Ótrúleg framkoma sjálfstæðismanna eftir 12 ára samstarf

     Ríkisstjórnin helt velli eftir kosningarnar þrátt
fyrir mikið fylgistap Framsóknarflokksins. Formaður
Sjálfstæðisflokksins marg ítrekaði það og sagði að
nægur tími væri hjá stjórnarflokkunum að ræða
framhaldið. Augljóslega þurfti Framsóknarflokkurinn
ráðrúm til að fara yfir öll sín mál. Eftir ótrúlegan
stuttan tíma var niðurstaða framsóknarmanna sú,
að áframhaldandi stjórnarsamstarf yrði besti
kosturinn fyrir þjóðina, auk þess sem það yrði
besta leiðin í stöðunni að byggja flokkinn upp á
ný.  Sjálfstæðismönnum var sagt frá þessari
ákvörðun, og með það veganesti fór formaður
Framsóknarflokksins til viðræðna við formann
Sjálfstæðisflokksins um endurnýjun stjórnarsam-
starfsins. Var engin ástæða til að halda annað en
að full heilindi væru af hálfu sjálfstæðismanna í
þessum viðræðum. Drengilegt og traust stjórnar-
samstarf þessara flokka til 12 ára gaf framsóknar-
mönnum ekkert annað til að halda. Nú liggur hins
vegar fyrir ótrúleg óheilindi hjá forystu Sjálfstæðis-
flokksins í viðræðum þessum. Á sama tíma og for-
maður Sjálfstæðisflokksins átti í trúnaðarviðræðum
við sinn gamla samstarfsflokk til fjölmargra ára var
hann og vara-formaður hans komnir í bullandi sam-
ningarviðræður við forystu Samfylkingarinnar um
myndun nýrrar ríkisstjórnar. Eða eins og Jón Sigurðs-
son orðaði þetta réttilega. ,, Það er ekki aðeins tvö-
feldni, heldur frekar margfeldni sem einkennir þetta".

   Nú liggur ekkert annað fyrir hjá Framsóknarflokknum
en að fara í harðvítuga stjórnarandstöðu gegn þeirri
ríkisstjórn sem nú er að fæðast. ..Óskabarn eiganda
eins stærsta auðfélags landsins" eins og formaður
Framsóknarflokksins hefur orðað það, og að ,,ef þessi
nýja ríkisstjórn kemst á koppinn verður hún trúlega
kennd við foreldri sitt og nefnd Baugsstjórn" segir
formaður Framsóknarflokksins.

   Þá liggur einnig fyrir að helmingur ráðherra væntan-
legrar ríkisstjórnar verður skipuð harðvítugum Evrópu-
sambandssinnum. Nokkuð sem stór hluti kjósenda
Sjálfstæðisflokks mun ekki sætta sig við. Hlutverk
Framsóknarflokksins og staða sem þjóðlegs stjórnmála-
afls á taflborði íslenzkra stjórnmála gæti því orðið mjög
sterk í náinni framtíð. 


   

Forysta Sjálfstæðisflokks hafnaði borgaralegri ríkisstjórn.

   Það er afar merkilegt þegar forysta Sjálfstæðis-
flokksins hafnar framlengingu á mjög framfara-
sinnaði borgaralegri ríkisstjórn til 12 ára, og
snýr sér þess í stað að sósialdemókratiskum öflum,
sem leynt og ljóst vinna á  móti öllum þjóðlegum
gildum og stefnir að inngöngu Íslands í Evrópu-
sambandið. Sem áhugamaður um stjórnmál sem
aðhyllist þjóðleg, mið/hægrisinnuð borgaraleg
viðhorf er erfitt að skilja pólitík sjálfstæðismanna
um þessar mundir. Hugsjónir virðast alla vega
engu máli þar skipta lengur.

