Vinstri grænir eru pólitískt nátttröll

   Vinstri grænir eru pólitískt náttöll sem daga munu uppi
fljólega nú í byrjun 21 aldar. Það er því í hæsta máta
broslegt ef VG heldur að draumur þeirra um eitthvað
forystuhlutverk í stjórnarandstöðu geti orðið að veru-
leika. Til þess er hin afdankaða sósíaliska hugmyndar-
fræði þeirra of veruleikafirrt og í engu samræmi við
gangverk líðandi stundar hvað þá framtíðar.

   Þetta kom ennþá betur í ljós í ræðu Steingríms J.
Sigfússonar formanns VG á flokksráðsfundi sem er
haldinn í dag og á morgun. Sama gamla tuggan
enn og aftur. - Vinstri grænir hafa ekki bara útilokað
aðkomu sína að landsstjórninni svo langt sem séð
verður, heldur líka fyrirgert samstarfi við aðra
stjórnarandstöðuflokka. - Því alls ekki verður séð
hvernig Framsókn og Frjálslyndir geti haft nokkuð
samstarf við jafn öfgasinnaðan vinstriflokk og VG.
Þvert á móti blasir við að Framsókn og Frjálslyndir
eigi með sér gott og öflugt stjórnarandstöðusam-
starf. Slíkt samstarf án VG er miklu vænlegra til að
koma núverandi ríkisstjórn frá völdum, og koma
á fót sterkri, framfarasinnaðri og  borgaralegri ríkis-
stjórn, þjóðinni allri til heilla..........

Staksteinar: Geir verður að gæta að sér !

     Nú  þegar hveitibrauðsdagar ríkisstjórnarinnar eru
liðnir, virðast margar grímur vera farnar að renna á
sjálfstæðismenn. Í Staksteinum í dag segir: ,,Það má
finna í ýmsum hornum Sjálfstæðisflokksins, að nú þegar
nýjabrumið er farið af samstarfinu við Samfylkinguna
þýkir sjálfstæðismönnum það samstarf ekki sérlega
skemmtilegt".

    Það var og, því ekki vantaði nú allt kossaflensið á
Þingvöllum í vor þegar brúðkaupið fór fram. Og breiðu
brosin blíðu.

   Og Staksteinar halda áfram. ,,Sumir þeirra telja að
talsmáti bæði formanns Samfylkingar og ýmissa annara
forystumanna flokksins sé ögrandi gagnvart Sjálfstæðis-
flokknum. Sjálfstæðismenn eru byrjaðir að finna að Sam-
fylkingin getur orðið erfiðir samstarfsaðili  ".

  Eins og þetta hefði átt að koma að óvart. Samfylkingin
er saman sett úr mörgum ólíkum flokksbrotum og hefði
geyspað golunni í vor hefi hin nýja forystusveit Sjálfstæðis-
flokksins með varaformanninn í broddi fylkingar ekki komið
henni og Ingibjörgu Sólrúnu  til bjargar, og myndað með
henni nýja ríkisstjórn. Þarna gerði hin nýja forysta Sjálf-
stæðisflokksins mikil mistök, því hún átti kost á borgara-
legri ríkisstjórn með Framsókn og Frjálslyndum. Situr nú
uppi með bragðillan pólitískan kokteil, sem Staksteinar
kvarta svo sáran undan í dag.

   Því er  ekki að undra þótt Staksteinar klingji út með
því að segja.  ,,Geir H. Haarde verður að gæta að sér".

Vinstri grænir ræða breytt pólitískt landslag

   Á föstudag og laugardag halda Vinstri grænir flokksráðs-
fund, og skv. frétt á Visir.is mun formaðurinn Steingrímur
J. Sigfússon fara yfir hlutverk Vinstri grænna í breyttu
landslagi íslenzkra stjórnmála.

   Vissulega hafa orðið miklar breytingar í íslenzkum stjórn-
málum við myndun núverandi ríkisstjórnar. Hin nýja flokks-
forysta Sjálfstæðisflokksins hafnaði einstöku tækifæri til að
framlengja fyrrverandi farsælu ríkisstjórnarsamstarfi með
innkomu   Frjálslyndra í ríkisstjórnina ásamt Framsókn.
Þannig hefði orðið söguleg skipting í íslenzkum stjórn-
málum til langframa, annars vegar fylking hinna borgara-
legu afla og hins vegar fylking vinstrimanna. Úr því varð
því miður  ekki vegna andstöðu vissra afla innan Sjálfstæðis-
flokksins, og uppi situr nú  þjóðin með veika og sundurlynda 
ríkisstjórn, þótt þingmerihlutinn sé mikill.

