Greespan: Írak hernumið vegna olíu

   Það hefur oftar en ekki verið fullyrt að ástæða innrásarinnar
í Írak haf fyrst og fremst verið vegna olíuhagsmuna. Þetta
hefur harðlega verið mótmælt af stuðningsmönnum Íraks-
stríðsins. Ekki síst hér uppi á Íslandi.  Ástæðan hafi verið  að
koma stjórn Saddams frá sem lið í baráttunni gegn hryðju-
verkum og að koma í veg  fyrir að Saddam kæmist yfir gjör-
eyðingarvopn.

  Nú hefur ekki ómerkari maður en Alan Greespan, fyrrverandi
Seðlabankastjóri Bandaríkjanna, flokksbróðir Bush forseta,
fullyrt í æviminningum sínum, að Bandaríkjamenn, og fylgi-
þjóðir þeirra, hafi hernumið  Írak til að tryggja sér áfram ódýra
olíu. Sanday Tames segir frá þessu í dag.

  Vonandi að þéir fáu stuðningsmanna Bandaríkjamanna við
innrásina í Írak, ekki síst hér á landi, fari nú að endurskoða
afstöðu sína til þessa stríðs, sem kostað hafa á aðra
milljón manna lífið, og nánast lagt Írak í rúst. Það er ótrúlegt
hversu blindir sumir geta verið í fylgisspekt sinni gagnvart
bandariskri heimsvaldastefnu. Því það er ekki hægt að kalla
þetta annað, eins og stefna þeirra hefur birst í Írak síðustu
ár.

   Það voru mikil misttök að Ísland tengdist þessu Íraksstríði
á sínum tíma. Vonandi verða þau mistök til að læra af.....
   

Skotar ákalla Ísland um hjálp v.ESB-sjávarútvegsstefnu

   Skv. frétt Eyjan.is hefur fulltrúi Skota á Evrópuþinginu boðið
sjávarútvegsráðherra Íslands og sendinefnd ESB til Skotlands
til að ræða þróun sjávarútvegsstefnu Evrópusambandsins sem
hann telur algjörlega óverjandi. Hinn skoski fulltrúi segir ,,Við
þurfum að rífa stefnu ESB í sjávarútvegsmálum í tætlur og byrja
upp á nýtt, og með ykkar hjálp Íslendinga  held ég að það sé
hægt að endurskoða hana".

  Halló! Er það ekki ein af megin rökum ESB-sinna á Íslandi að
við þurfum að ganga í ESB til að hafa áhrif? Hvað er hér að gerast?
Fulltrúi ESB-ríkis leitar út fyrir ESB til annars ríkis til að biðja það
um hjálp til að hafa áhrif að stefnu ESB í tilteknum málaflokki.
Hvernig halda menn að áhrifa Íslands vigti innan ESB-báknsins 
fyrst Skotar innan breska-heimsveldisins virðast engin áhrif
hafa? Og það í þeirra helsta hagsmunamáli?  Er ekki kominn tími 
til að ESB-sinnar á Íslandi hætti þessum blekkingarleik gagnvart
íslensku þjóðinni?

   Vegna sjávarútvegsstefnu ESB er sjávarútvegur margra ríkja
þess kominn  í rúst. Breski sjávarútvegurinn er það skýrasta
dæmið, og nú neyðarkallið frá Skotum til Íslendinga. Enginn
innan ESB virðast hlusta á þá. Þannig er nú kærleiksheimilið
ESB orðið, eða hitt þó heldur.

  Það er sörglegt að uppi á Íslandi skuli vera til menn, og það
stjórnmálamenn, sem ganga með þann vísrus í hausnum, að
Ísland eigi að ganga í ESB, og þar að auki að taka upp evru.

  Slíkir menn þurfa að fara í pólitíska endurhæfingu. > Og það 
hið snarasta !  

Hvað kom fyrir Ingibjörgu ?

   Ingibjörg Sólrún Gísladóttir, utanríkisráðherra, fullyrti á
dögunum að Ísland væri ekki lengur á  svökölluðum  "Lista
hinna staðföstu þjóða" í kjölfar þess að hinn íslenzki upp-
lýsingafulltrúi hjá NATÓ í Írak var kallaður heim. Nú síðast
í kvöld má hins vegar sjá nafn Íslands á þessum fræga
lista skv heimasíðu Hvíta hússins.  Hvað kom eiginlega
fyrir Ingibjörgu ?  Að fullyrða slíka  hluti frammi fyrir alþjóð
sem reynist svo bara bull og  vitleysa.  Þarf hún ekki að út-
skýra orð sín betur og biðja  þá þjóðina afsökunar hafi hún
farið með rangt mál, sem er alvarlegur hlutur.