   Þá er það líka afar merkilegt hvernig forysta
Sjálfstæðisflokksins kom mjög óheiðarlega fram
við samstarfsflokk sinn til 12 ára. Því nú liggur
fyrir að viðræður milli Samfylkingarinnar og Sjálf-
stæðisflokksins voru komnar á flug áður en við-
ræður stjórnarflokkanna var lokið. Slík tvöfeldni
hlaut að kalla á algjöran trúnaðarbrest sem al-
farið skrifast á flokksforystu sjálfstæðismanna.
Geir H Haarde kom verulega á óvart með slíkri
framkomu, og hrapar í álíti sem traustur stjórn-
málamaður ásamt vara-formanni sínum.

   Þá er afar merkilegt hvernig ríkisstjórn Sjálf-
stæðisflokks og Samfylkingar sem er óskabarn
eins stærsta auðfélags landsins, sbr. sérblað
DV rétt fyrir kosningar, skuli nú vera komin að
því að setjast á koppinn. Útvarpsviðtal við stjórn-
arformann Baugs staðfesti það rækilega í morgun,
þar sem hann tíundar kosti slíkrar stjórnar, þ.á.m
vegna Evrópumála.

   Evrópusambandsinnar Samfylkingarinnar og inn-
an Sjálfstæðisflokksins kætast því mikið þessa
daganna. Því þegar helmungur ráðherra eru orðnir
grjótharðir Evrópusambandssinnar þarf enginn að
efast hvert stefnir í þeim málum í náinni framtíð.
Að halda öðru fram er barnaskapur.

   Fyrir öll þjóðleg borgarasinnuð öfl er því full ástæða
til að hafa áhyggjur af þróun mála í íslenzkum stjórn-
málum í dag.  Forysta Sjálfstæðisflokksins er á villi-
götum og virðist hafa brennt margar  brýr að baki sér
á undanförnum dögum.   Átök innan Sjálfstæðisflokk-
sins hljóta því að vera í uppsiglingu....... 

Baugsveldið og Evrópusambandssinnar yfirtaka stjórnarráðið.

    Þá liggur það fyrir. Baugsveldið er komið í
stjórnarráðið ásamt Evrópusambandssinnum.
Evrópusambandssinnar innan Sjálfstæðisflokks
og Samfylkingarinnar hafa náð saman um mynd-
un ríksstjórnar með beinni aðkomu Baugsveld-
isins.  Ótrúlegu baktjaldamakki var beitt og 
opinberlega gerð gróf tilraun til pólitískrar
aftöku  á sjálfum dómsmálaráðherra.  Málgan
Baugs var misnotað gróflega  á lokaspretti
kosningabaráttunnar til að hafa áhrif á niður-
stöðu kosningana.  Formaður og vara-formaður
Sjálfstæðisflokksins eru uppvísir af mjög óheiðar-
legum vinnubrögðum gagnvart samstarfsflokki
sínum til 12 ára.  Maður hefði aldrei trúað að svona
óheiðarleiki væri til fyrr en vara-formaður Framsókn-
arflokksins, Guðni Ágústsson, upplýsti það fyrir
þjóðinni í Kastljósinu í kvöld.  Þvílík leikflétta!

   Þorsteinn Pálsson, fyrrverandi formaður
Sjálfsstæðisflokksins og ristjóri Baugsmiðils,
og Hreinn Loftsson stjórnarformaður Baugs
hafa leikið lykilhlutverki í því að koma á fót
ríkisstjórn Samfylkingarinnar og Sjálfstæðis-
flokksins undanfarin misseri. Smiðshöggið
kom svo frá aðaleiganda Baugs með auglýs-
ingunni  frægu. - Og nú er takmarkinu náð.
Baugsveldið og ESB-sinnar komnir inn í stjórn-
ráð Íslands.

   Í uppsiglingu hljóta að vera mikil átök innan
Sjálfstæðisflokksins. Hvort þau átök munu koma
í veg fyrir Baugsstjórnina, á hins vegar eftir að
koma í ljós...
 