   Ef allt væri eðlilegt myndi Vinstri-grænir vera hið leiðandi
afl í stjórnarandstöðu í dag  sem stærsti stjórnarandstöðu-
flokkurinn. Svo er hins vegar alls  ekki. Til þess eru Vinstri-
grænir allt of langt til vinstri. Þá staðreynd ættu Steingrímur  
og félagar að íhuga og ræða á komandi flokksráðsfundi. Hins
vegar er bæði eðlilegt og nauðsynlegt að Framsókn og
Frjálslyndir hafi með sér gott samstarf í stjórnarandstöðu.
Slíkt samstarf kæmi flokkunum tveim ekki bara til góða,
heldur þjóðinni allri þegar til lengri tíma er litið, og ný
ríkisstjórn með framsýn borgaraleg viðhorf verði mynduð.

Eru sjálfstæðismenn að rumska ?

  Í hádegisfréttum  ríkisútvarpsins deilir Sigurður Kári
Kristjánsson þingmaður Sjálfstæðisflokksins hart á
Össur Skarphéðinsson iðnaðarráðherra vegna þess að
ráðherra hefur falið embættismönnum að endurskoða
vatnalögin. Hann segir að ríkið geti bakað sér miklar
bótaskyldur með þeim breytingum sem ráðherra leggur
upp með, og segir ákvörðun ráðherrans eftirhreytur frá
því hann var í stjórnarandstöðu og að Sjálfstæðisflokkur-
inn standi varla að breytingunum. Sjálfur kvaðst hann
muni brejast gegn þeim.

  Það er ánægulegt að sjálfstæðismenn skuli nú loks
vera farnir að rumska.  Kratar hafa hingað til ráðið
sviðinu að því er virðist. Má þar nefna hinar sósíal-
isku mótvægisaðgerðir vegna kvótaskerðingar, sem
koma þeim minnst að gagni sem fyrir tekjumissi verða,
andstöðu krata við olíuhreinsunarmálið og hvernig
þeir ætla að koma í veg  fyrir það án neins samráðs
við hinn stjórnarflokkinn, og áherslubreytingar í utan-
ríkis- og öryggismálum  sem fara mjög á skjön við það
sem t.d fyrri ríkisstjórn stóð fyrir.

  Framganga Sigurðar Kára er vonandi vísbending um
að sjálfstæðismenn fari nú almennt að rumska.

 

Utanríkisráðherra boðar mjúka utanríkisstefnu

   Í fréttum á stöð 2 í kvöld kom fram að utanríkisráðherra
boðar mjúka utanríkisstefnu. Mjúka utanríkisstefnu? Hef
aldrei heyrt svona orðalag áður. Mjúk utanríkisstefna ! -
Alltaf heyrir maður eitthvað nýtt, en að boða mjúka utan-
ríkismálastefnu hlýtur þá að vísa til þess að sú stefna sem
fylgt hafi verið undanfarin misseri og ár hafi þá verið hörð.
Skrifa sjálfstæðismenn undir það ? En hvernig þá hörð?
Mjög hörð eða miðlungs hörð? Og hvernig mjúk á þá hin nýja 
að vera ? Hér hlýtur að vera um eitthvað meiriháttar nýyrði
að ræða í stjórnmálasögunni. Helt að utanríkisstefna byggðist
á ákveðinni afstöðu til afmarkaðra mála hverju sinni, og því
væri með engu móti hægt að tala um eitthvað mjúkt/hart
þegar fjallað væri ALMENNT um utanríkisstefnu Íslands.

   Þessi stórmerku orð utanríkisráðherra fellu á ráðstefnu sem
bar yfirskriftina ,,Kapphlaupið á Norðurpólnum", þar sem m.a
fulltrúar danska flotans og sænska hersins voru meðal gesta.
En ef að líkum lætur stefnir nú ekki aldeilis í nein mjúklegheit
varðandi baráttuna um Norðurpólinn, og því eru ummæli utan-
ríkisráðherra sögð við afar óheppilegar aðstæður, svo ekki sé
nú meira sagt. Eða hvað ætli dönsku og sænsku herfulltrúarnir
hafi hugsað? Kannski bara  brosað.

