Framsókn hefur misst trúverðugleika í Evrópumálum

   Framsóknarflokkurinn hefur misst trúverðugleika í Evrópumálum.
Ályktun miðstjórnarfundar flokksins staðfestir það. Flokkurinn virðist
margklofinn í þessu mesta pólitíska hitamáli lýðveldisins. Hefur gefist
upp við stefnumótunina, og vísar málinu efnislega alfarið frá sér til
þjóðarinnar í óskilgreinda og óljósa þjóðaratkvæðagreiðslu.

  Hámark tvískinnungs þeirra sem talað hafa gegn aðild Íslands að ESB
innan flokksins, var í því fólginn  að krefjast breytingu á stjórnarskránni.
Hvernig í ósköpunum geta menn sagst vera á móti aðild Íslands að ESB
vegna þess mikla afsals á fullveldi  sem slíkri aðild fylgir, en  geta samt
samþykkt breytingu  á  stjórnarskránni  svo  þetta sama  fullveldisafsal
geti orðið að veruleika komi til aðildar að ESB? Og það löngu áður en sam-
ningar fari af stað. Ef þá þeir fara  nokkurn tímann af stað !

  Ljóst er að ESB-andstæðingar innan miðstjórnar Framsóknarflokksins
gáfust  upp með því að vilja ekki einu sinni taka fyrsta slaginn á Alþingi
Íslendinga um að verja stjórnarskrá Íslands  fyrir áformum og ráðabruggi
ESB-sinna að koma Íslandi inn í Evrópusambandið. Það voru mikil pólitísk
mistök hjá Framsókn.

  Ljóst er einnig eftir miðstjórnarfund Framsóknarflokksins, að þeir ESB-
andstæðingar sem þann flokk hafa stutt þurfa nú að fara að hugsa sinn
gang. 

  Og það  mjög alvarlega !

  

  .

Þjóðaratkvæði um aðildarviðræður

Yfirlýsing Guðna veldur vonbrigðum !

   Sem andstæðingur aðildar  Íslands að  Evrópusambandinu, veldur
yfirlýsing  Guðna  Ágústssonar,  formanns  Framsóknarflokksins  á
miðstjórnarfundi  flokksins í gær, miklum vonbrigðum. Þar lýsti Guðni
þeirri skoðun sinni, að  breyta  þurfi  stjórnarskránni  svo að hún verði
ESB-tæk þegar og ef til aðildar komi. En öllum ESB-andstæðingum má
ljóst vera, og þar á meðal Guðna Ágústssyni,  að fyrsta raunverulega
orustan um aðild Íslands að ESB, fer fram á Alþingi Íslands einmitt um
stjórnarskrána. Þvi að i dag kemur stjórnarskrá Íslands í veg fyrir aðild
Íslands að ESB, vegna þess að hún leyfir ekki slíkt stórkostlegt afsal á
fullveldi Íslands sem í ESB aðild felst.  Skv. yfirlýsingu formanns Fram-
sóknarflokksins á því strax að gefast upp í fyrstu orustunni um aðild Ís-
lands að ESB. Strax á að hlaupa til handa og fóta og greiða meiriháttar
fyrir óskum og ráðabruggi ESB-sinna og breyta stjórnarskránni svo hún 
komi ekki í veg fyrir aðildaráform þeirra.  Hvernig  í ósköpunum á að skilja
svona pólitískan tvískinnung ?

  Raunar hafa fleiri stjórnmálamenn sem segjast alla  vega í  orði  vera á
móti  aðild  að  ESB, dottið  í sömu  meinloku  og  Guðni. Varaformaður
Sjálfstæðisflokksins hefur lýst sömu skoðun og Guðni.  Því er fullkomin
ástæða til að hafa áhyggjur af slíkum tviskinnungi í jafn stórpólitísku hita-
máli og því hvort Ísland skuli inn í ESB eða ekki.  Því annað hvort eru menn
á móti aðild Íslands að Evrópusambandinu eða ekki, og hljóta því að tala
og og ekki síst   BREYTA skv. því !

