Fækkun í þjóðkirkjunni ?

   Í samantekt Hagstofunar kemur fram að 1.des.s.l voru rúm
80% þjóðarinnar í þjóðkirkjunni á móti 92% árið 1990. Helsta
skýringin á fækuninni má rekja til stórfjölgunar erlendra ríkis-
borgara. Það breytir ekki því að langt yfir 90% þjóðarinnar er
kristinnar trúar og að Þjóðkirkjan hefur mikilvægi hlutverki að
gegna í íslenzku samfélagi. Enda kristin trú samofin íslenzkri
þjóðmenningu í heil þúsund ár. Því ber að standa vörð um Þjóð-
kirkjuna eins og önnur þjóðleg gildi og viðhorf. Aðskilnaður
ríkis og kirkju kemur því ekki til greina!

  Því ber að vona að menntamálaráðherra sjái að sér og hætti
við hin vanhugsuðu áform sín að úthýsa kristilegu siðgæði úr
grunnskólum Íslands. Meirihluti Alþingis verður annars að taka
af skarið, og koma í veg fyrir þau vanhugsuðu og óskiljanlegu
áform menntamálaráðherra !

 

Hlutfallsleg fækkun í þjóðkirkjunni

ESB hótar. Hvað næst?

  Framkvæmdastjórn Evrópusambandsins hótaði í dag
að höfða dómsmál á hendur ítölskum stjórnvöldum ef
þau leysa ekki  sorphirðukreppuna í  Napóli. Auðvitað
er þetta  mál  með  hreinum  ólíkindum  og  alls ekki er
hægt  að  skilja að  svona lagað  skuli geta gerst í stór-
borg í Evrópu  í  byrjun 21 aldar. En er ekki einu sinni
sorphirða  og framkvæd  hennar  lengur innanríkismál
hvers aðildarríkis ESB? Er miðstýringin að  verða ALGJÖR?
Hvað næst? Er Brusselvaldinu engin takmörk sett lengur ?

ESB hótar Ítölum lögsókn

Uppvöðsluseggir hóta páfa

  Benedikt páfi hætti í dag við að halda ræðu við skólasetningu
einn virtasta háskóla Rómar á fimmtudag eftir að fyrirhuguð
mótmæli nemenda og kennara ógnuðu því að varpa skugga
á athöfnina. Þetta kemur fram á Vísir.is í kvöld. Ávarp páfa féll
ekki í kramið ákveðinna hópa innan skólans, sem lýstu yfir því
að Benedikt  páfi væri atfturhaldssamur guðfræðingur. Var öllu
illu hótað!

  Þar sem páfi er friðarins maður tilkynnti Vatíkanið í dag að
Benedikt páfi hafi hætt við að halda erindi sitt. Fabio Mussi,
háskólamálaráðherra sagðist mjög vonsvikinn. ,, Menn þurfa
ekki endilega að vera sammála páfanum. En það hefði átt að
leyfa honum að tala" og vísaði til þess að á Ítalíu væri jú mál-
frelsi.

  Þetta leiðir hugann að því hvernig fámennir uppvöðsluseggir
geta vaðið uppi og komið sínu fram. Skemmst er að minnast
hér umræðunar um aðskilnað ríkis og kirkju og um það hvort
kristilegt siðgæði skuli úthýst úr grunnskólum Íslands. Þar
virðist menntamálaráðherra ætla að láta undan fámennum
þrýstihópi. Á næstu misserum mun koma í ljós hvort Alþingi
taki ekki af skarið, og komi í veg fyrir slíkan afslátt á  trú
vorri og þjóðmenningu!

Kaninn lætur gabbast enn og aftur !

  Nú bendir allt til þess að gabb frá radíóamatör sem er alræmdur
meðal sjómanna á  Hormuz-sundi  hafi verið túlkað  sem hótun
í garð bandariskra herskipa frá írönskum varðbátum. Bandarikst
vikurblað hefur þetta eftir sjómönnum. Minnstu munaði að stríð
hefði getað brotist út milli Bandaríkjanna  og Írans þegar á þessu
stóð, og hleypt öllu endanlega í bál og brand fyrir botni Miðjarðar-
hafs, með tilheyrandi ógn við heimsfrið og efnahagslegri heims-
kreppu.

  Þetta leiðir hugann að því hvað lítill neisti geti orðið að stórbáli
á svipstundu, sérstaklega þegar hættulegir og  misvitrir stjórn-
málamenn eru annars vegar.

  Svo virðist sem Bandaríkjamenn séu orðnir snillingar í því að
láta gabba sig. Innrásin í Írak var t.d byggð á meiriháttar gabbi.
  