   Í ræðu sinni sagði utanríkisráðherra að ,, tilhneigingin undan-
farið hafi verið að blanda saman lögreglu og her". Þá átti hún
væntanlega við vopnaðar sveitir - eins og Íslendingar hafa
haft í Afganistan. Skv. þessu mega Íslendingar hér eftir ekki
einu sinni bera vopn í nauðvörn á ófriðarsvæðum. Talaði um
,,gjörbreytta stefnu í öryggis- og varnarmálum" án þess að
útlista það nánar.  Hvað ætli dómsmálaráðherra hugsi, sem 
þvert á móti hefur talað fyrir virkri aðkomu Íslendinga að sínum
varnar-og öryggismálum, með stóreflingu Landhelgisgæslu,
lögreglu, greiningardeildar og varaliðs lögreglu svo dæmi
sé nefnt, og sem fyrrverandi ríkisstjórn studdi heilshugar.
Eða á að leggja kannski Víkingasveitina niður? Hún ber vopn,
byssur, ekki satt ! Utanríkisráðherra er á móti vopnum. Þau
eru ljót og hættuleg skv. hinni ,,gjörbreyttri en mjúku utanrík-
isstefnu" Ingibjagar Sólrúnu Gísladóttir, sem hin nýja flokks-
forysta Sjálfstæðisflokksins leggur væntanlega blessun sína
yfir.  Eða hvað ?

   
   

Ótrúlega slakt eftirlit

   Það er alveg ljóst að opinberir aðilar með Vinnumálstofnun
í broddi fylkingar eru engan vegin að standa sig í því að fylgja
eftir að lög og reglur um erlent vinnuafl sé fylgt eftir. Þrátt fyrir
meiriháttar brotalamir á síðasta ári hvað þetta varðar, virðist
ástandið enn vera óásættanlegt. Nýlegt rútuslýs ber vott um
það. Hvers vegna eru þær heimildir sem þó eru í lögum ekki
framfylgt? Hvers vegna eru viðurlög ekki stórhert við brotum
af þessu tagi ? Hvers vegna er ólögleg starfsemi ekki stöðvuð
þegar í stað þegar upp um hana kemst , og viðkomandi refsað?  
Hvers vegna er eftirlit með ólöglegu vinnuafli ekki  stóreflt og
allar aðgerðir samræmdar  ?

   Með núverandi ástandi er verið að stórskaða heiðviðra
atvinnurekendur sem fara að lögum auk þess sem kaup
og kjör hins vinnandi  manns er stefnt í hættu með alls-
kyns undirboðum með svartri vinnu. Hið opinbera verður
svo af ótöldum fjármunum varðandi skatta og skyldur.

   Ísland er eyja og þjóðin fámenn. Þess vegna er það
alveg með ólíkindum að svona lögleysa  skuli geta átt sér
stað, og að ekki hafi verið fyrir löngu tekið á henni, þannig
að hún heyri nú sögunni til..........

Hinn úrilli Kasparov

   Garri Kasparov dvelur þessa dagana á Íslandi, en hann
er kunnastur fyrir taflmennsku sína, en einbeitir sér nú
að pólitískri barátta í Rússlandi. Kasparov hefur löngum
verið harðorður í garð Pútíns Rússlandsforseta og ríkis-
stjórnar hans, og sakar hana um spillingu og andlýðræðis-
lega stjórnarhætti. Mbl. boðar við hann  ítarlegt viðtal á
morgun. Ótrúlega margir á Vesturlöndum meðtaka mál-
flutning Kasparovs nær athugasemdarlaust, en margt af
því sem hann segir á alls ekki við rök að styðjast og er
beinlínis ósanngjarnt.

  Það segir sig sjálft að það mun taka a.m.k heilan
mannsaldur að þróa Rússland til þess skipulags sem
við Vesturlandabúar lifum við í dag. Að búa undir
járnhæl kommúnista  eins lengi  og Rússar urðu að
gera hefur gríðarleg áhrif á heila þjóðarsál. Þess
vegna er það miklu fremur undrunarefni hversu fljótt
og hvernig Rússar hafa höndlað frelsið. Á örskömmum
tíma hefur Pútin tekst að koma á stöðugleika í Rúss-
landi, byggðum á frjálsu markaðskerfi með tilheyrandi
hagvexti og velferð. Það eru ekki mörg ár síðan að
rúblan var verðlaus pappir. - Á sama tíma tala Þjóð-
verjar um að það taka heilan mannsaldur að aðlaga
Austurhluta Þýzkalands hinu  þýzka samfélagi, og þá
er verið að tala um mun styttri tíma sem Austur-
Þjóðverjar urðu að búa við kommúniskt þjóðskipu-
lag heldur en nokkurn tímann  Rússar.

   Hins vegar eru Rússar stolt þjóð og hafa ætíð átt
sér viss óvildaröfl í vestri.  Einkum virðist þau vera í
hinum engilsaxneska heimi, þar sem maður eins og
hinn úrilli Kasparov er tekinn opnum örmum og óvægin skoðun  hans á mönnum og málefnum Rússlans 
tekin trúarleg án gagnrýni eða athugasemda...