  

Guðni á réttri leið

   Guðni Ágústsson formaður Framsóknarflokksins vill standa
vörð um íslenzkar orkuauðlindir, og vill forða því að útlendingar
komist inn í þær bakdyramegin. Þetta eru rétt viðhorf hjá Guðna.
Næsta verkefni Framsóknarflokksins á að vera að endurskoða
fiskveiðistjórnunarkerfið frá grunni hafandi í huga að fiskauðlindin
kringum Ísland er sameign þjóðarinnar. Núverandi kerfi hefur
gengið sér til húðar, bæði hvað varðar verndunargildi og ekki síst
hvað varðar réttlætissjónarmið. Kvótabraskið svokallaða gengur
ekki lengur, og hefur í raun aldrei gert. Ef formanni Framsóknar-
flokksins tekst að umbylta stefnu flokksins í sjávarútvegsmálum,
þannig að sameign þjóðarinnar á auðlindum hafsins sé virt í
raun, mun hagur Framsóknar vænkast mjög á næstunni.
Flokkurinn á einmitt nú að nota tímann vel  í stjórnarandstöðu til
að enduskoða og breyta stefnu sinni í þessum mikilvæga mála-
flokki.  Framtíð hans gæti þar skipt sköpum.  -  Áfram Guðni !

 

Angela Merkel merkur kanslari

   Á þeim tiltölulega stutta tíma sem Angela Merkel kanslari
Þýzkalands hefur setið á valdastóli hefur hún komið ótrú-
legu mörgu í verk, enda nýtur hún mikilla vinsælda meðal
þýzku þjóðarinnar. Efnahagsástandið fer stöðugt batnandi,
hagvöxtur vex og atvinnuleysi minnkar. Þýzki ríkissjóðurinn
er nu í fyrsta skiptið frá sameiningu Þýzkalands rekin án
halla. Allt gerist þetta undir sterkri og góðri stjórn Angelu
Merkel, sem stöðugt styrkir stöðu sína í þýzkum stjórnmálum.

  Við Íslendingar höfum löngum átt afar góð samskipti við
Þjóðverja, enda hafa þeir ætíð sýnt Íslandi og íslenzkum
málefnum míkin áhuga, ekki síst hinum menningarlegu.
Hins vegar mættu hin pólitísku samskipti vera mun meiri.
Þýzkaland er stærsta ríki Evrópusambandsins og því
mikilvægt fyrir Ísland að eiga þar öflugan bandamann til
að leita til þegar þörf er á. Þá er Þýzkaland eitt af öflug-
ustu herveldum NATO, sem hefur sýnt áhuga á að eiga
samvinnu við Íslendinga á sviði öryggis-og varnarmála.
Þá samvinnu eigum við tvímælalaust að virkja og efla
á næstu misserum og árum.

  Þýzkir kanslarar hafa ekki verið tíðir gestir á Íslandi
gegnum árin. Er ekki kominn tími til að á því verði breyting, 
í upphafi  á eflingu pólitískra samskipta þjóðanna. ?

  Angela Merkel yrði þar verðugur kanslari til að sækja
Ísland heim.  Bjóðum hana velkoma !

   

Sósialískar mótvægisaðgerðir

   Það fer ekki á milli mála að sósíaldemókratar eru komnir
til valda á Íslandi, með tilheyrandi gamaldags og úreltum
sósíaliskum áherslum, og það fyrir tilstuðlan Sjálfstæðisflokk-
sins, svo hjákátlegt sem það kann að hljóma. Að við skulum
vera komin inn á 21 öldina verandi vitni að slíkum sósíal-
iskum stjórnarháttum og sem birtast í svokölluðum mót-
vægisaðgerðum ríkisstjórnarinnar vegna kvótaskerðingar
á þorski (sem reyndar voru allt of miklar) er með hreinum
endæmum. Alvarlegast er þó að aðgerðar þessar koma
þeim fjölda fólks, fyrirtækjum og byggðarlögum sem mest
verða fyrir tekjuskerðingu vegna skerðingu á þorskvóta,
sem minnst að  gagni eða ALLS EKKI NEITT.  Að útdeila
opinberu fé á slíkum  fölskum forsendum og með jafn ómark-
vissum  og óljósum hætti og raun ber vitni   eru sósíaliskar
aðgerðir af verstu sort, og ekkert annað........

  

Skil ekki alveg

  Verð að játa það að skilja ekki sumar en fáar raddir innan
Framsóknar sem gagnrýna heimkvæðningu upplýsingafull-
trúa okkar á vegum Nato í Írak. Að það sé ígildi einhvers
trúnaðarbrests við skuldbindingar Íslands gagnvart NATO
er út í hött. Í dag er hver þjóðin af fætur annari að kveða
sitt herlið heim frá Írak, og sagt er í fréttum í dag að Bush
Bandaríkjaforseti muni tilkynna í vikunnu mikla fækkun í
bandariska herliðinu frá Írak fyrir mitt næsta ár.