  Gott að vera laus við slík ginningarfífl við varnir Íslands í dag!

Hótanir kunna að hafa verið gabb

Schengen ótraust og hættulegt !

 

   Skv frétt Mbl stöðvaði ítölsk strandgæsla 226 ólöglega
innflytjendur við suðurströnd Sikilyjar, en hátt í 17.000
manns hafa reynt að smygla sér til  Ítalíu frá  Afríku árið
2007.  Þetta er sem vitað er um. En hversu mörg þúsund
tókst að komast inn ólöglega til Ítalíu árið 2007? Sama er
að segja um Spán og Möltu. Öll þessi ríki eru innan ESB og
eru  í  Schengen. Sem þýðir að jafnskjótt og allar þessar
þúsundir ólöglegra  innflytjenda  takast að komast  inn á
Schengen eru þeir  þá um leið komið innfyrir landamæri Ís-
lands, en sem kunnugt er þá er Ísland illu heilli aðili að þessu
Schengen-rugli. Eyjaskeggjarnir Bretar og  Írar prísa hins
vegar sig sæla yfir að hafa ekki álpast inn í þetta Schengen
rugl, ekki  síst  nú  þegar 9 ríki fyrrum  austantjaldsríkja
gerðust aðilar að  Schengen um s.l  áramót. Ríki  eins og
Þýzkaland óttast nú mjög stór aukna glæpatíðni vegna
aðildar þessara ríkja að Shengen.

   Þeir stjórnmálamenn sem samþykktu Schengen-aðildina
á sínum tíma ættu að endurskoða þessi mistök og frelsa
Ísland undan þessu rugl-samningi. Ef eyþjóðirnar Bretar
og Írar sjá ENGAN kost að tengjast Schengen, hvers vegna
ætti Íslendingar þá að gera það úti að miðju Atlanatshafi?
Fyrir utan þann mikla kostnað sem þessu fylgir.

  Stundum fer maður í illt skap þegar stjórnmálamenn blindast
og samþykkja jafn augljósa vitleysu og RUGL og það að gera
Ísland að aðila að Schengen......

Ítalir stöðva bát með 226 ólöglegum innflytjendum

Húrra! Loksins fjárfestingasamningur við Egypta !

    Já bara þrefallt húrra fyrir utanríkisráðherra vorum,
Ingibjörgu Sólrúnu Gísladóttir.  Skv frétt MBl hefur nú
tveggja daga heimssókn utanríkisráðherra til Egypta-
lands borið þann mikla árangur að undirritaður hefur
verið gagnkvæmur frjárfestingasamningur Íslands og
Egyptalands. Og  í  kvöld  situr svo utanríkisráðherra
fund og sérstakan kvöldverð með Ahmed Abdoul Gheit,
utanríkisráðherra Egyptalands.

  Þvílík himnasending að fá svona meiriháttar jákvæðar
fréttir fyrir alla útrása-vikinganna okkar, einmitt nú þegar
blikur eru á lofti í utrásarheimi þeirra og fjárfestingum.
Þá hlytur heimsókn forseta vors að fylgja í kjölfarið þarna
í austurveg, þótt ekki væri nema til að skerpa á hin mikil-
vægu menningartengsl milli þessara tveggja vinaþjóða.

  Og í lokin er vert að taka undir með Staksteinum Mbl í
gær. ,, Það er gott að hafa bæði forseta og utanríkisráð-
herra, sem rækta garðinn svo vel fyrir okkur hjá öðrum
þjóðum"....... 

Skrifað undir fjárfestingarsamning við Egypta

Dómsamálaráðherra Frakklands fékk afskorinn fingur

Er þetta brandari um franskt stjórnkerfi? Og ætla svo íslenzk stjórnvöld að eiga við slíkt ríki og stjórnvald   samvinnu  um öryggis- og varnarmál Íslands?? Þegar sjálfur dómsmálaráðherra Frakklands er eins  berskjaldaður og hér ber raun vitni. Hvað þá um varnarmálaráðherrann og
alla hans yfirhershöfðingja? Þvílíkur skandall varðandi frönsk öryggis og varnarmál!

P.S Frábið mig franskar herþotur á Íslandi á komandi sumri!!!!!!!

Fékk fingur í pósti

Utanríkisráðherra til Egyptalands. Hvers vegna?

  Skv frétt Mbl.is er utanríkisráðherra á leið í tveggja daga
ferð til Egyptalands nú eftir helgi. Mun heimsóknin hafa
verið ákveðin á fundi Ingibjargar Sólrúnu með utanríkis-
ráðherra Eygptalands á allsherjarþingi Sameinuðu Þjóð-
anna í haust. Mun hún eiga fundi með þrem ráðherrum
í egypsku ríkisstjórninni.