   

Andstaða við íslamista í Evrópu.

    Í frétt á Mbl.is í dag segir að múslimar í Evrópu mæti nú
aukinni andspyrnu við byggingu moska. M.a hafa áform um
byggingu moska í Marseille í Frakklandi og London í Bret-
landi verið kærð. Í Colonna á Ítalíu kom til fjöldamótmæla
vegna áforma um byggingu mosku þar. Þá hefur einnig
komið til átaka í Berlín í Þýzkalandi út af byggingu moska.
Í júlí s.l varðaði einkaritari Benedikts sextánda páfa við
útbreiðslu íslamista í Evrópu. Og í Kárntern í Austurríki
hefur héraðsstjórinn þar sagst vilja banna moskubyggingar.
,, Við viljum ekki árekstra á milli menningarheima og við
viljum ekki stofnanir sem eru framandi menningu okkar
verði byggðar í Vestur-Evrópu" sagði héraðsstjórinn.

   Í Reykjavík liggur fyrir borgarstjórn umsókn um byggingu
mosku..............

Duglaust Evrópusamband sbr. Grikkland

    Neyðarástand er í Grikklandi, einum af ríkjum Evrópu-
sambandsins. Eldar loga um gjörvalt Grikkland vegna
mikilla skógarelda. Hátt í 100 manns hafa farist og 500
íbúðarhús hafa brunnið til ösku. Hamfarirnar eiga sér
engin fordæmi í Grikklandi. Athygli vekur dugleysi og
máttleysi Evrópusambandsins við að koma Grikkjum
til hjálpar, þrátt fyrir ákall griskra stjórnvalda til ESB
um hjálp. Einungis Frakkar, Þjóðverjar af ESB löndum
hafa sýnt lit. Hins vegar hafa lönd utan ESB eins og
Noregur, Serbía, Ísrael boðið aðstoð, og jafnvel
Ísland ef marka má fréttir.

   Það er alltaf að koma betur og betur í ljós hversu
þunglamalegt og seinvirkt Evrópusambandið er, og
fer versnandi eftir því sem aðildarríkjum þess fjölgar.
Það skynjar ekki einu sinni þegar eitt af aðildarríkjum
þess brennur í orðsins fyllstri merkingu.

  Evrópusambandið er nátttröll. - Gott að vera laus
við nátttröll !

Aðeins tvö svæði bera aðal hagvöxtinn

   Í skýrslu Byggðarstofnunar og Hagfræðistofnunar Háskóla
Íslands sem kom út í s.l viku kemur fram að aðeins tvö
svæði bera uppi raunverulegan hagvöxt árin 1998-2005.
Þau eru höfuðborgarsvæðið með 53%, Austurland með 51%
en þar langt á eftir kemur Vesturland með 29%, Suðurland
með 19%. Reykjanes með 17%, Norðurland eystra með 12%.
Tvö svæði koma svo með neikvæðan hagvöxt, Norðurland
vestra með -9% og Vestfirðir með -3%.

  Í skýringunum fyrir neikvæðum hagvexti á Norðurlandi
vestra og Vestfjörðum er sagt að hann stafi fyrst og
fremst vegna samdráttar í veiðum og fiskvinnslu. Menn
geta þá alveg ímyndað sér hvert stefnir með 30%
samdrætti í þorskkvóta, en þorskur er sem kunnugt er
aðaluppistaðan á þessum svæðum. Þær mótvægisað-
gerðir sem ríkisstjórnin hefur boðað varðandi skerðingu
þorskkvótans dugar því hvergi til að koma í veg fyrir meiri-
háttar samdrátt á þessum svæðum ofan á þann sam-
drátt sem fyrir er. - Þess vegna er það með öllu óskiljan-
legt ef stjórnvöld ætla að koma í veg fyrir stórframkvæmd
í landshluta eins og Vestfjörðum eins og allt útlit er fyrir
varðandi byggingu olíuhreinsistöðvar þar.  Slík framkvæmd
myndi gjörbreyta ástandinu þar vestra eins og stórfram-
kvæmdirnar gerðu fyrir Austurland.

   Ef ákveðin afturhaldsöfl innan  ríkistjórnarinnar  koma í veg
fyrir þetta einstaka tækifæri að snúa vörn í sókn varðandi
Vestfirði með byggingu olíuhreinsistöðvar þar á sú ríkisstjórn
að segja af sér. - Sú ríkisstjórn er þá bara fyrir borgríkið
Ísland,  en ekki Þjóðríkið Ísland.........