  Yfirlýsing Guðna Ágústssonar, formanns Framsóknarflokksins, var því
alls ekki til þess fallin að bæta ásýnd flokksins í Evrópumálum. Allra  síst
gagnvart þeim fjölda flokksmanna og stuðningsmanna Framsóknarflokk-
sins sem enn vilja standa vörð um fullveldi og sjálfstæði Íslands. 

  Yfirlýsing formannsins voru því bæði í senn vonbrigði og vanhugsuð, svo
ekki sé meira sagt ! 

  

Guðni með sömu meinloku og Þorgerður Katrín

   Guðni Ágústsson formaður Framsóknarflokksins dettur í sömu
meinlokuna og Þorgerður Katrín varaformaður Sjálfstæðisflokk-
sins. Bæði segjast vera andvíg aðild Íslands að ESB, en vilja
samt greiða fyrir inngöngu í ESB með tilheyrandi breytingum
á stjórnarskránni, þannig að hið mikla fullveldisafsal sem í að-
ildinni felst verði ekki til trafala hvað stjórnarskrána varðar.
Guðni Ágústsson formaður Framsóknarflokksins lýstu þessu
yfir á miðstjórnarfundi flokksins í dag.

  Hvers konar tvískinnungur er hér eiginlega á ferð? Annað
hvort eru menn á móti ESB eða ekki. Sem þýðir, að þeir sem
eru á móti, fara ekki að hlaupa til handa og fóta til að breyta
stjórnarskránni, til að auðvelda ESB-sinnum leiðina inn í ESB
með tilheyrandi fullveldisafsali og stórskerðingu á sjálfstæði
Íslands. Eða hvað ?

  Evrópuumræðan verður furðulegri með hverjum deginum sem
líður.  Yfirlýsing Guðna er eitt dæmið um það !

Þarf að breyta stjórnarskrá

Þær frönsku að koma !

 

   Á mánudaginn munu fjórar franskar orustuþotur koma til
Íslands til að sinna loftrýmiseftirliti í samræmi við samkomu-
lag NATO og íslenskra stjórnvalda. Um 120 manns munu
vera í flugsveitinni, og mun sinna eftirlitinu í 6 vikur.

   Íslendingar hafa þegar samið við Dani og Norðmenn um sam-
starf í varnarmálum, og standa viðræður yfir við Kanadamenn.
Þá hafa Þjóðverjar sýnt áhuga á slíku samstarfi, en Þýzkar her-
flugvélar skáru sig úr með fjölda millilendinga þegar banda-
riski herinn var hér á landi. Þjóðverjar hafa yfir að ráða mjög
öflugum flugher, sem mikill fengur yrði að fá til að sinna loft-
rýmiseftirliti kringum Ísland. Og ekki sakar að Þjóðverjar hafa
ætíð verið einstök vinarþjóð  Íslendinga.

   Samstarf í öryggis- og varnarmálum hlýtur ætíð að byggjast
á vináttu og trausti. Danir, Norðmenn, Þjóðverjar og Kanada-
menn verðskulda slíka vináttu og traust, og að slíkum þjóðum
hljótum við að halla okkur öðrum fremur þegar að jafn mikilvæg-
um málum kemur og öryggis-og varnarmálum.

  Gleymum því svo ekki að Rússar hafa ætíð sýnt Íslendingum
mikla vináttu- og virðingu. Öryggissamvinna við Rússa  á N-
Atlantshafi er því ekki bara sjálfsögð, hún er mjög nauðsýn-
leg á komandi misserum og árum.

  Íslendingar eiga fyrst og fremst að byggja öryggis- og varnar-
málin á EIGIN forsendum og hagsmunum, eins og raunar allar
þjóðir gera. Eftir brotthvarf bandariksa hersins hlýtur sá mála-
flokkur að stórvaxa næstu misseri og ár. Markviss uppbygging
Landhegisgæslu, öryggissveita og varaliðs lögreglu, ásamt
öflugri greiningardeild, leyniþjónustu, er sjálfsagt framhald af
slíku ferli........