  Mér er spurn. Hver er tilgangur þessarar ferðar?  Hefur
Ísland og Egyptaland átt einhver samskipti til þessa?
Og eru einhverjir íslenzkir hagsmunir sem kalla á slíkt?

  Nei auðvitað ekki. Þetta er bara enn eitt dæmi um  stór-
kostlegt bruðl með almannafé,  sem þetta utanríkisráðu-
neyti hefur gert sig sekt um til fjölda ára. Eini tilgangur
þessar ferðar virðist vera  sá  að  afla Íslandi stuðnings
til að verða kosið  í öryggisráð S.Þ sem ENGAR líkur eru
á að gerist, sem  betur fer. Ferð  utanríkisráðherra til
Mið-austurlanda s.l sumar var gerð í sama tilgangi, þótt
allt annað hafði verið sagt um tilgang þeirrar reisu. Því
allir vita að nær allur arabaheimurinn mun styðja Tyrki
til  setu  í  öryggisráðinu  en  ekki  Ísland af augljósum
ástæðum. Ástæðum, sem utanríkisráðherra virðist hins
vegar  alls ekki  skilja. -  Annars  væri  þetta dýra og
tilgangslausa  flandur ráðherra  eftir  helgi  ekki  á
dagsskrá........   

Vinstrimennska sjálfstæðismanna

   Svo virðist að í Sjálfstæðisflokknum séu nú aðallega tvær
fylkingar  sem  togast  á um með  hvaða vinstriflokknum
Sjálfstæðisflokkurinn  á  að  starfa.  Annars vegar er það
Geirsarmurinn sem  hefur gjörsamlega  fallið  fyrir sósíal-
demókrötunum  í  Samfylkingunni, og hins  vegar er það  
Davíðsarmurinn  og Morgunblaðið  sem vill  að Sjálfstæðis-
flokkurinn starfi með sósíalistunum í Vinstri- grænum, bæði
í borgarstjórn og landsstjórn.

   Það  er með  hreinum  ólíkindum  hvernig  komið  er fyrir
hugmyndafræði sjálfstæðismanna í dag, hafi hún einhvern
tímann verið til.  Því hafi Sjálfstæðisflokkurinn talið sig vera
málsvara borgarasinnaðra viðhorfa þá glutraði hann þeim
málsvara endalega niður  í vor þegar honum stóð til boða
áframhaldandi frjálslynd og framfarasinnuð borgaraleg ríkis-
stjórn með  Framsókn  og  Frjálslyndum, en hafnaði því.  Og 
nú kastast  á hnútuköstin milli armanna tveggja í Sjálfstæðis-
flokknum. Í áramótagrein formanns flokksins í MBL sér hann 
sérstaka ástæðu til að verja þá ákvörðun sína um að hafa
myndað ríkisstjórn með Samfylkingunni í stað Vinstri-grænum.
Og í  Reykjavíkurbréfi  nú  í  sunnudagsblaði  Morgunblaðsins
áréttar blaðið skoðanaágreining sinn við formanninn og telur
ritstjórinn sem  er  úr  DavÍðsarminum  best  fyrir Sjálfstæðis-
flokkinn  að mynda sem fyrst  nýjan meirihluta í  borgarstjórn  
með Vinstri- grænum  og  vísar  til  þess hvað sé að  gerast í  
Þýzkalandi, en  þar  telur riststjórinn vera í uppsiglingu sögu-
legar sættir milli Kristilegra demókrata og Græningja sem leitt
gæti til samstarf þeirra nú í borgarstjórn Hamborgar eftir kosn-
ingar sem standa þar fyrir dyrum, og sem gæti orðið ávísun á
samstarfs þessara flokka síðar í ríkisstjórn Þýzkalands. 

  Í Reykjavíkurbréfinu  segir: ,, Þegar  horft  er til málefnanna
eingöngu er ljóst að meiri samstaða er milli sex borgarfulltrúa
Sjálfstæðisflokksins og borgarfulltrúa Vinstri grænna en annara
hópa innan borgarstjórnarinnar. Það er því ljóst að á málefna-
legum forsendum væri auðvelt að mynda meirihluta milli þessara
tveggja flokka í borgarstjórn Reykjavíkur með sama hætti og
breska tímaritið sem vísað var til, geti gerst í borgarstjórn Ham-
borgar.

   Myndun slíks meirihluta í borgarstjórn Reykjavíkur með Svan-
dísi Svavarsdóttir sem borgarstjóra mundi hafa tvenns konar
þýðingu. Í fyrsta lagi myndi reyna á hvernig samstarf gengi á
milli Sjálfstæðisflokks og Vinstri  grænna, sem vissulega væri
forvitnilegt. Í öðru lagi gæti slíkt samstarf hugsanlega vísað
veginn til samstarfs á landsvísu eins og talað er um að geti
gerst í Þýzkalandi".