Mikil vonbrigði. Óttast ESB-stjórn

   Það eru mikil vonbrigði að núverandi stjórnar-
flokkum skuli ekki hafa tekist að ákveða að
halda áfram hinu farsæla samstarfi til 12 ára.
Svo virðist að trúnaðartrust hafi brostið með
framgöngu vara-formanns Sjálfstæðisflokk-
sins, en heimildir herma að vara-formaðurinn
hafi beitt sér mjög ákveðið í því að taka upp
stjórnarsamstarf við Samfylkinguna.

   Nú hefur það gerst sem margir óttuðust og
ræddu um fyrir kosningar. Evrópusisnnar innan
Sjálfstæðisflokks og Samfylkingarinnar hafa
náð að leiða þessa flokka til samstarfs, en
innan Sjálfstæðisflokksins eru mjög sterk öfl
sem vilja skoða ESB-aðild með jákvæðum
hætti. Andstæðingar ESB-aðildar innan Sjálf-
stæðisflokksins hafa hins vegar frekar vilja
samstjórn með Vinstri-grænum af þessum
sökum. Augljóst er að mikil átök eru nú í
uppsiglingu innan Sjálfstæðisflokksins.
Björn Bjarnason orðaði það í vetur að kæmi
til slíkra átaka gæti flokkurinn klofnað.

  Vonbrigðin eru því mikil að borgaraleg ríkis-
stjórn á þjóðlegum grunni skuli ekki starfa
áfram. Samstarf Sjálfstæðisflokks og krata
hefur aldrei boðað gott eða reynst vel. Það
voru því ákveðin öfl innan Sjálfstæðisflokksins
sem brugðu fæti fyrir áframhaldandi stjórn
með Framsókn.  Nú liggur það fyrir......

Viðræður við Þjóðverja um öryggis-og varnarmál !

    Á morgun hefjast viðræður íslenzkra stjórnvalda
og þýzkra  um öryggis- og varnarmál. Þýzk stjórn-
völd hafa sýnt áhuga að koma að öryggis-og varnar-
málum Íslands eftir að bandariski herinn hvarf  af
landi brott.

    Þýzkaland hefur ætíð verið í hópi okkar bestu
vinaríkja, og þangað eigum við að leita í auknum
mæli á sem flestum sviðum. Íslenzk stjórnvöld
hafa átt í árangursríkum viðræðum við frændþjóðir
okkar Dani og Norðmenn um öryggis- og varnar-
mál og nú er komið að Þjóðverjum.

   Þjóðverjar eru eitt af öflugustu ríkjum Evrópu,
ekki síst á hernaðarsviðinu. Þýzkar herflugvélar
nota mjög oft Keflavíkurflugvöll til millilendinga,
þannig að þýzk nærvera er þegar fyrir hendi.

   Vonandi að viðræðurnar á morgun séu aðeins 
upphaf af stórauknum pólitískum samskiptum
Íslands og Þýzkalands. 

Skýr skilaboð. Rúm 80% framsóknarfólks vill óbreytta stjórn

    Skv. skoðanakönnun í Fréttablaðinu í dag er
rúm 80% framsóknarfólks  sem vill óbreytt
ríkisstjórnarsamstarf áfram. Þarna eru mjög
skýr skilaboð að ræða  til flokksforystu Fram-
sóknarflokksins frá kjósendum flokksins um
að halda beri áfram samstarfinu við Sjálfstæðis-
flokkinn þrátt fyrir fylgistapið í kosningunum.

   Svona afdráttarlaus afstaða hins almenna
framsóknarmanans hlýtur að auðvelda flokks-
forystunni að ákveða framhaldið. Að fara gegn
yfirgnæfandi meirihluta kjósenda flokksins
getur ekki orðið niðurstaðan, ef á að byggja
upp flokkinn á ný.

    Skilaboðin eru skýr. - Eftir þeim ber að fara!

    

Framsókn styðji áframhaldandi ríkisstjórnarsamstarf!

   Að hika er sama og að tapa hvað varðar að
taka mikilvægar ákvarðanir. Fyrir Framsóknar-
flokkinn er mjög mikilvægt að ákveða sem allra
fyrst að halda núverandi stjórnarsamstarfi
áfram, svo framarlega sem hugsað er um þjóð-
arhag og það að það takist  að byggja flokkinn
upp á ný.