Breski sósíaldemókratisminn á undanhaldi

   Breski Verkamannaflokkurinn tapaði stórt í bæjar-og sveitar-
stjórnarkosningunum á Bretlandi, og er það ánægjuefni. Þannig
er breski sósíaldemókratisminn á Bretlandi á hröðu  undanhaldi.
Allt bendir því til að við næstu þingkosningar taki breski Íhalds-
flokkurinn við eftir langa stjórnarandstöðu.

  Áhrifanna munu ekki bara gæta innan Bretlands. Innan Íhalds-
flokksins gætir mikilla efasemda t.d um samrunaferlið allt innan
Evrópusambandsins, þannig að  Bretland er  örugglega  ekki á
leið inn á evrusvæðið næstu árin ef fram heldur sem horfir. 
Bretar munu í enn ríkara mæli standa á sínu.

  Vonandi að svipuð þróun sé að gerast hér á landi. Fylgistap
Samfylkingarinnar skv. síðustu skoðanakönnun er afgerandi.
Enda hefur sósíaldemókratismi aldrei  reynst þjóðinni vel, og
allra síst sem vegvísir inn í framtíðina.

Útlit fyrir sigur Íhaldsflokks í Lundúnum

Götuóeirðir í Hamborg

   Víða virðast brjótast út óeirðir í kringum 1. maí ár hvert. Tyrkland
og Þýzkaland voru áberandi í fréttum í ár. Í Hamborg komu til mikilla
átaka, og að sögn lögreglu eru þær óeirðir þær  verstu þar í borg í
mörg ár. Segir lögreglan að um sjö þúsund vinstrisinnaðir róttæk-
lingar hafi reynt að brjótast í gegnum varðhring lögreglu.

   Sem betur fer hafa slíkar pólitískar öfgar ekki náð bólfestu hér á
landi. En sýnir þó, hversu öflug löggæsla er mikilvæg á hverjum
tíma...

Verstu götuóeirðir í Hamborg í mörg ár

Óásættanlegt fylgi Framsóknar !

   Það er óásættanlegt fyrir Framsóknarflokkinn að vera aðeins
með 10% fylgi í skoðanakönnun Gallups, miðað við stjórnarand-
stöðuflokk  og ástands  efnahagsmála. Lágmark ætti fylgið  að
mælast með  minnst 15%. En þegar betur er skoðað, kemur þetta
alls ekki  á  óvart. ESB-draugurinn  gengur ljósum  logum ennþá
innan flokksins, og hefur hátt þessa daganna. Þessi draugur, sem 
fyrrverandi formaður, Halldór Ásgrímsson illu heilli vakti upp fyrir
all  löngu, hefur stórskaðað  flokkinn, ekki síst  hina pólitísku ímynd
hans sem þjóðlegs framfaraflokks. Ekki tók betra við nú á dögunum,
þegar fráfarandi formaður, talandi um ÞJÓÐHYGGJU fyrir kosningar
og STYRKLEIKA ef til ESB-aðildar kæmi í ókominni framtíð, umpólaðist
svo gjörsamlega, og er nú orðinn helsti talsmaður  aðildar að ESB,
eins og raunar vara-formaður flokksins og fleiri  í dag.  Allt þvert á
núverandi Evrópustefnu flokksins og áherslur og viðhorf núverandi
formanns í þeim málum.

   Hvernig er hægt annað en að búast við að flokkur sem virðist hafa
tvær gjörólíkar stefnur í einu mesta pólitíska hitamáli lýðveldisins,
vegni vel í skoðanakönnunum og kosningum? Þegar vara-formaður
flokksins gjörsamlega vanvirðir grundvallarstefnu flokksins  í þessu
stórmáli?   Fylgistap Framsóknar og slækt gengi flokksins í skoðana-
könnunum að undanförnu, á því alfarið að skrifast á ESB-drauginn
innan flokksins. - Takist ekki að kveða hann niður eru framtíðar
horfur Framsóknar því miður ekki bjartar.