  Það sem ristjórinn gleymir í þessu sambandi er að Græningjar
í Þýzkalandi og Vinstri-Grænir á Íslandi eru í grundvallaratriðum
tveir ólíkir flokkar. Í Þýzlanaldi var í sumar stofnaður nýr róttæk-
ur vinstri flokkur, en   Vinstri grænir sáu ástæðu til að senda full-
trúa sinn á stofnsamkomu þess flokks, sem undirstrikun á hug-
myndafræðilegra tengsla við hann. Græningjar eru eingöngu hóf-
samir  umhverfissinnar sem hafna vinstrisinnaðri róttækni sem er
ein pólitískra grunnhugmynda Vinstri-grænna. Þá staðreynd horfir
Morgunblaðsritstjórinn algjörlega framhjá. Því má segja að vinstri-
mennska sjálfstæðismanna er með hreinum ólíkindum í dag. Það
virðist þá  engu skipta hvort um sé að ræða vinstrisinnaða róttæk-
linga eða blinda  Evrópusambandssinnaða sósíaldemókrata. Öll 
ÞJÓÐLEG BORGARALEG VIÐHORF  OG GILDI  virðist þá ENGU skipta
lengur, sbr. áform menntamálaráðherra Sjálfstæðisflokksins um
úthýsun KRISTILEGRA SIÐGÆÐA úr grunnskólum Íslands nú á næstu
misserum. 

   Ekki verður annað séð en að Sjálfstæðisflokkurinn hafi endanlega
kastað öllum borgaralegum gildum, viðhorfum og skyldum fyrir róða,
og metur sitt aðalhlutverk í dag að vinna með vinstriflokkunum, koma
þeim til valda og æðstu metorða, sbr að gera Svandísi Svavarsdóttir,
einn róttækasta málsvara vinstrimennsku á Íslandi í dag, að borga-
rstjóra Reykjavíkur. Getur þetta verið ?

   Á hvaða vegferð er þessi Sjálfstæðisflokkur eiginlega  í dag ? Fyrir
hvað stendur hann ?

   Spyr sá sem er kjaftstopp!

Biskup vor talar skýrt

   Í nýárspredikun Karls Sigurbjörnssonar biskaups var talað
skýrt þegar komið var að þeim gildum sem þjóðin hefur tamið
sér gegnum aldirnar. Hann sagði mikla ábyrgð hvíla á lands-
mönnum að tungan og menningararfurinn glatist ekki, heldur
þvert á móti ávaxtaðist með komandi kynslóðum. ,,Sjáum til
þess að börnin læri ljóðin, sálmana, sögurnar og söngvana
sem leggja þeim orð á tungu og hjörtu, orðin sem tjá íslenzka
hugsun og íslenzka reynslu  og íslenzka von og trú," sagði
biskup. Hann velti fyrir sér þeim kristnu og þjóðlegu grunn-
gildum sem þjóðin vill byggja á og sagði. ,, En þau eru ekki
sjálfsprottin af einhverri sögulegri nauðsyn eða þróun. Þau
spretta úr jarðvegi trúar og siðar. Þeim hefur hingað til verið
miðlað með hinum ÞJÓÐLEGA, KRISTNA, HÚMANÍSKA MENN-
INGARARFI sem hér hefur ávaxtast  kynslóð eftir kynslóð og
kristin kirkja hefur nært og frjóvgað". 

   Biskup varar einnig  stjórnvöld við því að  gefa  eftir  hvað
þessi grunngildi varðar og segir. ,,Því skal ítreka hve háska-
samt það er ef kynslóðir vaxa úr grasi skilningsvana og ólæs-
ar á þann grundvallarþátt menningar og samfélags sem trúin
er og siðurinn. Það er brýnt að stórefla þátt kristinfræði í skóla-
num, jafnframt aukinni fræðslu í almennum trúarbragðafræðum".

  Hér er biskaup bersýnilega að vara við þeim áformum mennta-
málaráðherra að úthýsa kristnu siðgæði úr grunnskólalögunum
nú á þessu ári. Því verður ekki trúað en að ráðherra afturkalli
þessi áform sín. Engann afslátt á að veita þegar hin þjóðlegu
og kristnu grunngildi eru annars vegar og sem mótað hafa hina
ÍSLENNZU ÞjÓÐ í meir en þúsund ár... Slíkt er ekkert annað en
aðför að þjóðmenningu vorri, og  sem verður að stöðva!