   Í Morgunblaðsleiðara í dag segir. ,,Auðvitað
eru mismunandi sjónarmið innan beggja flokka.
Auðvitað eru þeir framsóknarmenn til, sem
telja, að flokkur þeirra eigi að standa utan
stjórnar um skeið eftir afleita útkomu í kosning-
unum. En þeir framsóknarmenn hljóta líka að
íhuga eftirfarandi: flokkur þeirra hefur tekið
þátt í því með Sjálfstæðisflokknum að leiða
þjóðina upp úr djúpri efnahagskreppu, sem
gekk yfir  í lok níunda áratugarins og í byrjun
hins tíunda. Það var erfitt  en stjórnarflokkarnir
náðu sameiginlega glæsilegum árangri. Nú eru
allir sjóðir fullir og flokkarnir geta á nýju kjörtíma-
bili einbeitt sér að uppbyggingu heilbrgðiskerfi-
sins og velferðarkerfisins. Er eitthvað vit í því
frá sjónarhóli Framsóknarflokksins að láta aðra
flokka um að útdeila þeim gæðum? Auðvitað ekki."

  Nei, auðvitað ekki! Þar að auki er lykilatriði við
uppbyggingu flokksins að flokkurinn starfi áfram
í farsælli ríkisstjórn, þar sem formaður flokksins
verður virkur við skákborð stjórnmálanna, landi
og flokki til heilla.

   Vegna sterkrar stöðu ríkisfjármála í dag er
tækifæri til að gera sérstakt átak í því að  efla
og styrkja heilbrigðiskerfið og velferðarkerfið
almennt ennfrekar. Löngum má gott bæta. 
Þá lykilkröfu á Framsóknarflokkurinn að gera
við endurnýjun stjórnarsamstarfsins. Með það
veganesti í farteskinu þarf flokkurinn engu
að kvíða við að ná vopnum sínum og fótfestu
á ný.

Að afvopna formanninn og setja út á tún ?

    Eðlilega þurfa framsóknarmenn að ráða ráðum
sínum eftir mesta fylgistap í 90 ára sögu flokksins.
En ástæðulaust er samt að fara algjörlega á taug-
um. Öll él birta upp um síðir, líka í pólitík.

   Staðreynd er að ríkisstjórnin helt velli eftir 12
ára farsæl ár í þágu lands og þjóðar. Annar 
stjórnarflokkurinn vann sigur, hinn ekki. Fylgis-
tap Framsóknarflokksins er hins vegar alls ekki
stjórnarþátttökunni að kenna. Hún er hins vegar
innanflokksvandamálum Framsóknarflokksins að
kenna til margra ára. Það leiddi síðar til þess að
nýr formaður. Jón Sigurðsson, tók við flokknum,
og hefur á þeim fáu mánuðum sem formennsku
hans hefur notið   tekist að ná heildarsáttum í
flokknum. Of skammur tími er hins vegar frá því
að þess hafi farið að gæta í fylgisaukningu. Jón
nýtur samt mikils trausts innan flokksins og virð-
ingar, og óhætt er að segja að enginn er þessa
stundina í sjónmáli að taka við af honum, til að
viðhalda þeirri  flokkslegri sátt sem nú hefur 
náðst, sem er frumforsenda þess að hægt verði
að byggja flokkinn upp á ný.

    Á höfuðborgarsvæðinu hefur flokkurinn átt
erfiðast uppdráttar. 12 ára seta hans í hræðslu-
bandalagi vinstrimanna, R-listanum,  er þar aðal
orsakavaldurinn. Langan tíma tekur að vinna þar
upp fylgið, og fyrir það galt formaðurinn 12 maí sl.