   Miðstjórnarfundur Framsóknar er á komandi helgi. Fróðlegt verður
að sjá hvort ekki dragi þar til tíðinda í þessum málum.

  Svona klofningur í jafn stórpólitísku hitamáli og því hvort Ísland
skuli ganga í Evrópusambandið eða ekki, gengur ekki lengur.
Það verður að fara að koma í ljós, hvort Framsókn ætlar að verða
lítill ESB-sinnaður krataflokkur til stuðnings Samfylkingunni eða
ekki. 

   Um það snýst  málið !

Fylgi við Samfylkingu og ríkisstjórn minnkar

Ákall Ingibjargar um þjóðarsátt hjóm eitt

  Ákall formanns Samfylkingarinnar, Ingibjargar Sólrúnar Gísla-
dóttir um þjóðarsátt er hjóm eitt. Á sama tíma sem Ingibjörg
Sólrún fríar sig allri ábyrgð á því efnahagsöngþveiti sem hún
og flokkur hennar hafa skapað s.l ár, varpar hún allri sök á
fyrrverandi ríkisstjórn. Stjórnmálamaður sem þannig talar og
hefur auk þess misst alla trú á íslenzkri framtíð, en vill þess
í stað ofurselja Íslandi Brusselvaldinu á hönd, og þar með að
kljúfa þjóðina í herðar niður, á ekki skilið neinar undirtektir um
þjóðarsátt.

  Krafa dagsins í dag er því sú að slíkur stjórnmálamaður með
þannig framtíðarsýn, sem auk þess er að skapa mikla kjara-
skerðingu hjá íslenzkum almenningi vegna aðgerðarleysis í
efnahagsmálum, á að fara frá völdum, og það þegar í stað !  

Fallegt að bjarga heiminum, en...

   Já það getur verið göfugt og fallegt að reyna að bjarga
heiminum. Í gær undirrituðu Ingibjörg Sólrún Gísaldóttir
utanríkisráðherra og Jóhanna Sigurðardóttir félagsmála-
ráðherra samkomulag um móttöku flóttafólks á þessu og
á næsta ári að fjárhæð hátt í  200 milljónir króna. Fróðlegt
yrði að fá það upplýst hversu háar fjárhæðir Ingibjörg  Sól-
rún Gísladóttir er búin að lofa út og suður um heiminn í
allskyns þróunar- og fjárhagsaðstoð í öllu transsporti sínu
til að efla stuðnings við gæluverkefni ríkisstjórnarinnar um
að Ísland nái kjöri í Öryggisráð Sameinuðu þjóðanna.

  Mikill efnahagsvandi steðjar nú að þjóðinni. Allt bendir til
að  þeir sem  veikastir eru fyrir, verði verst  úti. Allt útlit er
fyrir að allar þær umbætur sem Jóhanna Sigurðardóttir lof-
aði að gera  gagnvart öryrkjum og öldruðum  brenni upp á
báli óðaverðbólgunar, sem ríkisstjórn Jóhönnu og Ingibjarg-
ar hafa skapað að stórum hluta vegna aðgerðarleysis. Allar 
líkur benda því  til þess að kjör þeirra verst settu í þjóðfél-
aginu eigi eftir að stór versna á næstu misserum og mánuð-
um ef fram heldur sem horfir. Einmitt þeirra sem Jóhanna
þóttist svo bera  fyrir  brjósti  fyrir kosningar.  Á sama tíma
hefur bruðlið í utanríkisráðuneytinu aldrei verið eins míkið
og nú,  og úrbætur félagsmálaráðherra brenna upp í verð-
bólgubáli, og raunar langt um  betur.  

   Það  að  vilja  bjarga  heiminum  er jú  gott  mál. En meðan
vandamálin heimafyrir eru jafn mörg og raun ber vitni, og fara
stór vaxandi,  er betra fyrst, að líta sér ögn nær.

  Allt annað er hræsni ! 

Samið um móttöku flóttamanna