  Sannleikurinn er sá að innráðsin í Írak voru mikil mistök
og stuðningur Íslands við hana. Fyrrverandi formaður
Framsóknarflokksins, Jón Sigurðsson, lýsti því yfir mjög
fljótlega eftir að hann tók við formennsku flokksins, að
stuðningur Íslands við innrásina í Írak  hefðu verið mistök.
Augljóst er, að sá stuðningur stórskaðaði Framsóknarflokk-
inn, og var einn af orsakavöldum ósigur hans í vor.  Ef
stuðningurinn við Íraksstríðið var mistök, hvernig getur þá
heimkvæðning upplýsingafulltrúa okkar í Írak valdið mis-
skilningi eða trúnaðarbresti?  Hvenar hefur Nato átt form-
lega aðild að stríðinu í Írak ?

   Já, verð að játa það.  Skil ekki alveg !

  

Viðskiptaráðherra vill setja kvótann á erlendan markað

  Viðskiptaráðherra ætlar að endurskoða lög um erlenda
fjárfestingu. Það er alveg ljóst að eitt af því sem hugur
hans stendur til, er að að gera erlendum aðilum kleyft að
fjárfesta í íslenzkri útgerð. Í dag er það bannað, og það
bann er einungis mögulegt af því við erum ekki í ESB.

  Ef útlendingar fengu sama fjárfestingarétt og Íslendingar
í íslenzkri útgerð, gætu þeir með tíð og tíma komist yfir
stórs hluta fiskveiðikvótans á Íslandsmiðum. Hann myndi
einfaldlega verða keyptur úr landi og þar með allur virðis-
aukinn sem honum fylgdi. Þetta er alþekkt innan ESB og
hefur verið kallað kvótahopp. Breskur sjávarútvegur er
besta dæmið um það. Hann er nánast í rúst. Spánverjar
og Portugalir eiga í dag stór hluta kvótans í breskri
fiskveiðilögsögu. Það er einmitt út af þessari hættu sem
útlendingum er bannað að fjárfesta í íslenskri útgerð.
Þessu vill nú viðskiptaráðherra breyta. Ekki verður trúað
að sjávarútvegsráðherra og hans flokkur samþykki það.

  Annars er það með ólíkindum hvað krötunum  komast upp
með þessa dagana. Jafnvel þótt fjöregg íslenzkrar þjóðar
sé annars vegar...............

Norðmenn hafna vinstrimennsku !

  Gott hjá frændum vorum Norðmönnum. Algjört vinstrahrun
í norsku sveitarstjórnarkosningunum. Systurflokkur Vinstri-
grænna í Noreigi minnkar um helming. Borgaraflokkarnir
sækja á, til merkis um að Norðmenn eru orðnir hundleiðir
á stjórn vinstriflokkanna í Noreigi. Á svipuðum tíma eða í
vor höfnuðu sjálfstæðismenn því að mynda sterka borg-
aralega ríkisstjórn á Íslandi með Framsókn og Frjálslyndum.
Sitja nú í súpunni, með vinstrisinnaða og bandóða ESB-
sinnaða krata úr Samfylkingu sér við hlið.  

   Verði þeim að góðu !

Titringur meðal sjálfstæðismanna

   Björgvin Sigurðsson viðskiptaráðherra hefur að undanförnu
beinlínis tekið þátt í því að tala gjaldmiðil þjóðarinnar norður
og niður, einmitt á þeim tíma sem er mikil ólga á gjadeyris-
og peningamörkuðum heims. Þetta er fáheyrt ef ekki eins-
dæmi að ráðherra, og það viðskiptaráðherra, skuli leyfa sér
að tala svona  um þjóðargjaldmiðil þjóðar sinnar, einmitt
þegar krónan á í vök að verjast, eins og margir aðrir gjald-
miðlar á þeim óróatímum sem nú ríkja á peningamörkuðum
heims. Þess  vegna kemur það ekki á óvart, að sjálfstæðis-
menn titri vegna ummæla viðskiptaráðherra og evruáhuga
hans eins og fram kemur í Viðskiptablaðinu í dag hjá Örnu
Scram.  Sagt er að ónafngreindir þingmenn  Sjálfstæðisflokks-
ins telji viðskiptaráðherra hafa farið mjög óvarlega, því orð
hans sem slíks hafi meira vægi en annara í þessum efnum.
Haft er eftir þingmönnum Sjálfstæðisflokksins að ,, Ráðherrann
megi ekki gleyma því að hann sé nú kominn í stjórnarsamstarf.
Í slíku samstarfi gildi önnur lögmál en í stjórnarandstöðu.
Samstarfið sé byggt á sameiginlegri stefnuyfirlýsingu ríkis-
stjórnarflokkanna."

   Það er ánægjulegt þegar sjálfstæðismenn eru nú farnir
að rumska í hverju málinu á fætur öðru þar sem kratar
fara nánast offari. Það er nefnilega með engu móti boðlegt
lengur hvernig viðskiptaráðherra hefur sýnt mikið ábyrgðar-
leysi í gaspri sínu um gjaldeyris- og gjaldmiðlamál að undan-
förnu. Með slíku vítaverðu  ábyrgðarleysi væri slíkur ráðherra
löngu verið búinn að láta taka pokann sinn.