   Ein frumforsenda þess að Jóni Sigurðssyni takisti
að byggja upp flokkinn er sú,  að hann fái að taka 
fullan þátt í stjórnmálabaráttunni, bæði utan en ekki
síst INNAN þings og þá sem ráðherra. Hann einfald-
lega VERÐUR m.o.ö að fá að sitja við skákborð stjórn-
málanna eins og flokksleiðtogar annara flokka.
Annars hefur hann verið afvopnaður og settur út á
tún. Er það ásetningur þeirra sem nú  tala hæðst
innan flokksins um að leggja árar í bát og nánast að
gefast upp?  Því það er algjörlega ljóst að verði
formanninum fórnað á þennan hátt þurfa þeir hinir
sömu ekki að hafa áhyggjur af uppbygginu flokksins
næstu árin.

    Núverandi stjórnarmynstur yrði best fyrir þjóðina
eins og sannast hefur s.l. 12 ár. Fyrir uppbygginu
Framsóknarflokksins yrði besta leiðin að viðhalda
því stjórnarsamstarfi, enda naut það 87% stuðnings
framsóknarmanna fyrir kosningar. Um leið yrði tryggt
gott leiðtogaefni fyrir flokkinn. Leiðtogi, sem mun
takast að byggja upp flokkinn á ný, fái hann til
þess stuðning og nægjanlegt pólitísk olnbogarými.

 

 

Ríkisstjórnin áfram og ekkert bull

   Ríkisstjórnin helt velli og á því að halda áfram.
Annað stjórnarmynstur yrði ekki farsælt fyrir
þjóðina. Fylgistap Framsóknarflokksins skrifast
á gömul flokksvandamál en alls ekki á þátttöku
í núverandi stjórnarsamstarfi. Nýr formaður
hefur náð heildarsátt í flokknum á þeim fáu
mánuðum sem hann hefur gengt formennsku.
Það var hins vegar ekki nægur tími til að skila
sér í auknu fylgi að þessu sinni. Jón Sigurðsson
er eini maðurinn í dag sem getur hldið flokknum  
saman og byggt hann upp. Það gerir Jón alls ekki
utan skákborðs stjórnmálanna. - Þess vegna er
áframhaldandi ríkisstjórnarþátttaka lykilatriði
með Jón sem ráðherra og aðgengi að umræðum
á Alþingi Íslendinga, ef meiningin er að byggja
flokkinn upp á ný,

   Grasrótartal og naflaskoðun eru kannski góðra
gjalda verð. En að slíkt gerist í áhrifalausri stjórn-
arandstöðu með flokksleiðtogan nánast úti á túni
er pólitískt út í hött!

   Svokölluð ,,Viðeyjarstjórn" yrði ekki góð stjórn
fyrir Ísland. Reynslan sýnir það.  Vinstri-stjórn
yrði alverst. - Því á núverandi ríkisstjórn að halda
áfram, það yrði Íslandi fyrir bestu eins og dæmin
sanna s.l 12 ár.  - Það er lykilatriðið, og ekkert
bull með það lengur!

Framsókn nógu góð sem hækja vinstriaflanna

   Málflutningur vinstriflokkanna er undarlegur svo
ekki sé meira sagt. Á sama tíma og forkólfar vinstri-
aflanna segja Framsókn ekki vetur á setjandi, og
sé orðið meiriháttar laskað fley án haffæraskirteinis,
er Framsókn boðið í vinstristjórn eða beðin um að
veita slíkri vinstristjórn hlutleysi, með þá formann
sinn áhrifalausan utan þings.   M.ö.o í stað þess
að vera hækja íhladsins að þeirra mati er Framsókn
boðin til að vera meiriháttar hækja vinstriaflanna í
þeirra ríkisstjórn. Þessi málflutningur dæmir sig
sjálfur og sýnir hvað tvískinningurinn er mikill hjá
þessu vinstraliði.

  En auðvitað munu ríkisstjórnarflokkarnir endur-
nýja samstarf sitt næstu daga. Jóni Sigurðssyni
gefst þá tækifæri að byggja upp flokkinn á ný,
verki sem hann var rétt byrjaður á. - Það verk
verður auðveldara í áframhaldandi farsælu
stjórnarsamstarfi, af augljósum ástæðum, sem
óþarft er að tíunda hér.......