórnarinnar og innleið-
ingu ESB-regluverksins sem  gerði hrunið mikla tæknilega
framkvæmalegt! Illu heilli fyrir land og þjóð.............. 

  

Tilkynnir ákvörðun sína á morgun

Málstaður ESB-sinna á barmi hengiflugs !

    Málstaður  ESB-sinna er nú á barmi hengiflugs. Því algjört
samband hlýtur að vera á milli glataðs málstaðar þeirra  og
yfirlýsingar Delors fyrrum forseta framkvæmdastjórnar ESB,
um að ESB standi nú á barmi hengiflugs.  - ESB er í algjörri
upplausn, og myntbandalag þess í skötulíki.  ESB-Sovétið
er komið að fótum fram. Með nær sömu banameinssjúkdóms-
einkennin og gamla Sovétið. Ofurtrúin á hið yfirþjóðlega vald
ásamt yfirgengilegri miðstýringaráráttu gengur alls ekki upp! 

  Stórsókn ESB-andstæðinga á Íslandi er því gleðiefni. Hin
ESB-sinnaða vinstristjórn sósíaldemókrata og kommúnista
syngur senn sitt síðasta. Hinn þjóðfjandsami sósíaldemó-
krataismi, er skóp hið efnahagslega hrun með EES, og var
næstum búin að gera íslenzka þjóð endanlega gjaldþrota
með Icesave-svikunum, með dyggum stuðningi Svavars-
kommúnista, horfir nú móti pólitískri eyðimerkurgöngu svo
langt sem séð verður.

   Hin skefjalausa alþjóðavæðing græðginnar og hin sósíal-
demókrataíska öfga-alþjóðahyggja hefur beðið  endanlegt
skipbrot. Dagar ÞJÓÐHYGGJUNNAR eru nú í hraðri uppsiglingu.
Ekki bara á Íslandi, heldur víða um heim, eins og fjölmörg
ánægjuleg teikn bera nú á lofti.

  ÁFRAM ÍSLAND! EKKI ESB-AÐILD! EKKERT EES né SCHENGEN RUGL!

  ÁFRAM FRJÁLST OG FULLVALDA ÍSLAND! 

Delors: ESB á barmi hengiflugs

Forseti þjóðþings Slóvakíu líkir ESB við Sovétríkin

    Athyglisvert að forseti þjóðþings Slóvakíu líkir ESB við
Sovétríkin sálugu. Því hér talar stjórnmálamaður með mikla
reynslu af Sovétríkjunum hafandi lifað þar lungann úr ævi
sinni.

    Forræðishyggjan og  miðstýringaráráttan  frá hinu  yfir-
þjóðlega valdi í Brussel er nánast  eftirlíkanið  af  Sovétinu
og Moskvuvaldinu. Rúbla  fyrir  gjörólík sovét-hagkerfi og
evra fyrir gjörólík evruhagkerfi gekk ekki upp. Sagan endur-
tekur sig. Nema núna eru það sósíaldemókratar sem helst
tala fyrir ESB-Sovétinu í stað kommúnista fyrir Últra-Sovétinu
áður.

   Í ljósi þessa kemur ekki á óvart að það þurfti einungis últra
vinstristjórn á Íslandi til að sótt var um aðild að ESB-Sovétinu.

   Öfga-alþjóðahyggja  og skefjalaus alþjóðavæðing græðginnar
hefur beðið skipbrot! -   Tími viðsýnnar ÞJÓÐHYGGJU er runnin
upp.  Samkrull ólíkra hluta og viðhorfa ganga aldrei upp!

   ÁFRAM ÍSLAND! EKKI ESB-AÐILD! EKKERT EES og EKKERT SCHENGEN!

„Þetta er eins og Sovétríkin“

Bjarni Ben ótrúverðugur í Evrópumalum!

  Yfirlýsing Bjarna Benediktssonar formanns Sjálfstæðisflokksins
um að slíta eigi aðildarviðræðunum að ESB, er afar ótrúverðug og
ekki treystandi. -  Ekki síst í ljósi þess að þessi sami Bjarni og
flokksforysta Sjálfstæðisflokksins sveik bæði flokksmenn og þjóð
fyrir nokkrum mánuðum í Icesave.  Sjálfum inngöngumiðanum að
ESB.  - Ef Bjarni heldur að þjóðin sé svo fljót að gleyma og fyrir-
gefa er það mikill misskilningur. Og hlálegast er ef Bjarni heldur
flokkur hans muni geta gerst forystuflokkur gegn aðild Íslands
að ESB, hafandi fjölda ESB-sinnaða sósíaldemókrata innan
flokksins, þar á meðal í sjálfu þingflokksliðinu.

   Eini flokkur sem hyggst bjóða fram í næstu þingkosningum
til hægri, og hafnar ALFARIÐ ESB-aðild, Icesave og Schengen,
auk  EES- í núverandi mynd, eru HÆGRI GRÆNIR. Munum, að
það var  einmitt Sjálfstæðisflokkurinn í samvinnu við sína sósíal-
demókrataísku vini sem kom EES-samningnum á sem gerði
bankahrunið á Íslandi tæknilega mögulegt. Samning sem hefur
kallað bölvun yfir þjóðina, líkt og Schengen ruglið í boði Sjálf-
stæðisflokksins!


    www.afram-island.is

 

Vill slíta aðildarviðræðum

Jón Bjarnason svikull í Evrópumálum

   Þegar sumir ESB-andstæðingar hrósa Jóni Bjarnasyni
ráðherra í Evrópumálum, verður ekki horft fram hjá því,
að  þessi SAMI Jón styður bæði ríkisstjórn og flokk sem
styðja aðildarumsóknina að ESB. Í svona stórpólitísku
hitamáli er ekki hægt að styðja hvorutveggja, andstöðu
gegn ESB-umsókn og  ríkisstjórn og flokk sem styðja
ESB-umsóknina, og vinna að henni dag og nótt.

   Ekki síst er ábyrgð Jóns Bjarnasonar meiriháttar í ESB-
aðildarferlinu, að hann gæti strax í dag bundið enda á allt
ESB-þjóðsvikaferlið, með því að hætta að styðja ESB-flokk
sinn og ESB-ríkisstjórn sína. Því ríkisstjórnin hefur aðeins
eins manns meirihluta á þingi. -  Það gerir Jón Bjarnason
hins vegar alls ekki. Hugsar meir um sinn ráðherrastól en
íslenzka þjóðarhagsmuni eins og sannir kommúnistar gera.
Enda studdi þessi sami Jón alla Icesave-þjóðsvikasamning-
ana. Inngöngumiðann að ESB. -  Sem hefði leitt endanlegt
gjaldþrot yfir íslenzka þjóð.  

   Já Jón Bjarnson er svo sannarlega svikull í Evrópumálum!